ДУШАНБЕ, 26.02.2020 /АМИТ «Ховар»/. 26-27 феврал дар Кумитаи иҷроияи ИДМ дар Минск ҷаласаи гурӯҳи корӣ  оид ба таҳияи лоиҳаи Низомнома  дар бораи Осорхонаи виртуалии мероси фарҳангии  кишварҳои  узви Иттиҳоди  Давлатҳои  Мустақил барпо мегардад, хабар медиҳад АМИТ «Ховар» бо истинод ба хадамоти матбуоти Кумитаи иҷроияи ИДМ.

Ҳадафи  лоиҳа муттаҳид сохтани  мероси фарҳангии моддӣ ва ғайримоддии кишварҳои  аъзои ИДМ   таҳти Осорхонаи ягонаи виртуалӣ   дар Интеренет  мебошад, ки дар он  намунаҳои  ҷолибтарини  мероси фарҳангӣ  ба намоиш гузошта мешаванд.

Дар назар аст, ки яке аз усулҳои асосии  маҷозикунонии ашёи ба намоишгузоштаи осорхонаҳо манзараҳои вируталӣ (панорамаҳои 3D, панорамаҳои даврӣ, панорамаҳои дараҷаи 360 ) бо тасвири намунаҳои мероси фарҳангӣ, нигораҳои инфиродӣ, тахтаҳои намоишӣ шаванд, ки таваҷҷуҳи тамошобини маҷозиро  бояд ба худ ҷалб созанд.

Шакли асосии пешниҳоди ахбор саёҳати маҷозӣ, аз ҷумла  аксҳо дар ҳавои мусиқӣ ва унсурҳои мултимедиявӣ хоҳад буд.  Чунин сайр метавонад дар асоси аксҳои воқеӣ, ки  дар фазои 3D шабеҳи онро сохтан мумкин аст,  сурат бигирад.

Дар бораи нияти иштирок дар ҷаласаи гурӯҳи корӣ намояндагони Озарбойҷон, Арманистон, Беларус, Қазоқистон ва Ӯзбекистон эълон карданд.