Дар «Prodexpo-2020», ки имрӯз дар Москва оғоз меёбад, маҳсулоти тозаи экологии Тоҷикистон муаррифӣ мегардад
ДУШАНБЕ, 10.02.2020 /АМИТ «Ховар»/. Беш аз 10 ширкати тавлидотии Тоҷикистон аз навоҳии тобеи марказ, вилоятҳои Суғду Хатлон ва Бадахшон, ки ба истеҳсоли нӯшокиҳои ташнагишикан, меваҳои хушк, лимӯ, сабзавот ва маҳсулоти консервашуда машғуланд, дастранҷи худро дар 27-умин Намоишгоҳи маҳсулоти хӯрокворӣ, нӯшокиҳо ва ашёи хом барои истеҳсоли онҳо- «Prodexpo-2020», ки имрӯз дар маркази намоишгоҳи «Экспостентр»-и шаҳри Москва оғоз меёбад, ба намоиш мегузоранд. Ширкатҳои мазкур дар «ProdExpo-2020», ки бузургтарин намоишгоҳи байналмилалии озуқаворӣ ва нӯшокиҳо дар Россия ва Аврупои Шарқӣ мебошад, маҳсулоти тозаи экологии Тоҷикистонро муаррифӣ менамоянд.
Палатаи савдо ва саноати Ҷумҳурии Тоҷикистон бо дастгирии Лоиҳаи тиҷоратикунонии соҳаи кишоварзӣ, ки аз ҷониби Бонки ҷаҳонӣ маблағгузорӣ мешавад, иштироки ширкатҳои ватаниро дар 27-умин Намоишгоҳи байналмилалии озуқаворӣ, нӯшокӣ ва ашёи хом барои истеҳсоли онҳо — «Prodexpo-2020» ташкил намуд. Ҳадафи он муаррифии маҳсулоти аз ҷиҳати экологӣ тоза ва баланд бардоштани иқтидори содиротии мамлакат мебошад.
Дар ин бора ба АМИТ «Ховар» аз маркази матбуоти Палатаи савдо ва саноат иттилоъ доданд.
Тибқи иттилои манбаъ, намоишгоҳи «ProdExpo-2020» беш аз 2600 нафар иштирокчиёнро аз 70 кишвари ҷаҳон дар Москва ҷамъ меорад.
Дар ҷараёни намоишгоҳ вохӯрии содиркунандагони тоҷик бо шабакаҳои бузурги тиҷоратии гурӯҳҳои X5, Окей, Лента ташкил карда мешавад. Намоишгоҳи «Prodexpo 2020» то 14 феврали соли равон идома меёбад.
Мудири кулли ФАО: «Дар самти истифодаи самараноки захираҳои табиии обу замин бояд оқилона муносибат кард»
Дар Конфронси ФАО дар Душанбе тағйирёбии иқлим, аз байн рафтани гуногунии биологӣ ва вайроншавии замин баррасӣ шуд
Иқтидори кишоварзию саноатии Тоҷикистон дар «Dushanbe EXPO Centre» ба маърази тамошо гузошта шуд
Жанна Исина: «Баргузории конфронси сатҳи баланд дар Душанбе мавқеи байналмилалии Тоҷикистонро тақвият медиҳад»
Дар доираи Конфронси 35-уми минтақавии Созмони озуқаворӣ ва кишоварзӣ ҷаласаи канорӣ оид ба татбиқи ҳуҷҷати «равиши ягонаи саломатӣ» баргузор шуд
Мудири кулли ФАО Тсюй Дунъюй: «Ба Президенти Тоҷикистон барои дар сатҳи баланд баргузор намудани Конфронси 35-уми минтақавии СММ изҳори миннатдорӣ менамоям»
Беш аз 8 миллиард доллар сармоягузорӣ: натиҷаҳои мулоқоти Пешвои миллат Эмомалӣ Раҳмон бо роҳбарони ширкатҳои Чин дар Пекин
Дар Душанбе модели ҳамкории минтақавӣ ва табодули дониш баррасӣ гардид
Тсюй Дунъюй ба муборизаи муштарак бо таҳдидҳои иқлимию иқтисодӣ даъват намуд
Агаси Арутюнян: «Конфронси 35-уми минтақавии ФАО барои муаррифии дастовардҳои Тоҷикистон ва иқтидори кишоварзии он имконияти васеъ фароҳам меорад»
Байни ширкатҳои Тоҷикистону Чин 28 санади ҳамкорӣ ба маблағи умумии 647 миллион доллари амрикоӣ ба имзо расид
Дар Душанбе Конфронси 35-уми минтақавии Созмони озуқаворӣ ва кишоварзии СММ ифтитоҳ гардид
