«Интурмаркет-2020». Дар ин Намоишгоҳи байналмилалӣ захираҳо ва имкониятҳои сайёҳии Тоҷикистон муаррифӣ мегарданд
ДУШАНБЕ, 26.02.2020. /АМИТ «Ховар»/. Аз 12 то 14 марти соли 2020 дар маҷмааи «Крокус Экспо»-и шаҳри Москваи Федератсияи Россия Кумитаи рушди сайёҳӣ гӯшаи сайёҳии Тоҷикистонро бо иштироки намояндагони соҳаи сайёҳии ҷумҳурӣ зери шиори «Тоҷикистон-кишвари сайёҳӣ» дар 15-умин Намоишгоҳи байналмилалии сайёҳии «Интурмаркет-2020» муаррифӣ менамояд. Дар ин бора ба АМИТ «Ховар» аз Кумитаи мазкур хабар доданд.
Намоишгоҳи «Интурмаркет-2020» дар майдони 2800 метри мураббаъ бо иштироки 1430 ширкати сайёҳӣ, 78500 иштирокчӣ аз 143 кишвар дар назар дошта шудааст.
Ҳадаф аз иштирок дар намоишгоҳи мазкур муаррифии шоистаи захираҳо ва имкониятҳои сайёҳии Тоҷикистон барои ҷалби сайёҳон аз Федератсияи Россия ва Иттиҳоди Давлатҳои Мустақил мебошад.
Дар баробари баргузории Намоишгоҳи байналмилалии сайёҳии «Интурмаркет-2020» дар шаҳри Москва 13 март дар доираи Форуми байналмилалии иқтисодии давлатҳои иштирокчии аъзои ИДМ, Конгресси байналмилалии сайёҳии ИДМ+Ҷаҳон 2020 доир мегардад. Дар он густариши масъалаҳои ҳамкорӣ дар бахши сайёҳӣ мавриди баррасӣ қарор дода мешаванд.
Бояд гуфт, ки зери сиёсати хирадмандонаи Пешвои миллат муҳтарам Эмомалӣ Раҳмон сайёҳӣ ҳамчун бахши муҳиму ояндадори иқтисоди миллӣ аҳамияти тоза касб намуда, тавассути иштирок дар намоишгоҳҳо ва дигар чорабиниҳои бонуфузи байналмилалӣ симои Тоҷикистон ҳамчун мамлакати осоишта ва дорои имкониятҳои бойи сайёҳӣ дар бозори ҷаҳонии сайёҳӣ устувор мешавад.
Ин аст, ки таваҷҷуҳи сайёҳони хориҷӣ ба Тоҷикистон пайваста зиёд мегардад.
РАВАНДИ ОБИ ДУШАНБЕ. Президенти Тоҷикистон пешниҳод намуданд, ки «Чаҳорчӯби Душанбе барои об» таъсис дода шавад
Ҳоким Холиқзода бо муовини якуми Президенти Бонки аврупоии таҷдид ва рушд Марк Боуман мулоқот намуд
Кормандони Агентии авиатсияи гражданӣ дар Осорхонаи миллӣ бо мероси таърихию фарҳангии ниёгон шинос шуданд
Ҳайати Тоҷикистон дар Форуми байналмилалии M360 Eurasia 2026 масъалаҳои рушди рақамиро баррасӣ намуд
Тоҷикистон тасмим гирифтааст, ки то соли 2040 дастрасии ҳадди ақалл 90 фоизи аҳолиро ба оби мутамарказ таъмин намояд
Татбиқи лоиҳаҳои иҷтимоию иқтисодӣ дар Тоҷикистон бо Бонки аврупоии таҷдид ва рушд баррасӣ гардид
Эмомалӣ Раҳмон: «Тоҷикистон тасмим гирифтааст, ки то соли 2040 рақамикунонии мудирияти захираҳои обро то 80 фоиз афзоиш диҳад»
Коршиносони хориҷӣ нақши Тоҷикистонро чун давлати ташаббускор дар ҳалли масъалаҳои глобалии обу иқлим назаррас арзёбӣ намуданд
РАВАНДИ ОБИ ДУШАНБЕ. Дар намоишгоҳи байналмилалӣ иқтидори обию энергетикӣ ва шаҳсозии Тоҷикистон муаррифӣ гардид
Ҳамкории Донишгоҳи байналмилалии сайёҳӣ ва соҳибкории Тоҷикистон бо Донишгоҳи СММ тақвият меёбад
РАВАНДИ ОБИ ДУШАНБЕ. Дар Душанбе таҳти унвони «Об — манбаи ҳаёти инсоният» Фестивали об ва барномаи фарҳангӣ доир шуд
Имконоти иқтисодии Тоҷикистон бо ҳайати намояндагони ширкатҳои байналмилалии молиявӣ баррасӣ шуд
