Натиҷагирӣ аз фаъолияти ташкилотҳои суғуртавӣ дар Бонки миллии Тоҷикистон
ДУШАНБЕ, 08.02.2020 /АМИТ «Ховар»/. Таҳлил ва ҷамъбасти нишондиҳандаҳои ташкилотҳои суғуртавӣ дар ҷаласае, ки дар ҳузури муовини Раиси Бонки миллии Тоҷикистон Ҳамидулло Машрабзода бо иштироки роҳбарони ташкилотҳои суғуртавӣ ва масъулини Идораи назорати суғуртавӣ доир гардид, баррасӣ шуд.
Ҳамидулло Машрабзода дар назди роҳбарону масъулини ташкилотҳои суғуртавӣ иброз дошт, ки бахши суғурта ҳамчун низоми ҳимоя ва дастгирии манфиатҳои шахсони воқеӣ ва ҳуқуқӣ дар самти таъмини бехатарии ҳаёт, саломатӣ ва молу мулк унсури асосии иҷтимоию иқтисодии давлат ва ҷомеа маҳсуб ёфта, барои пешрафти соҳаҳои иқтисодиёт муҳим арзёбӣ мегардад. Дар ин росто, суғурта яке аз соҳаҳои муҳими бозори молиявии давлат буда, рушди он тақозои замон аст.
Сардори Идораи назорати суғуртавии Бонки миллии Тоҷикистон Дилбар Ҳусейнова зимни таҳлили нишондиҳандаҳои асосии иқтисодии ташкилотҳои суғуртавӣ оид ба тамоюли бозори суғуртавӣ, воридоти мукофоти суғуртавӣ аз рӯи шаклҳо ва намудҳои суғурта, пардохти ҷуброни суғуртавӣ аз рӯи шаклҳо, сохтори сандуқи суғуртавӣ ва нишондиҳандаҳои азнавсуғуртакунӣ маълумоти дақиқ дод.
Ҳамзамон роҳбарону намояндагони масъули ташкилотҳои суғуртавии мамлакат доир ба фаъолияти соҳа ибрози назар намуданд. Дар анҷом ба ташкилотҳои суғуртавӣ барои саҳмгузорӣ дар бозори хизматрасониҳои суғуртавӣ, ба роҳ мондани ҳисоббаробаркуниҳои ғайринақдӣ ва дар асоси рақобати солим ба роҳ мондани фаъолият дастуру тавсияҳо дода шуд.
Дар Душанбе савдои фаромарзии бекоғаз ва экосистемаи рақамии тиҷорати электронӣ баррасӣ гардид
Ҷаласаи нахустини гурӯҳи кории Тоҷикистону Русия оид ба ҳамкорӣ дар соҳаи рақамикунонӣ ва технологияҳои иттилоотӣ баргузор гардид
Иқтисодчиён дар ҳалли масъалаҳои рушди иқтисодӣ ва иҷтимоии Тоҷикистон нақши барҷаста доранд
Дурнамои ҳамкории иқтисодии Тоҷикистон бо Хазинаи байналмилалии асъор баррасӣ гардид
Дар Вазорати рушди иқтисод ва савдо ба муносибати Рӯзи иқтисодчиён ҳамоиши тантанавӣ доир гардид
Тоҷикистон ва Иттиҳоди Аврупо дар самти рақамикунонии иқтисод ва идоракунии давлатӣ ҳамкориро тақвият медиҳанд
Тоҷикистон ва Иттиҳоди Аврупо ҳамкориро дар соҳаи ҳифзи муҳити зист тақвият мебахшанд
ИМРӮЗ — РӮЗИ ИҚТИСОДЧИЁН. То соли 2030 ҳаҷми маҷмӯи маҳсулоти дохилӣ 1,8 маротиба афзоиш дода мешавад
ҚУРБИ АСЪОР: 1 рубли русӣ аз 0.1180 то 0.1211 сомонӣ муқаррар шудааст
Дар шаҳру ноҳияҳои Хатлон корҳои безараргардонӣ бар зидди малах идома доранд
Ба кормандони Хадамоти гумруки Тоҷикистон тақвияти чораҳои зиддикоррупсионӣ тавзеҳ дода шуд
Дар Тоҷикистон дар беш аз 23 ҳазор гектар пунбадона кишт намудаанд
