Райнер Мюллер-Ханке Раиси Раёсати ҶСК «Бонки Эсхата» таъйин шуд

Февраль 18, 2020 16:54

ДУШАНБЕ, 18.02.2020. /АМИТ «Ховар»/.  Қарори Шӯрои нозирони Бонк бо мақсади рушд, татбиқи минбаъдаи стратегияи тиҷоратии «Бонки Эсхата» ва бо назардошти ҷорӣ намудани технологияҳои пешқадаму таҷрибаи пешрафтаи ҷаҳонӣ дар соҳаи бонкдорӣ, ҳамзамон баҳри мутобиқати мақоми бонк, қабул карда шуд, хабар доданд ба АМИТ «Ховар» аз ҶСК «Бонки Эсхата».

Интихоб ва таъйини Райнер Мюллер-Ханке ба ҳайси роҳбари «Бонки Эсхата» бо назардошти таҷрибаи калони кории ӯ дар вазифаҳои муҳим дар бонкҳои тиҷорати хориҷӣ ва дар маҷмӯъ дар бонкдории байналмилалӣ сурат гирифт. Дар «Бонки Эсхата» боварӣ доранд, ки таҷрибаи ғанӣ ва диди касбии роҳбарро ҳайати кормандон бо мақсади ташаккулёбии он ҳамчун бонки инноватсионӣ ва технологӣ, ки онро замон ва мизоҷон талаб мекунанд, дастгирӣ менамоянд.

Райнер Мюллер-Ханке соли 1960 дар Олмон таваллуд шудааст. Ӯ дар фаъолияти бонкӣ дорои таҷрибаи беш аз бистсола дар кишварҳои Аврупои Марказӣ ва Шарқӣ, инчунин Федератсияи Россия мебошад. Ӯ дараҷаи магистр оид ба иқтисодиёти Донишгоҳи Озоди Берлинро дошта, дар донишгоҳҳои Ҳайделберг ва Мадрид дар риштаи иқтисодиёт таҳсил кардааст.

Райнер Мюллер-Ҳанке дорои таҷрибаи ғанӣ ҳамчун менеҷери роҳбарикунанда дар «KMB Bank» — бонки гурӯҳи итолиёвии «Intesa Sanpaolo» дар Россия, «Swedbank» — бонки гурӯҳи Шветсия дар Украина ва инчунин ба ҳайси узви Шӯрои нозирони «FinComBank»-и Молдова ва ҶСП «AccessBank» дар Озарбойҷон мебошад.

Дар гузашта ӯ узви Кумитаи Идораи Палатаи савдои Олмону Россия дар Москва, мушовири калони бонкии Ширкати байналмилалии машваратӣ, ҳамраиси барномаи БАТР — Бунёди тиҷорати хурди Россия ва ҳамоҳангсози машваратчии пешбари бонкҳои шарики Россия буд.

Февраль 18, 2020 16:54

Хабарҳои дигари ин бахш

Сокини ноҳияи Ҷайҳун Каримҷон Бутаев 50 сол боз ба анорпарварӣ машғул аст
Дар Шуғнон корхонаи нави истеҳсоли асфалт ба фаъолият оғоз кард
Нақши Тоҷикистон дар таҳкими амнияти ядроӣ ва радиатсионӣ баланд арзёбӣ гардид
Масъалаи таҳвили гази табиӣ аз Узбекистон ба Тоҷикистон дар давраи тирамоҳу зимистон баррасӣ карда шуд
Мутахассисони соҳаи энергетикаи Қирғизистон бо Неругоҳи барқи обии «Роғун» шинос шуданд
Тоҷикистон ва ИМА ҳамкориро дар самти тиҷораткунонии ихтироот тақвият мебахшанд
Дар Қазоқистон Намоишгоҳи маҳсулоти кишоварзӣ, саноатӣ, ҳунарҳои мардумӣ ва таомҳои миллии Хатлон оғоз мегардад
«Flaynas» ояндаи наздик дар масири Ҷидда-Душанбе-Ҷидда парвозҳои мустақими ҳавоӣ оғоз менамояд
Дар Бонки миллии Тоҷикистон имконияти платформаи рақамии амалиёти факторингӣ бо ширкати «OZPLANET» баррасӣ шуд
Дар Хоруғ корхонаи истеҳсоли макарон бунёд карда мешавад
Дар Тоҷикистон лоиҳаи «Стратегияи миллии ҳифзи гуногунии биологӣ» таҳия карда мешавад
Байни Тоҷикистон ва Беларус оид ба ҳамкории тиҷоратию иқтисодӣ даҳ санади ҳамкорӣ ба имзо расид