Шералӣ Сиддиқзода: «БМИМТ дар Хатлон 12 мактаб месозад»

Февраль 12, 2020 13:46

ДУШАНБЕ, 12.02.2020. /АМИТ «Ховар»/. Бунёди миллии иҷтимоии маблағгузории Тоҷикистон (БМИМТ) тасмим гирифтааст, ки дар давраи  татбиқи марҳилаи чоруми барномаи  «Фондҳои ҷамоавӣ барои мусоидати рушди маълумоти асосӣ ва барқарорсозии инфрасохтори коммуналӣ»   дар шаҳру навоҳии вилояти Хатлон  12 бинои мактаб дар як баст бо 2544 ҷойи нишаст бунёд намояд.  Дар ин бора имрӯз зимни нишасти матбуотӣ директори иҷроияи  Бунёди миллии иҷтимоии маблағгузории Тоҷикистон Шералӣ Сиддиқзода хабар дод.

Мавсуф иброз намуд, ки «аз 56 бинои мактабҳои дар ҳолати фарсуда қарордоштаи шаҳру ноҳияҳои вилояти Хатлон пас аз омӯзиш ба 12 бинои мактаб дар ноҳияҳои Абдураҳмонӣ Ҷомӣ, Хуросон, Кӯшониён, Вахш, Левакант, Данғара, Балҷувон, Восеъ, Ховалинг, Кӯлоб, Ш. Шоҳин ва Муъминобод барои навсозӣ иҷозат дода шуд. Айни замон сохтмони бинои ин мактабҳо идома дорад».

Дар нишасти матбуотӣ зикр шуд, ки мақсад ва вазифаи асосии барномаҳои «Фондҳои ҷамоавӣ барои мусоидати рушди маълумоти асосӣ ва барқарорсозии инфрасохтори коммуналӣ» беҳтар намудани шароити таҳсил дар муассисаҳои таҳсилоти ибтидоӣ ва миёнаи умумии шаҳру ноҳияҳои минтақаҳои фарогир буда, дар ҷараёни он мактабҳои лоиҳавӣ бо мебелу таҷҳизоти зарурӣ таъмин карда мешаванд.

«Соли 2020 дар доирати амалишавии барнома иҷрои вазифаҳои зерин, аз қабили  сохтмони 12 бинои мактабии дуқабатаи дорои  6, 8 ва 10 синфхона ба назардошти тадбирҳои баландбардории самаранокиии энергетикии биноҳо, муҷаҳҳазгардонии синфхонаҳои нав бо мебели мустаҳками босифат, таъмини мактабҳои лоиҳавӣ ба шабакаи  мустақили гармидиҳӣ ва неруи барқ, сохтмони нуқтаҳои  санитарии ба талабот ҷавобгӯ, дар ҳолати зарурӣ таъмин намудани мактабҳои лоиҳавӣ бо синфхонаҳои таълими меҳнат ҷиҳати фароҳам овардани имконият барои тайёрии касбӣ ва дигар чорабиниҳои омӯзиширо пешбинӣ намудааст»,-  афзуд Шералӣ Сиддиқзода.

Февраль 12, 2020 13:46

Хабарҳои дигари ин бахш

Тоҷиддин Ҷӯразода дар қароргоҳи СММ доир ба таъсири пандемияи COVID-19 ва тағйирёбии иқлим ба соҳаи сайёҳии Тоҷикистон сухан гуфт
Саъдӣ Каримзода ва Теклу Тесфайе масъалаҳои марбут ба соҳаи кишоварзиро баррасӣ карданд
Форуми саёҳативу тиҷоратии Тоҷикистон ва Узбекистон ба ҳамкорӣ дар бахши сайёҳӣ тавсеа мебахшад
Тоҷикистон ва Узбекистон ҳамкориро дар соҳаи экология ва ҳифзи муҳити зист таҳким мебахшанд
Дар се моҳи аввали соли 2022 дар Тоҷикистон ба масоҳати 250,4 ҳазор метри мураббаъ хонаҳои истиқоматӣ сохта шуданд
Масъалаи таъсиси Фонди байналмилалии ҳифзи пиряхҳо дар Тоҷикистон мавриди баррасӣ қарор гирифт
Дар Тошканд электробус ва электротроллейбуси «Акиа Авесто»-и Тоҷикистон таваҷҷуҳи ширкатҳои хориҷиро ба худ ҷалб намуданд
Намояндагони ширкатҳои сайёҳии Узбекистон аз маконҳои сайёҳии вилояти Суғд дидан менамоянд
ПАНҶСОЛАИ РУШДИ САНОАТ. Дар шаҳри Гулистон як зумра корхонаҳои саноатӣ бунёд мегарданд
Дар Тоҷикистон баҳри нест кардани малах корҳои кимиёвӣ ҷараён доранд
Ҷаласаи XVIII гурӯҳи корӣ оид ба таҳияи стандартҳои назорати давлатии молиявии мақомоти олии аудити давлатҳои аъзои ИДМ баргузор шуд
Тоҷиддин Ҷӯразода ва Абдулло Шаҳид дар Ню-Йорк вазъ ва дурнамои рушди сайёҳии Тоҷикистонро баррасӣ намуданд