Сироҷиддин Икромӣ: «Амонатбонк» ҳамкориро бо бонкҳои Ӯзбекистон ва Чин тақвият мебахшад

Февраль 4, 2020 14:05

ДУШАНБЕ, 04.02.2020. /АМИТ «Ховар»/. Бонки давлатии  амонатгузории Ҷумҳурии Тоҷикистон «Амонатбонк» ҳамкориро бо бонкҳои кишварҳои  ҳамҷавор, назири «Бонки миллии равобити хориҷии Ӯзбекистон» ва «Узпромстройбонк», инчунин Бонки давлатии рушди Чин тақвият додааст.

Раиси Бонки давлатии  амонатгузории  Ҷумҳурии Тоҷикистон «Амонатбонк» Сироҷидин Икромӣ имрӯз дар Душанбе дар ҷамъи намояндагони расонаҳои хабарӣ изҳор  дошт, ки айни замон «Амонатбонк» бо «Бонки миллии  равобити хориҷии Ӯзбекистон»  ва «Узпромстройбонк» шартномаи ҳамкорӣ дар ҳаҷми 43 миллион доллари амрикоӣ ба имзо расонидааст.  Ҳамзамон «Амонатбонк» тасмим  дорад, ки рӯзҳои наздик бо Бонки давлатии рушди Чин  лоиҳаи созишномаи қарзиро  дар ҳаҷми  60 миллион юани чинӣ ва 10 миллион доллари амрикоӣ  ба имзо расонад.

Бо натиҷагирӣ аз фаъолияти нахустин Бонки амонатгузории Ҷумҳурии  Тоҷикистон  «Амонатбонк», ки таърихи 135-сола дорад, Сироҷиддин Икромӣ зикр кард, ки соли гузашта барои кормандони  «Амонатбонк»  соли бобарор ва муваффақ буд. Дар ин сол бинои  нави «Амонатбонк», воқеъ дар хиёбони Рӯдакӣ, 105 бо иштироки Пешвои миллат муҳтарам Эмомалӣ Раҳмон ба истифода дода шуда, дар Озмуни ҷумҳуриявии «Бренди  сол-2019»  «Амонатбонк» бо дарназардошти  хизматрасониҳои муосири бонкӣ сазовори  ҷоизаи тиллоии  «Бренди сол -2019»  дар бахши бонкдорӣ гардид. Ҳамзамон  соли гузашта  дар асоси қарори ҳайати мушовараи  Кумитаи андози назди Ҳукумати Ҷумҳурии Тоҷикистон дар ҷумҳурӣ «Амонатбонк»  яке аз андозсупорандаи беҳтарин  эътироф гардид.

Раиси  «Амонатбонк» афзуд, ки   то охири соли 2019  дороиҳои   «Амонатбонк»  4,2 миллиард сомонӣ ва уҳдадориҳои бонк  3,7 миллиард сомониро  ташкил дода,  пардохтпазирии «Амонатбонк» дар сатҳи баланд нигоҳ дошта шуда,  маблағҳо сари вақт  ба ҳисобҳои дахлдор  гузаронида шуданд. Соли гузашта сармояи  «Амонатбонк» 8,1 фоиз афзоиш ёфта,  ба 428,8 миллион сомонӣ  баробар гардида, даромади софи бонк  42 миллион сомониро  ташкил намуд, ки дар қиёс нисбат ба соли  2018   16,2 фоиз зиёд мебошад.

Мусаллам аст, ки алҳол дар миқёси ҷумҳурӣ кормандони Бонки давлатии  амонатгузории Ҷумҳурии  Тоҷикистон «Амонатбонк», ки қариб се ҳазор нафарро ташкил медиҳанд, ба 21 ҳазор корхонаю  ташкилот, беш аз 732 ҳазор нафақагирони мақомоти ҳифзи иҷтимоии аҳолӣ  ва ҳифзи ҳуқуқ, беш аз 1,7 миллион нафар пасандозгузорон тавассути  75 филиал ва 546 маркази  хизматрасониҳои  бонкӣ     дар сатҳи баланд хизмат мерасонанд.

Дар анҷоми нишасти матбуотӣ намояндагони расонаҳои хабарӣ аз Осорхонаи «Амонатбонк» дидан намуда, бо нигораҳои он ва таърихи  фаъолияти нахустин бонки давлатӣ дар Тоҷикистон, ки аз соли 1885  ба фаъолият оғоз кардааст, шинос гардиданд.

 

Февраль 4, 2020 14:05

Хабарҳои дигари ин бахш

Дар Минтақаи озоди иқтисодии «Данғара» дар 10 моҳ 8 корхонаи саноатӣ фаъолият намудааст
АСАЛИ ТОҶИКИСТОН. Зиёда аз сад намунаи он ба бозори давлатҳои Иттиҳоди Аврупо роҳ ёфтаанд
ПАРКҲОИ ТЕХНОЛОГӢ. Чаро онҳо мутобиқ ба талаботи замон фаъолият надоранд?
«ИСЛОҲОТ ДАР САМТИ ДАСТГИРИИ СОҲИБКОРӢ». Дар Душанбе таҳти ин унвон ҳамоиш доир гардид
Намояндаи Тоҷикистон дар ҷаласаи 14-уми Шурои роҳбарикунандаи Барномаи ҳамкории иқтисодии минтақавии Осиёи Марказӣ иштирок намуд
Роҳбарони корхонаҳои саноати нассоҷию мудофиа ва мошинсозии Туркия ба Тоҷикистон даъват шуданд
Таҳти роҳбарии муовини Сарвазири Тоҷикистон масъалаи омодагии Вилояти Мухтори Кӯҳистони Бадахшон ба зимистон баррасӣ шуд
Дар Тоҷикистон лоиҳаи нави давлатии сармоягузорӣ таҳти унвони «Дастгирии кишоварзӣ дар заминаи ҷомеа плюс» (CASP+) оғоз гардид
Ҳайати Тоҷикистон дар иҷлосияи 20-уми Конфронси кулли UNIDO дар Вена иштирок дорад
ИСТИФОДАИ ОҚИЛОНАИ ЗАМИН. Кишоварзони ноҳияи Ҷайҳун мақсад гузоштаанд истеҳсоли лимӯро ба 7000 тонна расонанд
Губернатори вилояти Свердловск бо фаъолияти Минтақаи озоди иқтисодии «Данғара» ва хоҷагиҳои лимӯпарварии ноҳияи Кушониён шинос шуд
Ғолибони Озмуни ҷумҳуриявии «Беҳтарин содироткунандаи Тоҷикистон» қадрдонӣ шуданд