ОБУ ҲАВО: Имрӯз дар Тоҷикистон ҳаво тағйирёбандаи бебориш мешавад

ДУШАНБЕ, 13.03.2020. /АМИТ «Ховар»/.  Имрӯз дар ҷумҳурӣ ҳаво тағйирёбандаи бебориш мешавад.  Аз 13 то 17 март дар минтақаҳои  кўҳии ноҳияҳои тобеи марказ, нишебиҳои ҷанубии қаторкўҳҳои Ҳисор, шоҳроҳҳои Душанбе–Хуҷанд, Нуробод, Тавилдара ва дар баъзе ноҳияҳои ғарбии Вилояти Мухтори Кӯҳистони Бадахшон фаромадани тарма аз эҳтимол дур нест.  Дар ин бора аз Агентии обуҳавошиносии Тоҷикистон ба АМИТ «Ховар» хабар доданд.

Ба иттилои Агентии обуҳавошиносӣ, имрӯз дар Вилояти Мухтори Кӯҳистони Бадахшон ҳавои тағйирёбандаи бебориш  дар назар аст. Шамол аз самти шарқ бо суръати 2-7 метр дар як сония мевазад. Ҳаво дар ғарби вилоят   шабона 0-5 дараҷа хунук ва рӯзона 7+12 дараҷа гарм  мешавад. Дар  шарқи вилоят  ҳаво шабона 16-21 ва рӯзона 0-5 дараҷа хунук мешавад.

Ҳаво дар вилояти Суғд   тағйирёбандаи бебориш шуда, дар ноҳияҳои алоҳидаи  кӯҳӣ туман мефарояд.  Шамол  аз самти  шарқ бо суръати 3-8 ва дар баъзе ноҳияҳо бо шиддатнокии то 10-15 метр дар як  сония мевазад. Ҳаво  дар водиҳо шабона аз 2 дараҷа хунук то 3 дараҷа гарм ва рӯзона 13+18 дараҷа гарм  мешавад. Дар ноҳияҳои кӯҳӣ ҳаво шабона 4-9 дараҷа хунук  ва рӯзона 5+10 дараҷа гарм мешавад.

Дар вилояти Хатлон   ҳаво тағйирёбандаи бебориш шуда, дар баъзе ноҳияҳо туман мефарояд.  Шамол аз самти шарқ бо суръати  3-8 метр дар як сония мевазад. Ҳаво дар водиҳо шабона 0+5 ва рӯзона 16+21 дараҷа гарм мешавад. Дар  доманакӯҳҳо ҳаво шабона 0-5 дараҷа хунук ва рӯзона 7+12 дараҷа гарм мешавад.

Дар шаҳру ноҳияҳои тобеи марказ ҳаво тағйирёбандаи бебориш мешавад. Дар ноҳияҳои алоҳида туман мефарояд. Шамол аз самти шарқ бо суръати 3-8 метр дар як сония  мевазад.  Ҳаво  дар водиҳо  шабона аз 2 дараҷа хунук то 3 дараҷа гарм ва рӯзона 13+18  дараҷа гарм мешавад.  Дар  ноҳияҳои кӯҳӣ ҳаво шабона 2-7 дараҷа хунук ва  рӯзона 6+11 дараҷа гарм  мешавад.

Дар  шаҳри Душанбе ҳаво тағйирёбандаи бебориш шуда, туман мефарояд.  Шамол аз самти шарқ бо суръати 0-5  метр дар як сония   мевазад. Ҳаво шабона аз 1 дараҷа хунук то 1  дараҷа гарм ва  рӯзона 15+17 дараҷа гарм мешавад.