«Раванди қонунгузорӣ дар Ҷумҳурии Тоҷикистон: рушд ва мушкилиҳо» — Конференсияи ҷумҳуриявии илмӣ-амалӣ дар Душанбе

Март 31, 2020 16:15

ДУШАНБЕ, 31.03.2020 /АМИТ «Ховар»/. Ҷумҳурии Тоҷикистон бо мақсади гузаронидани ислоҳоти ҳуқуқии мусоидаткунанда ба рушди низоми нави ҳуқуқӣ фаъолияти ҳуқуқэҷодкуниро ба марҳилаи сифатан нав, ба монанди банақшагирии таҳияи лоиҳаҳои санадҳои меъёрии ҳуқуқӣ, самтҳои афзалиятноки тадқиқоти илмию таҳлилӣ оид ба ҳолат, раванди инкишоф ва амалияи истифодаи қонунгузорӣ, гузаронидани экспертизаҳои ҳуқуқӣ ва зиддикоррупсионии лоиҳаҳои қонунҳо ворид намуд. Ин нуктаро 31 март директори Маркази миллии қонунгузории назди Президенти Ҷумҳурии Тоҷикистон Изатулло Саидзода зимни баргузории Конференсияи ҷумҳуриявии илмӣ-амалӣ дар мавзӯи «Раванди қонунгузорӣ дар Ҷумҳурии Тоҷикистон: рушд ва мушкилиҳо»  баён намуд.

Тавре мухбири АМИТ «Ховар» иттилоъ медиҳад, дар ҷараёни конференсияи мазкур таъкид гардид, ки дар ҷумҳурӣ тартиби қабули қонунҳо тадриҷан рушд ёфта, имрӯз он ба раванди мукаммали ҳуқуқӣ табдил ёфтааст.

Қабул гардидани санадҳои меъёрию ҳуқуқии танзимкунандаи муносибатҳо доир ба раванди қонунгузорӣ, ташкил ва фаъолияти мақоми ваколатдори татбиқкунандаи сиёсати давлатӣ дар соҳаи меъёрэҷодкунӣ, инчунин фаъолияти муассисаҳои илмию таҳлилӣ бо мақсади аз ҷиҳати илмиву амалӣ асоснок намудани қонунҳо, мукаммалу мушаххас гардонидани механизми татбиқи онҳо ва қабули 385 қонун то ба имрӯз, ки тавассути онҳо муносибатҳои ҷамъиятӣ дар соҳаҳо ва самтҳо бевоситаю бонизом танзим карда мешаванд, аз дастовардҳои бузурги раванди қонунгузорӣ дар замони соҳибистиқлолӣ мебошанд.

Дар интиҳои Конференсияи ҷумҳуриявии илмӣ-амалӣ таҳти унвони «Раванди қонунгузорӣ дар Ҷумҳурии Тоҷикистон: рушд ва мушкилиҳо»  ишора шуд, ки конфронси мазкур ба инкишофи минбаъдаи илми ҳуқуқи тоҷик, рушди раванди қонунгузорӣ ва ноил шудан ба ҳадафҳои гузошташуда дар ҷодаи баланд бардоштани самаранокии фаъолияти ҳуқуқэҷодкунӣ мусоидат менамояд.

Март 31, 2020 16:15

Хабарҳои дигари ин бахш

Дар Пекин масъалаҳои рушди қонунгузорӣ ва таҷрибаи муосири давлатдорӣ баррасӣ гардиданд
Дар Москва ҷаласаи 11-уми Алянси Авруосиёии омбудсменҳо баргузор гардид
Бахшида ба Рӯзи Президент дар вилояти Суғд роҳпаймоии идона баргузор шуд
Ҳамкории ҳуқуқии Тоҷикистону Чин дар Пекин баррасӣ гардид
Рӯзи Президентро дар ноҳияи Ёвон бо баргузории чорабиниҳои гуногун таҷлил намуданд
Ба муносибати Рӯзи Президент ва Иҷлосияи XVI Шурои Олӣ дар бинои Ҳукумати  Ҷумҳурии Тоҷикистон ҷамъомад баргузор шуд
Дар мавзуи «Низоми идоракунии президентӣ ва таъмини амнияти давлатӣ» ҳамоиши илмӣ-амалӣ доир шуд
Дар мақомоти Ваколатдор оид ба ҳуқуқи инсон бахшида ба Рӯзи Президенти Тоҷикистон ҳамоиш баргузор шуд
СИЁСАТИ ХОРИҶИИ ТОҶИКИСТОН – НАМУНАИ ДИПЛОМАТИЯИ МУТАВОЗИНУ СОЗАНДА. Эҳдо ба Рӯзи Президенти Ҷумҳурии Тоҷикистон
Дар Душанбе таҳти унвони «Президент — симои миллат ва рамзи давлат» ҳамоиши ҷумҳуриявӣ доир шуд
РӮЗИ ПРЕЗИДЕНТ ВА ТАҶАССУМИ ИРОДАИ ТАЪРИХИИ МИЛЛАТ ДАР БУНЁДИ ДАВЛАТДОРИИ НАВИН. Мулоҳизаҳои академик Фарҳод Раҳимӣ
ИҶЛОСИЯИ XVI – ЗАМИНАИ ТАЪРИХИИ ТАҲКИМИ ДАВЛАТДОРӢ, ҚОНУНИЯТ ВА АДОЛАТИ СУДӢ. Андешаҳо дар ин маврид