«Сомон Эйр» парвозҳоро ба шаҳрҳои Россия коҳиш медиҳад
ДУШАНБЕ, 18.03.2020 /АМИТ «Ховар»/. Дар робита ба ҷорӣ гардидани маҳдудиятҳо барои вуруд ба шаҳрвандони хориҷӣ ва шахсони бешаҳрвандӣ ба Федератсияи Россия аз 18 март то 1 майи соли 2020 ширкати ҳавопаймоии Тоҷикистон «Сомон Эйр» парвозҳоро ба самти шаҳрҳои Федератсияи Россия коҳиш дода, барои идомаи иҷрои парвозҳо бо инобати пуршавии хатсайрҳо кӯшиш хоҳад кард. Дар ин хусус аз ширкати ҳавопаймоии «Сомон Эйр» ба АМИТ «Ховар» иттилоъ доданд.
Сарчашма хабар медиҳад, ки мутобиқи қарори Ҳукумати Федератсияи Россия ба парвозҳои самти ин кишвар танҳо кормандони намояндагиҳои дипломатӣ ва консулгариҳои мустақар дар Россия, ронандагони мошинҳои боркашонии байналмилалӣ, сарнишинони ҳавопаймову қатораҳо, шахсоне, ки бо роҳи транзитӣ аз гузаргоҳҳои фурудгоҳҳо мегузаранд, аъзои ҳайатҳои расмӣ ва ашхосе, ки раводидҳои дипломативу хизматӣ доранд ва ё ба Россия бинобар вафоти хеши наздик меоянд, роҳ дода мешаванд.
Ба хатсайрҳои самти баргашт ба Тоҷикистон тамоми мусофирон, ғайр аз шахсоне, ки аз давлатҳои Чин, Эрон, Афғонистон, Италия, Кореяи Ҷанубӣ омадаанд ва ё давоми 14 рӯзи охир ба ин кишварҳо сафар доштанд, иҷозати парвоз доранд. Ҳамзамон дар асоси қарори сардухтури давлатии санитарии Ҷумҳурии Тоҷикистон бо мақсади пешгирии хатари воридшавӣ ва паҳншавии вируси нави COVID-19 дар ҳудуди Ҷумҳурии Тоҷикистон шахсоне, ки мустақиман ва ё тариқи транзитӣ аз кишварҳои Франсия, Германия, Испания, Швейтсария, Шветсия, Британияи Кабир, Норвегия, Нидерландия, Белгия, Дания ва Амрико ворид мегарданд, 14 рӯз дар муассисаҳои тиббии Тоҷикистон дар карантин нигоҳ дошта мешаванд.
Тадбире, ки аз ҷониби Ҳукумати Федератсияи Россия андешида шудааст, ҷавобгӯи тавсияҳои Созмони Умумиҷаҳонии Тандурустӣ дар ҳолатҳои фавқулода буда, чораи муваққатӣ мебошад.
Маблағи чиптаи мусофирон дар нуқтаҳои харидоришуда пурра бозпас гардонида мешавад ва ё бо хоҳиши мусофирон чиптаҳои ҳавопаймоӣ ба муҳлати баъдӣ гузаронида мешаванд. Барои гирифтани маълумоти бештар мусофирон метавонанд ба маркази маълумотдиҳии ширкат муроҷиат намоянд. Тамос: 44-640-40-49, 44-640-40-50, call-center@somonair.com
Дар Душанбе ҷашни Тиргон бо баргузории иди зардолу ва намоиши «Хушкмеваҳои Тоҷикистон» таҷлил карда шуд
Ҷашни Тиргон асоси илмиву таърихӣ ва фарҳангиву маънавӣ дорад
Имрӯз дар «Боғи Ирам» ҷашни Тиргон, иди зардолу ва намоиши «Хушкмеваҳои Тоҷикистон» баргузор мешаванд
Дар Тоҷикистон боғи зардолу чанд гектарро ташкил медиҳад?
Дар Агентии назорати давлатии молиявӣ ва мубориза бо коррупсия Рӯзи Ваҳдати миллиро ботантана ҷашн гирифтанд
Пагоҳ дар Душанбе ҷашни Тиргон бо баргузории иди зардолу ва намоиши «Хушкмеваҳои Тоҷикистон» таҷлил мегардад
Дар Бизнес-форуми Бонки Авруосиёии рушд афзалиятҳои сармоягузории Тоҷикистон муаррифӣ карда шуд
Вилояти Хатлон дар шаҳри Алмаатои Қазоқистон намоиш-фурӯши маҳсулоти кишоварзӣ ва ҳунарҳои мардумӣ баргузор менамояд
Дар Намоишгоҳи байналмилалии ЭКСПО-и «Чин — Авруосиё» гӯшаи Тоҷикистон ташкил карда шуд
Дар «Саноатсодиротбонк» Рӯзи Ваҳдати миллиро таҷлил намуданд
Дар Агентии авиатсияи гражданӣ бахшида ба Рӯзи Ваҳдати миллӣ ҳамоиши идона баргузор гардид
Ба ифтихори Рӯзи Ваҳдати миллӣ дар Кумитаи ҳифзи муҳити зист ҳамоиши тантанавӣ баргузор шуд
