ТАҚВИМИ АМИТ «ХОВАР»: имрӯз 18 март, чоршанбе, 78-умин рӯзи соли 2020 аст

18 марти соли 2010 дар шаҳри Душанбе Созишнома байни Ҳукумати Ҷумҳурии Тоҷикистон ва Ҳукумати Туркманистон оид ба ҳамкорӣ дар соҳаи алоқа ва иттилоотонӣ ба имзо расид.

***

5 сол пеш, 18 марти соли 2015  Президенти Ҷумҳурии Тоҷикистон Эмомалӣ Раҳмон Қонуни Ҷумҳурии Тоҷикистон «Дар бораи ҳуқуқи истеъмолкунандагон»-ро имзо намуданд.

***

Дар ин рӯзи соли 2016 дар Душанбе масоили густариши ҳамкории дуҷонибаи Тоҷикистону Қирғизистон дар соҳаҳои тиҷорату иқтисод,  обу энергетика ва фарҳангу гуманитарӣ баррасӣ шуданд.

 18 МАРТ ТАҶЛИЛ КАРДА МЕШАВАД:

Дар Россия – Рӯзи полиси андоз.

***

Дар Аруба- Рӯзи парчам ва суруди миллӣ.

***

Дар Беларус – Рӯзи қӯшунҳои дохилӣ.

 РӮЙДОДҲО:

18 марти соли 2010 дар шаҳри Душанбе Протоколи ҷамъбастии комиссияи байниҳукуматии Тоҷикистону Афғонистон оид ба масъалаи ҳамкории тиҷоратию иқтисодӣ ба имзо расид.

***

18  марти соли 2010  Созмони  Милали  Муттаҳид ва  Созмони  Аҳдномаи  Амнияти Дастаҷамъӣ дар бораи ба роҳ мондани ҳамкорӣ   декларатсияи муштарак ба   имзо расониданд.

***

9 сол пеш, 18 марти соли 2011 дар шаҳри Москва Форуми байналмилалии иқтисодии давлатҳои узви ИДМ: «20 сол бо ҳам: таҷрибаи ҳамкорӣ ва дастовардҳо» баргузор гардид.

***

18 марти соли 1813 дар ИМА дастгоҳи истеҳсолкунии гази  ангишт ихтироъ карда шуд.

***

Дар ин рӯзи соли 1947 Комиссияи иқтисодии СММ барои давлатҳои Осиё ва Шарқи дур таъсис дода шуд.

***

29 сол пеш аз ин, 18 марти соли 1991 дар Россия қонун «Дар бораи милитсия» қабул карда шуд.

***

18 марти соли 1997 хурдтарин клавиатураи компютер сохта шуд, ки 7,62 х 3,048 см ҳаҷм дошт.

 ИНЧУНИН ДАР ИН РӮЗ…

 Соли 1900 клуби футболи «Аякс»-и Голландия  таъсис дода шуд.

***

Соли 1965  кайҳоннаварди шӯравӣ Алексей Леонов аввалин маротиба дар таърих ба фазои боз баромад.

Тақвими моро дар ин гӯша

шореҳ Шукӯҳи ДАЛЕР варақ зад