COVID-19. Беш аз ду миллион юан кумаки Артиши миллии Чин барои мубориза бо коронавирус ба Вазорати мудофиаи Тоҷикистон
ДУШАНБЕ, 14.05.2020 /АМИТ «Ховар»/. Ҷумҳурии Мардумии Чин ба Ҷумҳурии Тоҷикистон ҷиҳати пешгирӣ аз сироятёбии шаҳрвандони мамлакат аз бемории COVID-19 кумаки башардӯстона фиристонид. Ин кумак аз 13 номгӯй таҷҳизоту лавозимоти тиббӣ иборат буда, маблағи умумияш беш аз 2 миллион юан, муодил ба 2 миллиону 700 ҳазор сомонӣ мебошад.
Сардори маркази матбуоти Вазорати мудофиаи ҷумҳурӣ, подполковник Ориф Нозимиён дар суҳбат ба хабарнигори АМИТ «Ховар» гуфт, ки кумаки башардӯстонаи Артиши миллии Ҷумҳурии Мардумии Чин ба Ҷумҳурии Тоҷикистонро дар Фурудгоҳи байналмилалии Душанбе масъулини Вазорати мудофиаи Ҷумҳурии Тоҷикистон қабул намуда, ба ҳамкасбони чинии худ барои ироаи кумаки башардӯстона ва ҳамкории мутақобилан судманд арзи сипос намуданд.
Ориф Нозимиён гуфт, ки ҳамкории ҳарбӣ ва ҳарбӣ-техникӣ миёни вазоратҳои мудофиаи Ҷумҳурии Тоҷикистон ва Ҷумҳурии Мардумии Чин аз соли 1993 оғоз гардида, ҳоло дар марҳилаи рушд қарор дорад.
Кумаки башардӯстонаи Артиши миллии Ҷумҳурии Мардумии Чин ба Ҷумҳурии Тоҷикистонро, ки дар доираи ҳамкории ҳарбӣ ва ҳарбӣ-техникӣ миёни вазоратҳои мудофиаи ду давлати ҳамҷавор фиристода шудааст, табибони низомии Вазорати мудофиаи Тоҷикистон танҳо барои солимӣ ва пешгирӣ аз гирифторшавии аҳолии мамлакат ба бемории сироятии COVID-19 истифода мебаранд.
4945 ҳолати вайронкунии қонунгузории замин дар маҳал бартараф карда шуд
Имрӯз дар водиҳои Тоҷикистон ҳаво то 40 дараҷа гарм мешавад
Имрӯз дар шаҳри Душанбе ҳаво то 44 дараҷа гарм мешавад
20 июл дар Вазорати рушди иқтисод ва савдо, Бонки миллӣ ва Агентии омор нишасти матбуотӣ баргузор мегардад
Имрӯз дар водиҳои Тоҷикистон ҳаво то 43 дараҷа гарм мешавад
ДАР МАСИРИ ИЛМУ МАЪРИФАТ. Эҳдо ба рӯзи таъсисёбии Коллеҷи омори шаҳри Ваҳдат
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
