«ИШҚИ ВАТАН». Ин спектакл ба бузургдошти шоири ҷанговар Ҳабиб Юсуфӣ ва 75-солагии Ғалаба бар фашизм бахшида шудааст
ДУШАНБЕ, 05.05.2020/АМИТ «Ховар»/. Чанде пеш Театри давлатии академии драмавии ба номи Абулқосим Лоҳутӣ ба ифтихори 75-солагии Ғалаба дар Ҷанги Бузурги Ватанӣ ва бузургдошти шоири ҷанговар Ҳабиб Юсуфӣ драмаеро бо номи «Ишқи Ватан» омода сохт. Спектакл 9 май дар Рӯзи Ғалаба аз тариқи телевизион манзури тамошобинон мегардад.
Намоишнома аз рӯи пйесаи рӯзноманигори шинохта ва драматурги соҳибистеъдод Раҷабалӣ Қудратзода таҳия шудааст. Коргардон-таҳиягари он барандаи ҷоизаи Кумитаи ҷавонон ва варзиши назди Ҳукумати Ҷумҳурии Тоҷикистон Баҳром Қурбонзода мебошад. Нақшҳои асосиро Насриддин Асадуллоев, Исфандиёр Ғуломзода, Салоҳиддин Шукурзода, Бобоҷон Ҳасанов ва дигарон офаридаанд.
Ин намоишнома гувоҳи он аст, ки Ғалаба бар фашизм иди умумии ҳамаи халқҳои собиқ Шӯравӣ ва мардуми сулҳпарвари ҷаҳон мебошад, далели он аст, халқи тоҷик ҳам дар пирӯзӣ саҳми босазо дорад. Аз ҷумла, Ҳабиб Юсуфӣ ҳам бо қалам, ҳам бо силоҳ задди адӯ қаҳрамонона ҷангида буд. Ёди шаҳидони ҷанги хонумонсӯз абадан зинда хоҳад буд.
Зи ишқи Ватан ҷӯш дорад дилам,
Ба ҳарфи Ватан гӯш дорад дилам.
Ин суханони пурҳарорати ватандӯстона ба қалами шоири мумтоз, шаҳиди майдони набард бо фашистони лаин Ҳабиб Юсуфӣ тааллуқ дорад .
Ӯ ба мисли ҳазорон ҳазор сарбозон, аз ҷумла ҳамқаламонаш нависанда Ҳаким Карим, олими забоншинос ва муҳаққиқи адабиёт Лутфулло Бузургзода, драмнависон Абдушукур Пирмуҳаммадзода ва Абулҳақ Усмонов ҷони худро дар роҳи Ватан нисор кард.
Вале номи ин шоири машҳур ва каломи оташбораш вирди забонҳост.
«КӮЧАИ УМЕД-612». Филми коргардони тоҷик Далер Имомалӣ ба Кинофестивали XVI байналмилалии Қазон даъват шуд
Дар Қалъаи Лағмони ноҳияи Ҷалолиддини Балхӣ якчанд ёдгории таърихӣ аз замони Сомониён дарёфт шуд
Гурӯҳи корӣ бо имкониятҳои қабулу хизматрасонии инфрасохтори сайёҳӣ дар ВМКБ шинос шуд
Муассисаи нашриявии «Ирфон» озмуни беҳтарин очерку мақолаҳо, мусоҳибаву шеърҳоро доир менамояд
«ОЗОДАПАЛАНГ — ДАРРАНДАЕ, КИ БА ҲИМОЯИ МОВУ ШУМО МУҲТОҶ АСТ». Дар нашриёти «Ирфон» бо ин ном китоб аз чоп баромад
Бостоншиносон дар Тоҷикистон ба тадқикоти мавзеи таърихии Қалъаи Лағмон оғоз карданд
«Ҳумои сулҳу Ваҳдати миллӣ», «Ҳазён ё талвосаи ҳасуду хоинони ватанфурӯш», «Яроқи биологӣ ва ҷанги идеологӣ»,…- шарҳи матбуоти даврии Тоҷикистон дар ҳафтаи равон ва сипаришуда
«КИТОБ – САРЧАШМАИ МАЪРИФАТ». Таҳти чунин унвон маҷмӯи мақолаҳои олимону муҳаққиқон нашр гардид
Макони баргузории ИМД ба муассисаҳои таҳсилоти миёна ва олии касбии Тоҷикистон дар соли 2020 тасдиқ гардид
Дар Суғд бахшида ба Рӯзи Ваҳдати миллӣ озмуни вилоятии «Рассоми ҷавон» гузаронида шуд
«ВАҲДАТ, ДАВЛАТ, ПРЕЗИДЕНТ». Дар арафаи ҷашни Ваҳдати миллӣ ҷилди 32-юми ин китоб аз чоп баромад
