КОВИД-19. Волонтерон дар Тоҷикистон омодаанд ба одамони маъюб, камбизоат ва эҳтиёҷманд кӯмак расонанд
ДУШАНБЕ, 08.05.2020 /АМИТ «Ховар»/. Бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар ҳамкорӣ бо Ташкилоти ҷамъиятии «Пайравони Пешвои миллат» бо мақсади анҷом додани хизматрасониҳои машваратӣ вобаста ба пешгирӣ ва мубориза бар зидди бемории коронавирус дар Ҷумҳурии Тоҷикистон Маркази машваратию хизматрасонии волонтёрон оид ба пешгирӣ ва мубориза бо COVID–19 таъсис дода шуд. Дар ин бора ба АМИТ «Ховар» муовини Ташкилоти ҷамъиятии «Пайравони Пешвои миллат» Дилноза Аҳмадзода хабар дод.
Бино ба иттилои манбаъ, маркази хизматрасонии волонтёрон бо мақсади расонидани хизматрасонии иҷтимоӣ барои аҳолии Ҷумҳурии Тоҷикистон, расонидани маълумоти саривақтӣ ва бо маълумоти пешгирикунанда таъмин намудани сокинони мамлакат 24 соат ба таври шабонарӯзӣ фаъолият менамояд.
Дар маркази мазкур телефонҳои боварии (837) 880 60 38 шабонарӯзӣ фаъолият намуда, волонтёрони ташкилот, ки аз ҳисоби донишҷӯёни муассисаҳои тиббии ҷумҳурӣ ҷамъ омадаанд, ба саволҳои шаҳрвандон посух дода, инчунин ба маъюбон, шахсони барҷомондаву ниёзманд хизматрасониҳои иҷтимоиро ба таври ройгон ба сомон мерасонанд.
Иқдоми мазкур дар заминаи дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз ҷониби Ташкилоти ҷамъиятии «Пайравони Пешвои миллат» роҳандозӣ шудааст.
Ҳамзамон, дар назар дошта шудааст, ки иқдоми мазкур дар марказҳои маъмурии вилоятҳои Суғду Хатлон, Вилояти Мухтори Кӯҳистони Бадахшон ва шаҳру ноҳияҳои тобеи ҷумҳурӣ ба роҳ монда мешавад.
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
Дар фурудгоҳҳои байналмилалии Тоҷикистон оид ба муҳоҷирати меҳнатии қонунӣ ва бехатар корҳои фаҳмондадиҳӣ гузаронида шуданд
Дар Тоҷикистон Даҳаи дастгирии шири модар оғоз гардидааст
«ҲУҚУҚ БА САЛОМАТӢ». Таҳти чунин унвон озмуни байналмилалӣ доир мегардад
Лагери истироҳатию солимгардонии «Саодат» 360 кӯдакро ба истироҳат фаро гирифт
494 нафар донишҷӯ муассисаҳои таҳсилоти миёнаи касбиро бо дипломи аъло хатм намуданд
ПУРСИДЕД, ҶАВОБ МЕДИҲЕМ. Чӣ гуна патентро аз даст надода, фаъолияти меҳнатиро дар Русия ба таври қонунӣ анҷом додан мумкин аст?
Дар Вазорати тандурустӣ ва ҳифзи иҷтимоии аҳолӣ оид ба даҳаи миллии дастгирии ҳимояи ғизодиҳии табиии кӯдакон ҳамоиш доир шуд
Дар ноҳияи Фирдавсӣ таҳти унвони «Шукуҳи Истиқлол» иқдоми таблиғотӣ идома дорад
Моҳи охири фасли тобистон дар Тоҷикистон ҳарорати ҳаво то 1 дараҷа баланд мешавад
Дар Тоҷикистон соли 2026 ҳаҷми маблағи кумакпулии унвонии иҷтимоӣ бештар гардидааст
