Мулоқоти видеоии роҳбарони маъмурияти сайёҳии давлатҳои аъзои СҲШ
ДУШАНБЕ, 23.05.2020. /АМИТ «Ховар»/. Бо ибтикори Агентии федералӣ оид ба сайёҳии Федератсияи Россия ва Котиботи Созмони Ҳамкории Шанхай ҷаласаи навбатии роҳбарони маъмуриятҳои сайёҳии давлатҳои аъзои СҲШ дар сиғаи видео-конфронс доир гардид.
Тавре аз Кумитаи рушди сайёҳии назди Ҳукумати Ҷумҳурии Тоҷикистон ба АМИТ «Ховар» иттилоъ доданд, дар кори он муовини якуми раиси Кумитаи мазкур Ҳабибулло Амирбекзода ширкат варзид.
Зимни мулоқот тарафҳо оид ба масоили мубрами рӯзномаи байналмилалӣ ва минтақавӣ вобаста ба масъалаи сайёҳӣ табодули афкор намуданд.
Ҷонибҳо перомуни паҳншавии бемории сироятии COVID – 19 табодули таҷриба намуда, омодагии худро ҷиҳати мусоидати якдигар изҳор намуданд.
Ҷонибҳо инчунин Нақшаи чорабиниҳои Барномаи ҳамкории давлатҳои аъзои СҲШ дар соҳаи сайёҳӣ барои солҳои 2021-2022-ро тасдиқ намуда, бо шарафмандӣ аз рушди соҳаи сайёҳӣ байни давлатҳои аъзо изҳори қаноатмандӣ намуданд.
Ҳамчунин тарафҳо омодагиро ҷиҳати идомаи ҳамкории мутақобилан судманд байни кишварҳои Созмони Ҳамкории Шанхай ба манзури мусоидат баҳри расидан ба ҳадафҳои рушди устувор таъкид намуданд.
Имрӯз дар водиҳои Тоҷикистон ҳаво 22 дараҷа гарм мешавад
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
Дар Душанбе Рӯзи Парчами давлатӣ дар сатҳи баланд таҷлил карда мешавад
20 октябр Рӯзи байналмилалии танзимгарони ҳаракати ҳавоӣ мебошад
Сарвазири Ҷумҳурии Қазоқистон Олжас Бектенов ба Тоҷикистон ташриф овард
Дар шаҳри Норак ҳашарҳои экологии «Тозагии маҳал» ва «Тозагии шоҳроҳ» гузаронида шуданд
Дар Тоҷикистон ҳаҷми истеҳсоли асал кам шудааст
