Обу Ҳаво: Имрӯз дар Тоҷикистон ҳаво тағйирёбанда шуда, борон меборад

ДУШАНБЕ, 01.05.2020 /АМИТ «Ховар»/. Имрӯз дар Тоҷикистон ҳавои тағйирёбанда шуда, борон меборад ва раъду барқ ба амал меояд. Дар ин бора аз Агентии обуҳавошиносии Тоҷикистон ба АМИТ «Ховар» хабар доданд.

Ба иттилои Агентии обуҳавошиносӣ, рӯзҳои 2 ва 5 майи соли ҷорӣ дар ҷумҳурӣ эҳтимолияти якуякбора ноустувор гардидани вазъи обу ҳаво дар назар дошта шуда, дар бештари ноҳияҳо борон, дар ноҳияҳои алоҳида бо истисно аз ВМКБ борони бошиддат меборад. Дар баъзе ноҳияҳо раъду барқ ба амал омада, боридани жола аз эҳтимол дур нест. Рӯзи 4 май  дар вилоятҳои Суғд ва Хатлон вазиши шамол бо шиддатнокии то 12-17м/с дар назар дошта шуда, дар қисмати ҷанубии вилояти Хатлон чангу ғубор ба амал меояд.  Рӯзҳои 2-3 май дар ноҳияҳои кӯҳӣ ва доманакӯҳии вилояти Хатлон, Суғд, НТМ  ва ноҳияҳои ғарбии ВМКБ  ба вуҷуд омадани сел пешгӯӣ мешавад.

Имрӯз дар Вилояти Мухтори Кӯҳистони Бадахшон ҳавои абрноки тағйирёбанда шуда, дар баъзе ноҳияҳо борон меборад. Шамол аз самти Ғарб 3-8 метр дар як сония мевазад. Ҳарорат дар ғарби ВМКБ шабона 5-10, рӯзона 19-24 гарм, дар шарқ шабона -2 + 3, рӯзона 11-16 гарм мешавад.

Дар вилояти Суғд ҳаво абрист, дар водиҳо асосан бориш намешавад, дар кӯҳҳо баъзан борон, баъзан раъду барқ ​​мешавад. Шамол аз самти Ғарб 3-8 метр дар як сония, дар баъзе ҷойҳо то 13-18 метр дар як сония. Ҳарорат дар водиҳо шабона 13-18, рӯзона 24-29 дараҷа гарм, дар кӯҳҳо шабона 4-9 ва рӯзона 13-18 дараҷа гарм мешавад.

Дар вилояти Хатлон каме абрнок мешавад, дар водиҳо асосан борон, дар ноҳияҳои наздикӯҳӣ борон меборад ва баъзан раъду барқ ​​мешавад. Шамол аз самти Ғарб 3-8 метр дар як сония мевазад. Ҳарорат дар водиҳо шабона 13-18, рӯзона 25-30 дараҷа, дар доманакӯҳҳо шабона 9-14, рӯзона 22-27 гарм мешавад.

Дар ноҳияҳои тобеи ҷумҳурӣ — ҳавои абрноки тағйирёбанда, дар водиҳо дар охири рӯз борон меборад, дар кӯҳҳо баъзан борон, баъзан раъду барқ ​​мешавад. Шамол аз самти Ғарб 3-8 метр дар як сония. Ҳарорат дар водиҳо шабона 10-15, рӯзона 22-27 дараҷа гарм, рӯзона 6-11 дар кӯҳҳо, рӯзона 17-22 дараҷа гарм мешавад.

Дар Душанбе ҳавои абрноки тағйирёбанда, дар охири рӯз борон, раъду барқ ​​мешавад. Шамол аз самти Ғарб 3-8 метр дар як сония мевазад ва ҳарорат шабона 11-13, рӯзона 24-26 дараҷа гарм мешавад.