«САТН» ва «Ҷавонӣ»: Ду корхонаи бузурги нассоҷии Хуҷанд фаъолияти худро пурра ба роҳ мондаанд
ДУШАНБЕ, 16.06.2020. /АМИТ «ХОВАР»/. Фаъолияти корхонаи «САТН» ба истеҳсоли сарулибос аз нахи пахта равона карда шудааст. Дар коргоҳҳои он маҳсулоти хоми ватанӣ, пахта то ба коркардаи ниҳоӣ расонида мешавад. Айни замон пас аз маҳдудкуниҳои муваққатӣ коргоҳ бо иқтидори пурра фаъолияти худро ба роҳ монда зиёда аз 500 нафар шаҳрвандон ба шуғли доимӣ фаро гирифта шудаанд. Дар ин бора аз мақомоти иҷроияи ҳокимияти давлатии вилояти Суғд ба АМИТ «Ховар» хабар доданд.
Мушоҳидаҳо нишон дод, ки дар корхона аз ҷониби роҳбарияти он тамоми қоидаҳои санитариву гигиенӣ риоя гардида, аз даромадгоҳ ҳар як корманд пас аз безараргардонӣ вориди бино мешавад. Ҳамчунин кормандон бо ниқоби тиббӣ ва оина барои чашмон таъмин мебошанд, ки ин бевосита ба нигаҳдории саломатӣ ва пешгирӣ аз сироятёбӣ равона карда шудааст.
Чунин тартиби кору фаъолият ба вазъияти имрӯза мувофиқ буда, барои тамоми корхонаҳои дигари истеҳсолии вилоят метавонад намунаи ибрат бошад.
Қобили қайд аст, ки тамоми маҳсулоти истеҳсолии корхона ба содирот нигаронида шуда, имрӯзҳо ҳамзамон ниқобҳои тиббии истеҳсоли он аз лиҳози сифат метавонад ба маҳсулоти истеҳсолкардаи кишварҳои аврупоӣ рақобатпазир бошад.
ҶДММ «Ҷавонӣ» аз зумраи дигар корхонаи нассоҷии маркази вилояти Суғд ба ҳисоб рафта, аз 5 коргоҳ иборат мебошад ва наздик 1000 нафар корманд ба шуғли доимӣ фаро гирифта шудаанд. Фаъолияти асосии корхона ин коркарди нахи пахта ба ҳисоб рафта, иқтидори истеҳсолии он то 1250 тонна дар як сол мебошад. Дар коргоҳ аз пахта матоъ истеҳсол гардида ҳамзамон сарулибос аз матои соф пахта омода карда мешавад. Фаъолияти корхона ба татбиқи дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, яъне то коркарди ниҳоӣ расонидани маҳсулоти хоми ватанӣ аз ҷумла пахта равона гардидааст.
Имрӯзҳо корхонаи мазкур бо иқтидори пурра фаъолияти хешро ба роҳ монда дар давраи бемории сироятии COVID-19 бо тавсияи Ҳукумати Ҷумҳурии Тоҷикистон ва Мақомоти иҷроияи ҳокимияти давлатии вилоят барои дастгирии кормандон то 500 ҳазор сомонӣ маблағ ҷудо ва ба ҳар яки онҳо дастрас карда шудааст.
Дар Тоҷикистон беш аз 110 ҳазор тонна зироати ғалладонагӣ ҷамъоварӣ шудааст
Дар Минтақаи озоди иқтисодии «Суғд» корхонаи истеҳсоли дучарха ва сечархаҳои барқӣ сохта мешавад
Душанбе мизбони ҷаласаи 45-уми Шурои идоракунандагони Фонди иқлими сабз мегардад
Ҷаласаи 21-уми Гурӯҳи кории Барномаи махсуси СММ барои иқтисодиёти Осиёи Марказӣ (SPECA) оид ба савдо доир шуд
Нақшаи рушди низоми энергетикии Вилояти Мухтори Кӯҳистони Бадахшон муаррифӣ гардид
Хоҷагидорони ноҳияи Вахш аз як замин чанд ҳосил ба даст меоранд
РӮЗИ ҶАҲОНИИ БЕХАТАРИИ ОЗУҚАВОРӢ. 37 нуқтаи назорати давлатии бехатарии озуқаворӣ дар гузаргоҳҳои сарҳади давлатии Тоҷикистон фаъолият доранд
Дар Агентии обуҳавошиносӣ риояи Чаҳорчӯбаи васеъшудаи шаффофият дар доираи Созишномаи Парижро баррасӣ карданд
Масъалаи таъсиси корхонаи коркарди пашм ва бунёди боғи пистаи туркӣ дар вилояти Хатлон баррасӣ гардид
Бахшида ба Рӯзи кормандони мақомоти бехатарии озуқаворӣ ҳамоиш баргузор шуд
Байни Ҳукумати Тоҷикистон ва ширкатҳои «Канзи Диёр», «ТВЕА Душанбе саноати кӯҳӣ» созишномаҳои сармоягузорӣ ба имзо расид
Бо иштироки муовини Сарвазири Тоҷикистон дар Рашт оид ба истифодаи ғайриқонунии неруи барқ ҷаласаи гурӯҳи корӣ баргузор шуд
