АМАЛИЁТИ ШАРТИИ «НАВРАС»: милитсияи пойтахт бо наврасону кӯдакон корҳои фаҳмондадиҳӣ гузаронид
ДУШАНБЕ, 22.06.2020 /АМИТ «Ховар»/. Аз ҷониби кормандони милитсияи пойтахт дар ҳудуди шаҳри Душанбе амалиёти профилактикию фаҳмондадиҳӣ бо номи шартии «Наврас» амалӣ мегардад. Мақсад аз баргузории он пешгирии оворагардию кӯчагардии ноболиғон, баланд бардоштани савияи ҳуқуқӣ ва огоҳонидани шаҳрвандон аз оқибатҳои бемории коронавируси «COVID-19» мебошад. Вобаста ба ин аз ҷониби хадамоти пешгирии ҳуқуқвайронкунӣ дар байни ноболиғон ва ҷавонони ШВКД-2 дар ноҳияи Сино дар кӯли «Ҷавонон», ки бо гарм шудани ҳаво наврасону кӯдакон ба оббозӣ машғул мешаванд, рейду амалиёт ва корҳои фаҳмондадиҳӣ гузаронида шуд. Дар ин бора аз Вазорати корҳои дохилӣ ба АМИТ «Ховар» доданд.
Гарчанде бо қарори Ситоди ҷумҳуриявӣ оид ба мубориза бо паҳншавии коронавируси «COVID-19» хонандагон пеш аз муҳлат ба таътили тобистона баромадаанд, то камтар ба берун бароянду саломатии худро аз гирифторшавӣ ба бемориҳои сироятӣ нигоҳ доранд, вале мутаассифона бархе ноболиғон аз бемасъулиятии волидайни худ истифода бурда, ба кӯчагардӣ махсусан ба оббозӣ дар оби пур аз хошоку макони хатарнок машғуланд, ки ин амалашон метавонад боиси сироятёбӣ ва ғарқшавии онҳо гардад.
Чуноне дар ҷараёни амалиёти мазкур дар кӯли «Ҷавонон» мушоҳида гардид, ҳатто баъзе аз волидайн низ нисбати саломатии фарзандони худ беаҳамиятӣ зоҳир намуда, онҳоро барои оббозӣ ба оби ғализ овардаанд.
Нисбати он нафароне, ки бе истифодаи ниқоби тиббӣ ба гаштугузор ва оббозӣ дар маконҳои хатарноку оби ифлос машғул буданд ва дар ҷараёни амалиёти мазкур мушоҳида гардиданд корҳои фаҳмондадиҳӣ гузаронида шуданд.
Мавриди зикр аст, ки ҳамаи ин амалиёту корҳои фаҳмондадиҳӣ танҳо ба хотири ҳифзи саломатии сокинон равона шудааст. Аз ин лиҳоз Раёсати ВКД дар шаҳри Душанбе аз кулли шаҳрвандон махсусан волидайн хоҳиш менамояд, ки нисбати саломатии фарзандони худ бетафовут набошанд ва нагузоранд фарзандони онҳо ба кӯчагардиву оббозӣ дар маконҳои хатарнок машғул шаванд. Зеро кӯдакону наврасон метавонанд интиқолдиҳандаи беморӣ аз кӯча ба хона гардида, волидайн ва дигар аъзои хонаводаи худро сироят намоянд.
ОМОДАГӢ БА ЗИМИСТОН. Дар ноҳияи Мурғоб миқдори зарурии ғалла ва маҳсулоти мавриди ниёзи аввали аҳолӣ захира шудааст
АГЕНТИИ ОБУҲАВОШИНОСӢ. Дар нимаи дуюми моҳи октябр дар Тоҷикистон борони бошиддат меборад
ОБУ ҲАВО: Имрӯз дар баъзе ноҳияҳои Тоҷикистон тӯфон ва чангу ғубор ба амал меояд
ОБУ ҲАВО: Имрӯз дар Тоҷикистон ҳавои камабри бебориш дар назар аст
ОБУ ҲАВО: Имрӯз дар Душанбе ҳаво рӯзона 31+33 дараҷа гарм мешавад
ОБУ ҲАВО: Имрӯз дар Тоҷикистон ҳаво рӯзона то 36 дараҷа гарм мешавад
ОБУ ҲАВО: Имрӯз дар Тоҷикистон ҳавои камабри бебориш дар назар аст
«Ҳамсоядорӣ. Аз иғвоангезии навбатии Қирғизистон кӣ суд мебарад?!», «Хуни шаҳидон бар гардани кист?!», — шарҳи матбуоти даврии Тоҷикистон
Ҷаласаи XXV Шӯрои байниҳукуматӣ оид ба иктишоф, истифода ва ҳифзи қаъри замини давлатҳои узви ИДМ доир гардид
ҚУРБИ АСЪОР: 1 доллари ИМА аз 10.2361 то 10.1000 сомонӣ муқаррар шудааст
Ҷаласаи Шӯрои сарони ҳукуматҳои кишварҳои узви СҲШ 1 ноябр доир мегардад
