COVID-19. Кумитаи рушди сайёҳӣ аз субъектҳои хизматрасони соҳа даъват намуд, то ки дар давраи пандемия қоидаҳои беҳдоштӣ ҷиддӣ риоя шаванд
ДУШАНБЕ, 19.06.2020. /АМИТ «Ховар»/. Кумитаи рушди сайёҳии назди Ҳукумати Ҷумҳурии Тоҷикистон аз субъектҳои хизматрасони соҳаи сайёҳӣ даъват ба амал овард, ки вобаста ба роҳҳои пешгирии вируси сироятӣ, таъмини фаъолияти муназзами низоми назорати санитарию эпидемиологии мамлакат, ҳангоми хизматрасониҳои сайёҳӣ ва омаду рафти сайёҳон дар вазъи хавфи бемории COVID-19 қоидаҳои беҳдоштӣ ҷиддӣ риоя карда шаванд, хабар медиҳад АМИТ «Ховар».
Ёдовар мешавем, ки Ситоди ҷумҳуриявӣ оид ба пурзӯр намудани чораҳои зиддиэпидемиявӣ ва пешгирӣ аз интиқолу паҳншавии бемории сироятии COVID-19 бо назардошти ба эътидол омадани вазъияти паҳншавӣ ва интиқоли бемории сироятии коронавирус дар Ҷумҳурии Тоҷикистон барои парвозҳо дар хатсайрҳои байналмилалӣ ба самти шаҳри Дубайи Аморати Муттаҳидаи Араб ва Ҷумҳурии Ӯзбекистон аз 1-уми июли соли равон иҷозат дод ва тибқи қарори дахлдор мусофирон бояд ҳатман маълумотномаи тиббӣ дошта бошанд.
Кумитаи рушди сайёҳӣ ҳамчунин таъкид менамояд, ки иншооти сайёҳӣ, аз ҷумла муассисаҳои табобатию солимгардонӣ, меҳмонхонаҳо, ҳомстейҳо, гестҳаусҳо дар байни кормандон ва истироҳаткунандагон оид ба риояи чораҳои бехатарӣ дар макони истироҳат ва берун аз он корҳои фаҳмондадиҳиро пурзӯр намоянд.
«Зимни қабули истироҳаткунандагон, ҳангоми хӯрокхӯрӣ дар муассисаҳои фароғатӣ ва истироҳатӣ, дар минтақаҳои соҳилӣ ва атрофи он, нигоҳ доштани масофа, пешгирии ҷамъшавии издиҳоми одамон, нисбат ба ҳамлу нақли истироҳаткунандагон аз ҷониби масъулин корҳои фаҳмондадиҳӣ гузаронида, оид ба маърифати тиббию беҳдоштӣ чораҳои зарурӣ андешида шаванд», — таъкид менамояд Кумита.
Кумитаи рушди сайёҳӣ бо назардошти вазъи баамаломада дар ҳамкорӣ бо Вазорати тандурустӣ ва ҳифзи иҷтимоии аҳолии Ҷумҳурии Тоҷикистон “Дастурамали фаъолияти саёҳат ва сафар дар шароити хатари афзояндаи пандемия (COVID-19)”-ро таҳия намуд, ки пас аз қабули он аз ҷониби Ситоди ҷумҳуриявӣ дастраси иншооту субъектҳои хизматрасони соҳаи сайёҳӣ карда мешавад.
Акс аз бойгонии АМИТ «Ховар»
Дар Тоҷикистон беш аз 300 тонна пилла истеҳсол гардидааст
Дар Душанбе масъалаи рушди технологияҳои рақамӣ ва ҳифзи кӯдакон дар муҳити рақамӣ баррасӣ гардид
Корхонаи коркарди пахтаи ноҳияи Фархор баъд аз таъмир ба истифода дода шуд
АЗ ВОДИИ РАШТ ТО ИСКАНДАРКӮЛ. Хатсайрҳои сайёҳии дохилӣ ба минтақаҳои сайёҳии Тоҷикистон анҷом ёфтанд
РӮЗИ ҶАҲОНИИ ПАХТА. Як килограмм нахи пахта дар бозори ҷаҳонӣ ба 16 килограмм гандум баробар аст
«БАРНОМАИ РУШДИ САЙЁҲИИ ДОХИЛӢ». Дар Тоҷикистон беш аз 400 захираи сайёҳӣ, 1000 дара, 1000 кӯл ва мавзеъҳои дигари ҷолиб мавҷуд аст
Дурнамои рушди соҳаи сохтмони Тоҷикистон дар форуми байналмилалӣ дар Екатеринбург муаррифӣ гардид
Лоиҳаи «Дастрасӣ ба бозорҳо ва мутобиқшавӣ барои чорводорӣ» татбиқ мегардад
Дар Конфронси C5+1 SI дастовардҳои Тоҷикистон дар самти рушди зеҳни сунъӣ муаррифӣ шуданд
Коршиносони БОР соҳаи нақлиёт ва логистикаро яке аз муҳаррикони рушди иқтисодиёт арзёбӣ менамоянд
Байни Тоҷикистон ва палатаҳои савдою саноати кишварҳои ИДМ густариши робитаҳои тиҷоратӣ баррасӣ гардид
Барои фурӯши неруи барқ тавассути истгоҳҳои пуркунии воситаҳои нақлиёти барқӣ талаботи нав амалӣ гардид
