Муовини якуми Сарвазири Ҷумҳурии Тоҷикистон Давлаталӣ Саид дар ҷаласаи 86-уми Шӯрои иқтисодии ИДМ иштирок намуд
ДУШАНБЕ, 30.06.2020 /АМИТ «Ховар»/. 30 июни Муовини якуми Сарвазири Ҷумҳурии Тоҷикистон Давлаталӣ Саид дар ҷаласаи навбатии 86-уми Шӯрои иқтисодии Иттиҳоди Давлатҳои Мустақил, ки тавассути видеоконфронс баргузор гардид, иштирок намуд, хабар медиҳад АМИТ «Ховар».
Рӯзномаи ҷаласа 11 масъаларо доир ба ҳамкории давлатҳои аъзои ИДМ дар соҳаҳои молия, иқтисод, нақлиёт ва коммуникатсия дарбар мегирифт. Таваҷҷуҳи хоса ба тавсеаи ҳамкорӣ дар соҳаи тандурустӣ, бойторӣ ва рушди бозори моликияти зеҳнӣ зоҳир карда шуд.
Зимни ҷаласа роҳбарони ҳайатҳо оид ба вазъи иҷтимоию иқтисодии давлатҳои аъзои ИДМ ва чораҳои имконпазири дастаҷамъӣ ҷиҳати коҳиш додани оқибатҳои манфии пандемияи COVID-19 мубодилаи афкори ҳамаҷониба намуданд. Дар ин замина, қарор дода шуд, ки ба лоиҳаи Нақшаи тадбирҳо оид ба татбиқи Стратегияи рушди иқтисодии ИДМ барои давраи то соли 2030 тағйиротҳои дахлдор ворид карда шаванд.
Ҳамчунин, дар ҷаласа маълумот оид ба таъсиси марказҳои намоишию тиҷоратии давлатҳои аъзои ИДМ дар Москва дар ҳудуди Намоишгоҳи дастовардҳои иқтисодиёти миллӣ шунида шуд.
Ҷаласаи навбатии Шӯрои иқтисодии ИДМ 11 сентябри соли 2020 дар Тошканд баргузор мешавад.
Дар вилояти Хатлон ҷамъоварии пахта 40,76 фоизи нақшаи солонаро ташкил медиҳад
Дар ноҳияи Мир Сайид Алии Ҳамадонӣ зеристгоҳи нави 110 кВ-и «Чубек» ба истифода дода шуд
Дар Туркманистон ҷаласаи 95-уми Комиссияи байнидавлатии ҳамоҳангсозии хоҷагии обии Осиёи Марказӣ доир шуд
«Саноатсодиротбонк» ба натиҷаҳои назарраси молиявӣ ноил гардид
Бунёди зеристгоҳи нави барқии 220 кВ дар шаҳри Душанбе ва таҷдиду навсозии НБО «Варзоб-2» баррасӣ гардид
Дастовардҳои миллии Тоҷикистон дар Намоишгоҳи кишварҳои ИДМ муаррифӣ гардиданд
Дар Душанбе Форуми сеюми соҳибкории кишварҳои Осиёи Марказӣ ва Амрико доир мегардад
ИМРӮЗ-РӮЗИ ҶАҲОНИИ ПОЧТА. «Почтаи Тоҷикистон» то соли 2030 ба маркази миллии логистика ва хизматрасониҳои рақамӣ табдил меёбад
Дар Тоҷикистон беш аз 300 тонна пилла истеҳсол гардидааст
Дар Душанбе масъалаи рушди технологияҳои рақамӣ ва ҳифзи кӯдакон дар муҳити рақамӣ баррасӣ гардид
Корхонаи коркарди пахтаи ноҳияи Фархор баъд аз таъмир ба истифода дода шуд
РӮЗИ ҶАҲОНИИ ПАХТА. Як килограмм нахи пахта дар бозори ҷаҳонӣ ба 16 килограмм гандум баробар аст
