Ш.Шоҳин: Маркази пешгирӣ ва мубориза бар зидди ВНМО беморонашро аз COVID-19 ҳифз менамояд
ДУШАНБЕ, 16.06.2020 /АМИТ «Ховар»/. Дар ноҳияи Шамсиддин Шоҳини вилояти Хатлон ҷиҳати пешгирӣ аз коронавирус корҳои профилактикӣ доир шуда, корхонаҳои давлатӣ ва ғайридавлатӣ бо маҳлулҳои антисептикӣ, хлор ва дигар маводҳои зиддивирусӣ таъмин мебошанд. Тавре директори Муассисаи давлатии «Маркази пешгирӣ ва мубориза бар зидди бемории вируси норасоии масунияти одам» Шамсуддин Худойбахшов ба хабарнигори минтақавии АМИТ «Ховар» иттилоъ дод, бемории сирояти коронавирус бештар ба шахсони гирифтори бемории вируси норасоии масунияти одам, фишорбаландӣ, бемории қанд ва нафароне, ки иммунитети баданашон нисбатан паст аст, таъсири манфӣ мерасонад.
«Ҳоло дар ноҳия 29 нафар гирифтори бемории вируси норасоии масунияти одам ба қайд гирифта шуда, онҳо ҳамеша таҳти назорати кормандони муассиса қарор доранд ва бо дорувориҳои лозима пурра таъмин мебошанд. Айни замон бо мақсади пешгирӣ аз COVID-19 беморон бо семоҳа доруворӣ таъмин гардида, кормандон ҳамеша тариқи телефонӣ аз аҳволи онҳо бохабар мешаванд»,- гуфт номбурда.
Ба зикри Шамсуддин Худойбахшов, имрӯз МД «Маркази пешгирӣ ва мубориза бар зидди бемории ВНМО» баҳри пурзӯр намудани чораҳои зиддиэпидемикӣ барои пешгирии интиқоли коронавирус ва ҳифзи кормандон чораҳои безараргардониро дар сатҳи баланд ба роҳ мондааст. Бо ин мақсад дар даромадгоҳи муассиса маҳлулҳои безараргардонӣ аз қабили хлор, маҳлули спиртӣ ва инчунин ниқобҳои яккарата, собун ва дастпушакҳои резинӣ гузошта шудааст.
Ёдовар мешавем, ки бемории сироятии коронавирусии нави COVID-19 қариб тамоми ҷаҳонро фаро гирифта, олимони соҳаи тиб кӯшиш ба он доранд, ки ҳарчи зудтар пеши роҳи ин пандемияро гиранд. Ҳоло аз ҷониби Ҳукумати Ҷумҳурии Тоҷикистон ва Вазорати тандурусти ва ҳифзи иҷтимоии аҳолӣ ҷиҳати пешгирии коронавирус тамоми чораҳо анешида шуда истодааст. Маҳз чунин чораандешӣ аст, ки рӯз то рӯз шумораи беморӣ дар ҷумҳурӣ кам гардида, беморхонаҳо ба фаъолияти маъмулии худ гузашта истодаанд.
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ багузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
Дар Хуҷанд доир ба масъалаҳои таъмини ҳифзи сирри давлатӣ ва ҳифзи техникии иттилоот конференсияи минтақавӣ баргузор гардид
