Сироҷиддин Муҳриддин дар видеоконфронси байналмилалӣ дар чаҳорчӯби ташаббуси «Камарбанд ва роҳ» ширкат намуд
ДУШАНБЕ, 19.06.2020 /АМИТ «Ховар»/. 18 июн Вазири корҳои хориҷии Ҷумҳурии Тоҷикистон Сироҷиддин Муҳриддин дар видеоконфронси байналмилалии вазирони корҳои хориҷӣ дар чаҳорчӯби ташаббуси «Камарбанд ва роҳ» бо иштироки роҳбарияти СММ, Барномаи рушди СММ ва Созмони Умумиҷаҳонии тандурустӣ ширкат варзид. Дар ин бора АМИТ «Ховар» бо истинод ба Вазорати корҳоии хориҷии Ҷумҳурии Тоҷикистон хабар медиҳад.
Дар ҷараёни видеоконфронс вазирон тақвияти иттифоқи назар бо кишварҳои шарики ташаббуси «Камарбанд ва роҳ», таҳкими ҳамкории байналмилалӣ дар мубориза бо ҳамагирии COVID-19 дар чаҳорчӯби ташаббуси «Камарбанд ва роҳ», мусоидат ва робитаи мутақобил дар барқарорсозии иҷтимоиву иқтисодии кишварҳои ширкаткунандаи «Камарбанд ва роҳ» баъди ҳамагирӣ, инчунин дастгирӣ ва иҷрои лоиҳаҳои муштарак дар доираи ташаббуси «Камарбанд ва роҳ»-ро баррасӣ намуданд.
Вазири корҳои хориҷии Тоҷикистон дар суханронии худ дар мавзӯи «Ҳамкории байналмилалӣ дар чаҳорчӯби ташаббуси «Камарбанд ва роҳ»: муборизаи муштарак бо ҳамагирии COVID-19» қайд намуд, ки дар айни замон моро зарур аст, то баҳри пешгирии муштараки паҳншавии баъдии коронавирус ва барқарорсозии рушди устувори иҷтимоиву иқтисодии кишварҳоямон чораҳои амалии муштарак андешем.
Дар ин робита, ба Ҳукумати Ҷумҳурии Мардумии Чин, инчунин кишварҳои дигар, муассисаҳои СММ ва ниҳодҳои байналмилалии молиявӣ барои дастгирӣ ва кумакҳои саривақтӣ дар мубориза бо ҳамагирии коронавируси нав дар кишвари мо изҳори сипос гардид.
Дар интиҳои чорабинӣ санади ниҳоии видеоконфронси байналмилалии вазирони корҳои хориҷӣ дар чаҳорчӯби ташаббуси «Камарбанд ва роҳ» қабул гардид.
Акс аз ВКХ ҶТ
Ҳамкории дуҷонибаи Тоҷикистону Умон баррасӣ гардид
Сафири Тоҷикистон бо раиси Палатаи савдо ва саноати Салтанати Умон мулоқот намуд
Ҳамкории Тоҷикистон ва Эрон дар соҳаи илму фарҳанг баррасӣ шуд
Дар Берлин консерти ансамбли «Моҳирон» дар доираи фестивали байналмилалии Young Euro Classic баргузор гардид
Ҳамкории Тоҷикистону Кувайт дар соҳаи ҳуқуқи инсон баррасӣ шуд
Дар Кувайт ҳамкорӣ ва ҳамоҳангсозӣ дар самти консулӣ байни Тоҷикистон ва Давлати Кувайт баррасӣ гардид
Дар Вена масъалаҳои таҳкими ҳамкории илмӣ-фарҳангии Тоҷикистон ва Австрия баррасӣ гардиданд
Сироҷиддин Муҳриддин бо ҳамоҳангсози доимии СММ дар Тоҷикистон мулоқот намуд
Дар Анқара машваратҳои сиёсӣ байни вазоратҳои корҳои хориҷии Тоҷикистон ва Туркия баргузор шуданд
Масоили ҳамкорӣ дар соҳаи моликияти зеҳнӣ байни Тоҷикистон ва Корея баррасӣ гардид
Дар Теҳрон ҳамкории дуҷониба байни Тоҷикистон ва Эрон баррасӣ шуд
Сафири Тоҷикистон бо Вазири давлатии вазорати федералии корҳои хориҷии Олмон оид ба корҳои Аврупо мулоқот намуд
