Вазорати корҳои дохилӣ: Сайди моҳӣ дар давраи тухмгузорӣ ҷавобгарӣ дорад

Июнь 3, 2020 10:37

ДУШАНБЕ, 03.06.2020. /АМИТ Ховар/.  Шуъбаи экологӣ ва сайёҳии Вазорати корҳои дохилӣ дар вилояти Суғд дар якҷоягӣ бо Раёсати ҳифзи муҳити зисти минтақа қонуншиканиро дар самти дар давраи тухмгузории моҳӣ сайд намудани он бо мақсади пешгирӣ аз талафот ва камшавии саршумор ба қайд гирифта, дар баробари тартиб додани якчанд санади ҳуқуқвайронкунии маъмурӣ 6 ҳолати ҷиноятӣ низ ошкор намуданд. Ин амал сабаби дар асоси моддаи 230-и Кодекси ҷиноятӣ ба ҷавобгарии ҷиноятӣ кашидани шаҳрвандон гардид. Дар ин бора аз Вазорати корҳои дохилии Ҷумҳурии Тоҷикистон ба АМИТ «Ховар» хабар доданд.

 Аз гумонбаршудаҳо, ки дар минтақаҳои гуногуни обанбори «Баҳри тоҷик»- ҳудуди шаҳру ноҳияҳои Б.Ғафуров, Конибодом ва Ашт, дар мавзеъҳои тухмгузорӣ ба сайди ғайриқонунии моҳӣ машғул буданд навъҳои гуногуни моҳӣ ва тӯри моҳидорию заврақ мусодира шудааст.

Қонуншиканҳо сокинони шаҳру ноҳияҳои Конибодом, Б.Ғафуров ва Ашт мебошанд, ки асосан дар мавзеи обанбори «Баҳри тоҷик» тӯр гузошта, кирдорҳои худро шабона содир менамуданд. Чунин ҳаракатҳои харобиовар ба захира ва афзоиши моҳӣ таъсири манфӣ расонда, саршумори онро ба нобудшавӣ мебарад.

Дар давраи тухмгузории моҳӣ сайд намудани ин намуд ҳайвоноти обиро бо мақсади пешгирӣ аз талафот ва камшавии саршумори он қонуни ҷиноятӣ ва ҳам маъмурии Тоҷикистон манъ намуда, риоя накардани чунин маҳдудият метавонад сабаби ҷавобгарӣ шавад.

Ёдовар мешавем, ки давраи тухмгузории моҳӣ аз 1 апрел фаро расида, то 15 июн идома меёбад.

Июнь 3, 2020 10:37

Хабарҳои дигари ин бахш

СОЛИ МАЪРИФАТИ ҲУҚУҚӢ. Дар Хоруғ аз ҷониби гурӯҳи корӣ Кодекси андози Ҷумҳурии Тоҷикистон дар таҳрири нав шарҳ дода шуд
Дар шаҳри Норак вобаста ба баланд бардоштани маърифати ҳуқуқии ҷавонон вохӯрӣ доир гардид
Дар ноҳияи Рӯшон омодабошии нерую воситаҳои ҳудудӣ ва захираи сафарбарӣ мавриди санҷиш қарор дода шуд
Дар Душанбе тавсеи ҳамкорӣ байни Маркази тадқиқоти стратегии Тоҷикистон ва Академияи илмҳои ҷамъиятии Чин баррасӣ гардид
Имрӯз дар баъзе ноҳияҳои Тоҷикистон хавфи омадани сел боқӣ мемонад
ТАЪМИНИ АМНИЯТИ ОЗУҚАВОРӢ. Ба хоҷагиҳои кишоварзии шаҳри Норак 61 адад техникаи муосири кишоварзӣ дастрас гардид
Дар шаҳри Хоруғ 120 нақлиёти мусофирбари таксӣ ба фаъолият шуруъ кард
Дар Суди Олии иқтисодӣ Рӯзи Ваҳдати миллиро ботантана таҷлил намуданд
Дар Тоҷикистон ҳаво то 38 дараҷа гарм мешавад
СОЛИ МАЪРИФАТИ ҲУКУҚӢ. Ба ин муносибат дар Донишгоҳи байналмилалии сайёҳӣ ва соҳибкории Тоҷикистон ҳамоиш баргузор шуд
Дар Душанбе дар мавзуи «Таҷдиди Саҳми дар сатҳи миллӣ муайяншудаи Тоҷикистон дар соли 2025» ҳамоиш доир гардид
Ба Узбекистон бо интернети мобилӣ аз «Анор»!