Ҳаҷми истеҳсоли маҳсулоти саноатӣ дар ноҳияи Рӯдакӣ дар 6 моҳ беш аз 100 миллион сомониро ташкил дод

Июль 30, 2020 16:26

РӮДАКӢ, 30.07.2020 /АМИТ «Ховар»/. Ҳаҷми истеҳсоли маҳсулоти саноатии ноҳияи Рӯдакӣ дар 6 моҳи сипаригардида 101 миллиону 784,9 ҳазор сомониро ташкил дод, ки нисбат ба ҳамин давраи соли гузашта  бо нархҳои муқоисавӣ  40,4 фоиз зиёд мебошад. Дар ҳаҷми умумии истеҳсоли маҳсулоти  саноатӣ  истихроҷи  маъдан  2,9 фоиз,  саноати коркард 64,5,  тақсими қувваи барқ, газ ва об 32,6 фоизро ташкил медиҳад. Ин нуктаро зимни нишасти матбуотӣ раиси ноҳияи Рӯдакӣ Рустам Акрамзода баён кард.

Ба муносибати ҷашни миллии 30-солагии Истиқлолияти давлатии Ҷумҳурии Тоҷикистон дар ноҳияи Рӯдакӣ корҳои созандагию бунёдии зиёде анҷом дода шуданд. Аз 414 иншооти ба нақша гирифташуда ба ҳолати 1 июли соли ҷорӣ  262 иншоот мавриди баҳрабардорӣ қарор гирифтааст.

Раиси ноҳияи Рӯдакӣ Рустам Акрамзода гуфт, ки аз  262 иншоот 42 иншоот бо 5 ҳазор  ҷойи нави нишаст дар соҳаи маориф, 23 иншооти соҳаи тандурустӣ, 16 адад  иншооти варзишӣ,  38 адад сартарошхонаҳо, 4 адад кошонаи ҳусн, 13 адад хатти оби нӯшокӣ, 52 адад марказҳои савдо, 2 адад коргоҳи дӯзандагӣ, 11 ҳолати таъмиру мумфаршкунии роҳҳо, 6 адад биноҳои баландошёна, 2 фермаи парвариши мол ва паранда,  11 адад коргоҳҳои истеҳсолӣ, 3 адад марказҳои забономӯзӣ, 1 адад растаи ҳунармандон ва 19 адад иншооти гуногуни хизматрасонӣ  ба истифода дода шудаанд.

Июль 30, 2020 16:26

Хабарҳои дигари ин бахш

Байни «Саноатсодиротбонк» ва Фонди рушди соҳибкории Озарбойҷон Ёддошти тафоҳум оид ба ҳамдигарфаҳмӣ ба имзо расид
Дар доираи Форуми тиҷоратӣ имконият ва фазои сармоягузории Тоҷикистон ба доираҳои соҳибкории Ҷопон муаррифӣ шуд
Дар доираи «Kazanforum 2024» байни Вазорати нақлиёти Тоҷикистон ва Вазорати нақлиёт ва хоҷагии роҳҳои Тотористон Ёддошти тафоҳум ба имзо расид
Корхонаи шаҳри Хоруғ қуттиҳои гуногуни оҳанин барои партов ва сутунҳои барқӣ истеҳсол менамояд
Дар ноҳияи Ҳамадонӣ беш аз 1 миллион сомонӣ қарзҳои андоз кам шуданд
Дар Шаҳринав 360 гектар замини корам бо оби полезӣ таъмин гардид
ШУМОРАИ ХОҶАГИҲОИ ТУХМИПАРВАРӢ ДАР ТОҶИКИСТОН БА 128 АДАД РАСИД. Аммо норасоии тухмии зироати кишоварзӣ то ба ҳол боқӣ аст
Дар ноҳияи Шаҳристон кишти картошка идома дорад
Дар шаҳри Гулистон 6 коргоҳу корхонаи нави саноатӣ ба истифода дода мешавад
Имсол кишоварзони Тоҷикистон дар зиёда аз 440 ҳазор гектар кишти баҳории зироат мегузаронанд
Дар шоҳроҳи Обигарм-Нуробод дарозтарин пул бунёд мешавад
Директори идории Хазинаи байналмилалии асъор Кристалина Георгиева бо ҷараёни корҳо дар Неругоҳи барқи обии «Роғун» шинос шуд