Билол Иброҳим: ба 3006 нафар ниёзмандон ба маблағи 601 ҳазор сомонӣ кумакҳои хайриявӣ расонида шуд
ДУШАНБЕ, 21.07.2020 /АМИТ «Ховар»/. Дар давраи пандемияи COVID-19 аз ҷониби Раиси шаҳри Душанбе муҳтарам Рустами Эмомалӣ дар арафаи иди саиди Фитр ба 817 нафар камбизоатон, ятимони кулл ва маъюбони ноҳияи Шоҳмансур (гурӯҳҳои 1 ва 2) кумаки ғизоӣ расонида шуд. Соҳибкорону тоҷирон ва шахсони саховатпеша ба 3006 нафар камбизоату барҷомондагон, ки ба кумаку дастгирӣ ниёз доранд, ба маблағи 601 ҳазор сомонӣ кумакҳои хайриявӣ расониданд. Бояд гуфт, ки шахсони эҳтиёҷманд пайваста зери дастгирии давлату Ҳукумати мамлакат қарор доранд.
Ин нуктаро раиси ноҳияи Шоҳмансур Билол Иброҳим имрӯз зимни нишасти матбуотӣ иброз дошт.
Дар мавриди ба кор қабул намудани шаҳрвандон дар давраи пандемия мавсуф зикр кард, ки дар нимсолаи аввал дар ноҳияи мазкур 1318 нафар бекорон ба қайд гирифта шудаанд, ки 713 нафари онҳоро занон ва 630 нафарашонро ҷавонон ташкил медиҳанд. Дар ин муддат 846 нафар бекорон бо кор таъмин шуданд, ки 447 нафарашон занон ва 470 нафар ҷавонон мебошанд. Ҳамчунин 298 нафар бекорон ба омӯзиши касбӣ фаро гирифта шуданд.
Иттилоъ дода шуд, ки дар ноҳия аз рӯи нишондиҳандаҳои оморӣ 165 800 нафар зиндагонӣ доранд.
Дар Душанбе 176 кило гӯшти бедонаи ба талаботи бехатарӣ ҷавобгӯнабуда мусодира гардид
Дар ноҳияи Исмоили Сомонӣ намоишҳои фурӯши либос ва лавозимоти мактабӣ идома дорад
Имрӯз дар Тоҷикистон чангу ғубор ба амал меояд
Имрӯз дар Маркази миллии тестӣ ва Донишкадаи давлатии санъати тасвирӣ ва дизайн нишасти матбуотӣ доир мегардад
«Қиссаҳои Шераки Ориён» аз чоп баромад
Дар Вена масоили густариши ҳамкории Тоҷикистон бо Агентии Австрия оид ба рушд баррасӣ шуд
Имрӯз дар водиҳои Тоҷикистон ҳаво то 35 дараҷа гарм мешавад
Дар шаҳри Душанбе ҳашари экологии «Тозагии маҳал» гузаронида шуд
Дар Остона ҷаласаи намояндагони аршади Саммити Осиёи Марказӣ-Ҷумҳурии Корея баргузор гардид
