Дар дурдасттарин канори Тоҷикистон фиристандаҳои гуногуниқтидори рақамӣ насб шуданд-бардошт аз нишасти матбуотии Кумитаи телевизион ва радио
ДУШАНБЕ, 22.07.2020 /АМИТ «Ховар»/. Дар шашмоҳаи якуми соли равон дар 10 шаҳру ноҳия, аз ҷумла Роғун, Лахш, Рӯшон, Ёвон, Дарвоз, Ишкошим, Роштқалъа, Мурғоб, ҷамоатҳои деҳоти Кангурти ноҳияи Темурмалик ва Ворухи ноҳияи Исфара фиристандаҳои гуногуниқтидори рақамӣ насб ва ба истифода дода шуданд. Дар ин бора имрӯз зимни нишасти матбуотӣ раиси Кумитаи телевизион ва радиои назди Ҳукумати Ҷумҳурии Тоҷикистон Нуриддин Саид иттилоъ дод.
Мавсуф иброз дошт, ки ҳамчунин дар деҳаи Негноти Ҷамоати деҳоти Рӯдакии шаҳри Панҷакент 3 адад фиристандаи телевизионӣ барои шабакаҳои телевизионҳои «Тоҷикистон», «Сафина», «Ҷаҳоннамо», дар деҳаи Гиждараи шаҳри Панҷакент фиристандаи телевизионӣ барои пахши барномаҳои телевизиони «Сафина», дар деҳаҳои Бодоми ноҳияи Роштқалъа ва Вери ноҳияи Шуғнон фиристандаҳои гуногуниқтидор барои барномаҳои телевизионҳои «Сафина» ва «Баҳористон», дар ҷамоати Наврӯзи ноҳияи Носири Хусрав ду адад фиристандаи телевизионӣ барои пахши шабакаҳои «Телевизиони Тоҷикистон» ва «Сафина», дар деҳаҳои Путовқули ноҳияи Лахш, Работи шаҳри Турсунзода ва ҷамоати Алисурхони ноҳияи Сангвор фиристандаҳо барои пахши барномаҳои «Телевизиони Сафина» насб ва ба истифода дода шуданд.
Дар нишасти матбуотӣ гуфта шуд, ки дар ин давра дар асоси шартномаи ҳамкорӣ байни ширкати «Yahlive» кумаки техникӣ, аз ҷумла таҷҳизоти рақамӣ, мултиплексорҳо, модуляторҳо, қувватфизоҳо ва мавҷгир бо қутри 5 метр ворид гардид.
Инчунин зикр гардид, ки дар самти гузаронидани корҳои фаҳмондадиҳӣ ҷиҳати мубориза бо паҳншавии бемории коронавирус саҳми кормандони эҷодиву техникии Кумитаи телевизион ва радио ниҳоят бузург аст. Ҳамарӯза бо тавсияи Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва Созмони умумиҷаҳонии тандурустӣ роликҳои фаҳмондадиҳӣ тариқи шабакаҳои телевизион ва радио пахш мешаванд. Дар баробари ин бо иштироки мутахассисони соҳаи тибби дохилу хориҷи мамлакат барномаҳои алоҳидаи телевизионӣ ва радиоӣ таҳия ва пахш шуданд.
Гурӯҳи корӣ бо рафти корҳои сохтмонии манзилҳои аз офати табиӣ зарардидаи ноҳияҳои Рашт ва Тоҷикобод шинос гардид
Дар Тоҷикистон доир ба пардохти кумакҳои унвонии иҷтимоӣ давраи омӯзишӣ ҷараён дорад
Гармии шадиди ҳаво боиси авҷи кадом бемориҳо мегардад?
Басти дуюми истироҳатгоҳи «Файзи истиқлол» дар ноҳияи Варзоб оғоз гардид
Чӣ тавр худро аз гармии тобистон муҳофизат кунем? Донистани роҳҳои дурусти он муҳим аст
Дар дарёи Ёхсу корҳои соҳилмустаҳкамкунӣ ҷараён доранд
Огоҳӣ! Дар Тоҷикистон ҳавои гарму хушк пешгӯӣ мешавад
Ҷавонони тоҷик дар Форуми ҷавонони Созмони ҳамкории иқтисодӣ иштирок намуданд
Дар моҳи дуюми тобистон Тоҷикистонро чӣ гуна ҳаво интизор аст?
Кумита оид ба таҳсилоти ибтидоӣ ва миёнаи касбӣ бахшида ба Рӯзи Ваҳдати миллӣ конфронс доир намуд
Дар Агентии суғуртаи иҷтимоӣ ва нафақа 28-солагии Рӯзи Ваҳдати миллиро ҷашн гирифтанд
Дар Душанбе вобаста ба иҷрои Барномаи миллии ташаккули тарзи ҳаёти солим ҷаласа баргузор гардид
