Дар Душанбе директори АМИТ «Ховар» бо котиби дуюми Сафорати Ҳиндустон мулоқот намуд

Июль 8, 2020 16:00

ДУШАНБЕ, 08.07.2020. /АМИТ «Ховар»/. 8 июл дар Маркази матбуоти ҷумҳуриявии «Ховар» директори Агентии миллии иттилоотии Тоҷикистон «Ховар» Саидалӣ Сиддиқ бо котиби дуюм — масъули масъалаҳои сиёсӣ ва иттилоотии Сафорати Ҳиндустон дар Душанбе хонум Манита Кумари мулоқот намуд.

Дар оғози мулоқот С. Сиддиқ доир ба рушди муносибатҳои дуҷонибаи Тоҷикистону Ҳиндустон, моҳияти сиёсати «дарҳои боз»-и Роҳбарияти Ҳукумати Ҷумҳурии Тоҷикистон, нақши ВАО дар таҳкими муносибатҳои байнидавлатӣ, аз ҷумла имкониятҳои сомонаи АМИТ «Ховар» ва Радиои «ҒM-Ховар» ба сифати хабаргузории марказии иттилоотӣ дар инъикоси хабару гузоришҳои марбут ба Тоҷикистон ва Ҳиндустон, муаррифии имкониятҳои мавҷуда дар таҳкими ҳамкории дуҷониба дар соҳаҳои  иқтисодӣ, илмӣ-фарҳангӣ, сайёҳӣ ва ғайра мухтасаран ибрози назар кард.


Дар навбати худ хонум Манита Кумари бо арзи сипос аз мулоқоти суратгирифта омодагии ҷониби сафорат ва дар маҷмӯъ, кишварашро ҷиҳати ба роҳ мондани ҳамкории фаъол дар самти иттилоърасонӣ ва муаррифии кишвараш ба мардуми Тоҷикистон баён дошт.

Номбурда ҳамчунин зикр кард, ки ҷониби Ҳиндустон барои рушди ҳамкории дуҷониба дар ҳама самтҳо омода буда, баҳри ноил шудан ба натиҷаҳои назаррас сафорат талоши худро ба таври васеъ ба роҳ мондааст.

Бино ба гуфтаи котиби дуюми Сафорати Ҳиндустон, масъулини кишвараш раисии Тоҷикистонро дар Созмони Ҳамкории Шанхай дар соли оянда ва баргузор шудани ҷаласаи навбатии ҷашнии сарони кишварҳои аъзоро дар Душанбе дар соли 2021 (СҲШ 20-сола мешавад) нишонаи эътимоди баланд ба мавқеи Ҷумҳурии Тоҷикистон дар ин созмони бонуфуз медонанд ва умед доранд, ки Ҳиндустон намояндаи худро дар ин чорабинӣ дар сатҳи олӣ таъмин менамояд.

Ҷонибҳо ҳамчунин изҳори умед карданд, ки барқарор гардидани робитаи дуҷониба байни АМИТ «Ховар» ва мақомоти марказии иттилоърасонии ҷониби Ҳиндустон метавонад дар инкишофи минбаъдаи муносибатҳои дуҷониба нақши муассир дошта бошад.

Июль 8, 2020 16:00

Хабарҳои дигари ин бахш

Вакилони гурҷӣ бо кормандони ҷавони низоми хизмати дипломатии Тоҷикистон мулоқот намуданд
Шараф Шерализода бо муовини котиби давлатии Котиботи давлатии Швейтсария оид ба молияи байналмилалӣ мулоқот намуд
Намояндаи Тоҷикистон дар чорабинӣ оид ба маблағгузории миллӣ барои расидан ба Ҳадафҳои Рушди Устувор иштирок намуд
Ҷонибек Ҳикмат дар чорабинӣ бахшида ба Рӯзи байналмилалии «ҷаҳони бе партов» иштирок намуд
Дар қароргоҳи Созмони Милали Муттаҳид бахшида ба таҷлили ҷашни Наврӯзи байналмилалӣ ҳамоиши тантанавӣ доир гашт
Деннис Фрэнсис саҳми Тоҷикистонро дар пешбарии масъалаҳои марбут ба об баланд арзёбӣ намуд
Дар Ню-Йорк аҳаммияти фаъолияти Раванди оби Душанбе баррасӣ гардид
Дар шаҳри Остона ҷашни байналмилалии Наврӯз таҷлил гардид
Вазири корҳои хориҷии Тоҷикистон дар Конфронс ба муносибати Рӯзи ҷаҳонии об иштирок намуд
Тоҷикистон ва Туркия муносибатҳои дуҷонибаро дар самтҳои сиёсӣ, иқтисодӣ ва сармоягузорӣ баррасӣ намуданд
Дар шаҳри Москва Наврӯзи байналмилалиро таҷлил намуданд
Ҷашни байналмилалии Наврӯзро дар Ашқобод бошукуҳ таҷлил намуданд