Дар Душанбе масъалаҳои муносиботи дуҷонибаи Тоҷикистону Фаластин баррасӣ гардиданд

Июль 31, 2020 11:46

ДУШАНБЕ, 31.07.2020 /АМИТ «Ховар»/. 30 июл мулоқоти Муовини якуми Вазири корҳои хориҷии Ҷумҳурии Тоҷикистон Хусрав Нозирӣ бо Сафири Давлати Фаластин дар Ҷумҳурии Тоҷикистон Луай Исо баргузор гардид.

Тавре АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад, дар ҷараёни мулоқот масъалаҳои муносибатҳои дуҷонибаиТоҷикистону Фаластин дар соҳаҳои гуногун, аз ҷумла заминаи қарордодӣ ва ҳуқуқии ҳамкории ду кишвар мавриди баррасӣ қарор гирифтанд.

Ёдовар мешавем, ки муносибатҳои дипломатӣ байни Ҷумҳурии Тоҷикистон ва Давлати Фаластин 6 марти 1992 барқарор шуданд.

Ду даври машваратҳои сиёсӣ байни вазоратҳои корҳои хориҷии Тоҷикистон ва Фаластин (29 марти 2017 ва 23 — 24 апрели 2018)баргузор гардидаанд.

Айни ҳол дар баррасии ҷонибҳолоиҳаҳои 7санади ҳамкорӣ дар соҳаҳои гуногун қарор доранд.

Вазири корҳои хориҷии Давлати Фаластин Риёз ал-Моликӣ зимни сафараш ба Тоҷикистон бо Вазири корҳои хориҷӣ Сироҷиддин Муҳриддин (26 июли 2018) ва Сарвазири  Ҷумҳурии Тоҷикистон Қоҳир Расулзода (27 июли 2018 )мулоқот карда буд.

Ҷонибҳо масъалаҳои муносибатҳои сиёсӣ, ҳамкориҳои иқтисодию тиҷоратӣ, сармоягузорӣ, ҳамкориҳо дар соҳаҳои энергетика, фарҳанг, кишоварзӣ, тандурустӣ, сайёҳӣ ва ҳамкориҳо дар чорчӯби созмонҳои байналмилалӣ ва минтақавиро баррасӣ намуданд.

Дар чорабиниҳои байналмилалие, ки дар Ҷумҳурии Тоҷикистон баргузор мегардад, ҳайатҳои Фаластин дар сатҳи баланд иштирок менамоянд. Аз ҷумла, дар кори Панҷумин иҷлоси сарони кишварҳои узви Машварати ҳамкорӣ ва тадбирҳои боварӣ дар Осиё (Душанбе, 14-15 июни 2019) Вазири корҳои хориҷии Давлати Фаластин Риёз ал-Моликӣ иштирок намуд.

                                                                          АКС аз ВКХ ҶТ

Июль 31, 2020 11:46

Хабарҳои дигари ин бахш

Дар Москва ҷаласаи навбатии Шурои машваратии роҳбарони хадамотҳои консулии давлатҳои аъзои ИДМ баргузор гардид
Тоҷикистон ва Туркманистон ҳамкории байниминтақавиро таҳким мебахшанд
Дар Эрон нишасти фарҳангии «Шаби устод Садриддин Айнӣ» баргузор гардид
Дар Берлин дар мавзуи назми тоҷик ҳамоиши фарҳангӣ баргузор шуд
Намояндаи доимии Тоҷикистон ҷаласаи солонаи Шурои иҷроияи Созмони Милали Муттаҳид-Занонро раисӣ намуд
Дар Австрия оид ба Раванди оби Душанбе маълумоти муфассал пешниҳод гардид
Дар Женева масъалаи ҳамкории Тоҷикистон бо Фонди сармоягузории Швейтсария барои бозорҳои рушдёбанда баррасӣ гардид
Соли 2025 Душанбе мизбони Форуми VIII коршиносони Осиёи Марказӣ мегардад
Имконияти сайёҳии Тоҷикистон дар Олмон муаррифӣ гардид
Байни вазоратҳои корҳои хориҷии Тоҷикистон ва Ангола Барномаи ҳамкорӣ ба имзо расид
Давлатшоҳ Гулмаҳмадзода бо Рияз Минзарипов вохӯрӣ намуд
Сарвазири Тоҷикистон Қоҳир Расулзода бо Ноиби Президенти Ангола Сперанса Мария Эдуарду Франсишку да Кошта мулоқот намуд