Давоми шаш моҳи соли равон дар Хуҷанд 322 адад ҷойҳои нави корӣ таъсис дода шуданд

Июль 14, 2020 09:40

ДУШАНБЕ, 14.07.2020 /АМИТ «Ховар»/. Давоми шаш моҳи аввали соли равон дар шаҳри Хуҷанд бо мақсади омодагии ҳамаҷониба ба ҷашни 30-солагии Истиқлолияти давлатии Ҷумҳурии Тоҷикистон 4 адад корхонаҳои истеҳсолӣ, 2 муассисаи ташхисию табобатӣ, 1 боғи фарҳангию фароғатӣ, 1 адад расадхона, 2 маркази хизматрасонӣ, 1 хатти обрасонӣ, 4 бинои истиқоматии баландошёна ва 74 нуқтаи савдо ба маблағи зиёда аз 121 миллион сомонӣ бунёд гардида, дар ин замина 322 адад ҷойҳои нави корӣ таъсис дода шуданд. Дар кўчаю хиёбонҳо ва майдонҳои ҳудуди шаҳр 781 адад лампаҳо, фурўзонакҳои каммасраф, чароғакҳои ҳархела ва равшанкунакҳои светодиодӣ, 7220 метр ноқилу симҳои барқӣ насб карда шуда, 43 адад биноҳои баландошёнаи истиқоматӣ рангубор, 47 адад даромадгоҳҳо ва 6 адад лифтҳо, 4107,0 м2 боми биноҳо ва 1769 метр қубурҳои обу ташноб таъмир ва иваз карда шуданд.

Дар ин бора аз маркази матбуоти Раиси шаҳри Хуҷанд ба АМИТ «Ховар» хабар доданд.

Зимни ҷамъбасти фаъолияти мақомоти иҷроияи ҳокимияти давлатии шаҳри Хуҷанд  дар шаш моҳи аввали соли равон  баён гардид, ки аз тарафи 17 корхонаҳои саноатии шаҳр ба маблағи 125,7 млн. сомонӣ маҳсулот ба давлатҳои хориҷии дуру наздик содирот карда шуда, ҳиссаи он дар маҷмӯи маҳсулоти саноатӣ 22,8 фоизро ташкил медиҳад.

Ҳамчунин  аз ҷониби 63 адад корхонаҳои хурду калон маҳсулоти ивазкунандаи воридот ба маблағи 202,7 млн. сомонӣ истеҳсол гардид, ки нисбат ба ҳамин давраи соли сипаригашта 53,4 млн. сомонӣ ё 35,8 фоиз зиёд мебошад.

Бояд тазаккур дод, ки дар давраи паҳншавии касалии сироятии коронавируси нав COVID-19  баҳри таъминоти аҳолӣ ва муассисаҳои тандурустӣ фавран аз ҷониби 13 корхонаҳои саноатии шаҳри Хуҷанд,  аз ҷумла ҶДММ «Ҷавонӣ», «САТН», «Сано», «Зиннат», «Нассоҷи Хуҷанд», «Текстил и Ко», «Олимхони Хуҷандӣ», «Сирдарё», «Чои Шифо», «ММК», «Давои Сино 70», «Сайхун» ва «Қолинҳои Сомон» зиёда аз 4,2 млн. дона ниқобҳо, либоси махсуси тиббӣ ва маводҳои антисептикӣ ба маблағи 37,8 млн. сомонӣ истеҳсол карда шуд, ки қаблан онҳо аз хориҷи кишвар ворид мегардиданд.

 

АКСҲО аз бойгонӣ

Июль 14, 2020 09:40

Хабарҳои дигари ин бахш

Дар Агентии «Тоҷикстандарт» вобаста ба риояи талаботи ҳуҷҷатҳои меъёрии техникӣ машварат баргузор шуд
ОБОДӢ ДАР МАҲАЛ. Роҳи деҳаи Аҷами ноҳияи Шаҳринав асфалтпӯш гардид
Намояндаи Тоҷикистон дар Самарқанд бо нишони сарисинагии «Барои хизматҳо дар ҳамкории байналмилалии геологӣ» сарфароз гардонида шуд
Ширкати ҳавопаймоии «Сомон Эйр» даврҳои омодагии ибтидоӣ барои роҳбаладон ташкил намудааст
Ташаббусҳои ҷаҳонии Тоҷикистон оид ба обу иқлим дар Арабистони Саудӣ баррасӣ шуданд
Вазири рушди иқтисод ва савдои Тоҷикистон дар ҷаласаи 99-уми Шурои иқтисодии ИДМ иштирок намуд
Дар иҷлосияи XXVI Шурои байниҳукуматӣ оид ба иктишоф, истифода ва ҳифзи қаъри замини ИДМ раёсат аз Тоҷикистон ба Узбекистон гузашт
Ҳайати Тоҷикистон дар Форуми глобалии сиёсат дар Манила иштирок намуд
«Бонк Фридом Финанс Қазоқистон» тасмим гирифтааст, ки дар Тоҷикистон бонки фаръӣ ё филиал боз намояд
БАХШИДА БА 35-СОЛАГИИ ИСТИҚЛОЛИЯТИ ДАВЛАТӢ. Дар шаҳри Роғун бинои кӯдакистон ва «Амонатбонк» ба истифода дода мешавад
Тоҷикистон ва Корея имконияти кишоварзиро тақвият мебахшанд
Дар Самарқанд таҳти раёсати Тоҷикистон иҷлосияи XXVI Шурои байниҳукуматӣ оид ба иктишоф, истифода ва ҳифзи қаъри замини ИДМ оғоз шуд