ҶДММ «Ҷавонӣ» бо фармоиши мизоҷони аврупоӣ маҳсулот омода мекунад

Июль 25, 2020 10:30

 ДУШАНБЕ, 25.07.2020. /АМИТ «ХОВАР»/.  Дар ҶДММ «Ҷавонӣ»- яке аз корхонаи нассоҷии маркази вилояти Суғд дар як сол қариб  1,4 миллион адад маҳсулоти тайёри дӯзандагӣ, ба монанди шиму нимшимҳои мардона, занона ва бачагона истеҳсол мешаванд, ки аз 97 то 100 фоизи таркиби онҳоро пахта ташкил медиҳад. Истеҳсоли маҳсулоти коргоҳ дар асоси фармоишҳои мизоҷони аврупоӣ иҷро гашта, маҳсулот асосан ба давлатҳои Италия, Хорватия ва як миқдори муайян ба Федератсияи Россия содирот мегардад.​ Дар корхона беш аз 800 нафар сокинони маҳаллӣ бо ҷойи кор  шароити  хуби  фаъолият таъмин гардидаанд.

Дар ин бора аз Мақомоти иҷроияи ҳокимияти давлатии вилояти Суғд ба АМИТ «Ховар» хабар доданд.

Масъули корхона барои рақобат кардан дар бозори ҷаҳонӣ кӯшиш доранд, ки ҳар сол намуди матоъ ва маҳсулоти дӯхтаро иваз намоянд. Зеро бозори ҷаҳонӣ сифати баланди маҳсулотро талаб мекунад. Дар ин раванд корхона маҳсулоташро ба давлатҳои Чин, Бангладеш, Шриланка, Покистон ва Ветнам мефиристад. Айни ҳол дар корхона 60 намуд маҳсулоти тайёр истеҳсол мегарданд.

Ҳадафи асосии корхона коркарди ниҳоии нахи пахта бо технологияҳои замонавӣ, истеҳсол ва фурӯши риштаҳои пахтагин, матоъҳо ва тамоми намуди шимҳову нимшим ва доман (мардона, бачагона) мебошад. Алҳол дар ҶДММ «Ҷавонӣ» сехҳои истеҳсолоти ресандагӣ, бофандагӣ, дӯзандагӣ, рангуборкунӣ, минтақаҳои дарзмолкунӣ ва пардоздиҳӣ (коркарди матоъ, рангкунӣ) амал менамоянд, ки таҷҳизоту технологияи он пурра аз давлатҳои Аврупо харида, насб гардидааст. Ашёи хоми корхона аз хоҷагиҳои кишоварзии ноҳияҳои Мастчоҳ, Ашт, Конибодом, Зафаробод ва Бобоҷон Ғафуров дастрас мегардад.

Имрӯзҳо корхонаи мазкур бо иқтидори пурра фаъолияти хешро ба роҳ монда, дар давраи бемории сироятии COVID-19 бо тавсияи Ҳукумати Ҷумҳурии Тоҷикистон ва Мақомоти иҷроияи ҳокимияти давлатии вилоят барои  дастгирии кормандон 500 ҳазор сомонӣ маблағ ҷудо ва ба ҳар яки онҳо дастрас карда шудааст.

Июль 25, 2020 10:30

Хабарҳои дигари ин бахш

Бонки аврупоии таҷдид ва рушд дар Хатлон пойгоҳҳои обкаширо навсозӣ менамояд
Масъалаҳои рушди ҳамкории иқтисодию тиҷоратӣ байни Тоҷикистон ва Покистон баррасӣ шуданд
Дар Душанбе ҷаласаи сатҳи байналмилалӣ оид ба омори меҳнат оғоз гардид
«САНОАТИКУНОНӢ ДАР МАСИРИ РУШД». Таҳти чунин унвон дар Суғд конфронси илмӣ-амалии ҷумҳуриявӣ баргузор шуд
«БАРҚИКУНОНИИ ДЕҲОТИ ТОҶИКИСТОН». Дар марҳилаи аввали татбиқи лоиҳа сокинони 26 маҳаллаи Бадахшон ба неруи барқ дастрасӣ пайдо намуданд
Дар Тоҷикистон ҷаласаи 42-юми Ситоди тафтишоти муштарак оид ба вайронкунии қонунгузории зиддиинҳисорӣ доир мешавад
«РОҲ БА СӮИ ТИЁН-ШОН». Муҳимтарин масъалаҳои марбут ба роҳу нақлиёт дар конфронси байналмилалӣ баррасӣ шуданд
Тоҷикистон ва Туркия ҳамкориро дар соҳаҳои энергияи «сабз» ва саноати кӯҳӣ тақвият медиҳанд
Ҳайатҳои Тоҷикистон ва Туркия дар ҳошияи ҷаласаи Комиссияи байниҳукуматӣ масъалаҳои мубрами ҳамкориро баррасӣ намуданд
Дар Анқара ҷаласаи 12-уми Комиссияи байниҳукуматии Тоҷикистон ва Туркия оид ба ҳамкории иқтисодӣ доир гардид
Вазири рушди иқтисод ва савдои Тоҷикистон бо Раиси Шурои мунисипалии шаҳри Чэндуи Чин мулоқот намуд
Дар вилояти Хатлон масъалаи содироти маҳсулоти кишоварзӣ ба хориҷи мамлакат баррасӣ шуд