ФУТБОЛ. «Дӯстӣ» дар даври якуми лигаи дуюм «Сарбанд»-ро бо ҳисоби калони 8:1 мағлуб кард
ДУШАНБЕ, 16.07.2020. /АМИТ «Ховар»/. 15 июл даври ифтитоҳии Чемпионати Тоҷикистон байни дастаҳои лигаи дуюм дар вилояти Хатлон баргузор гардид. Дар ин бора аз хадамоти матбуотии Федератсияи футболи вилояти Хатлон ба мухбири АМИТ «Ховар» Меҳрони Қурбон хабар доданд.
Дар ин давр дастаи футболи «Дӯстӣ»-и ноҳияи Ҷайҳун дар бозии даври якуми Чемпионати Тоҷикистон байни дастаҳои лигаи дуюм дар вилояти Хатлон дар майдони худ бо дастаи «Сарбанд»-и шаҳри Левакант вориди майдони рақобат шуд. Бозингарони дастаи футболи «Дӯстӣ» бо ҳисоби калон — 8:1 зафар ёфтанд.
Дастаи дигари лигаи дуюм — «Чашма»-и ноҳияи Шаҳритӯз дар майдони худ бо тими «Кӯшон»-и ноҳияи Кӯшониён дидор анҷом дод. Вохӯрии дастаҳо дар варзишгоҳи марказии ноҳияи Шаҳритӯз доир гашта, бозӣ бо ҳисоби мусовӣ 2:2 хотима ёфт.
Ҳамчунин дар ин давр дастаҳои футболи «Мунк»-и ноҳияи Ховалинг ва «Сурхоб»-и ноҳияи Темурмалик миёни ҳам рақобат намуданд, ки дар ин бозӣ низ ғолиб муайян нашуд. Чунки дидори дастаҳо бо ҳисоби 2:2 мусовӣ ҷамъбаст гардид ва дастаҳо имтиёзро миёни ҳам тақсим намуданд.
Лигаи 2-юм, даври аввал.
«Дӯстӣ»- «Сарбанд» 8:1
«Чашма» — «Кӯшон» 2:2
«Мунк» — «Сурхоб» 2:2
САВГАНДИ САДОҚАТ БА ХАЛҚУ ВАТАН! Дар шаҳри Бӯстон маросими савгандёдкунии наваскарон баргузор гардид
КИРМАКПАРВАРӢ. Имсол ба ҷамоатҳои шаҳри Истаравшан 200 қуттӣ кирмак тақсим карда шуд
Барои муштариёни Суғду Хатлон – тарофаҳои дорои интернети бештар
Дар ноҳияи Рӯдакӣ таҳти унвони «Оила-рамзи муҳаббат, вафо ва ҳамдигарфаҳмӣ» ҳамоиш доир гардид
Ноҳияи Дӯстии вилояти Хатлон нақшаи истеҳсоли пилларо пурра иҷро намуд
ИМРӮЗ — РӮЗИ БАЙНАЛМИЛАЛИИ ОИЛА. Барномаи давлатии рушди оила дар Тоҷикистон ба таҳкими пояҳои оиладорӣ нигаронида шудааст
Имрӯз дар Тоҷикистон ҳаво то 36 дараҷа гарм мешавад
Дар ноҳияи Нуробод бахшида ба Рӯзи байналмилалии оила ҳамоиши маърифатӣ доир гардид
«ДУШАНБЕ — ШАҲРИ САРСАБЗ, ГУЛПӮШ ВА НАЗАРРАБО». Андешаҳои иштирокчии Конфронси Созмони озуқаворӣ ва кишоварзӣ дар ин маврид
Дар Душанбе намоиши маҳсулоти корхонаҳои истеҳсолии муассисаҳои ислоҳӣ доир гардид
Имрӯз дар Тоҷикистон ҳавои камабри бебориш пешгӯӣ мешавад
Созмони озуқаворӣ ва кишоварзӣ: Тоҷикистон дар сатҳи 95 фоиз худро бо орд таъмин менамояд
