Корпоратсияи байналмилалии исломии тиҷоратию молиявӣ ба Тоҷикистон барои мубориза бо COVID-19 грант ҷудо кард

Июль 26, 2020 09:37

ДУШАНБЕ, 26.07.2020. /АМИТ «Ховар»/. 23 июл бо дастгирии Хазинаи навтаъсиси рушди тиҷорат, Корпоратсияи байналмилалии исломии тиҷоратию молиявӣ созишнома дар бораи ба Ҷумҳурии Тоҷикистон додани грант барои хариди лавозимоти тиббиро ба имзо расонид, хабар медиҳад АМИТ «Ховар» бо истинод ба Вазорати тандурустӣ ва ҳифзи иҷтимоии аҳолии ҷумҳурӣ.

Созишнома харидории таҷҳизоти тиббӣ, аз ҷумла лавозимоти муҳофизати инфиродӣ ва ниқобҳои касбии меъёрии N95-ро маблағгузорӣ мекунад.

Корпоратсия ин созишномаро дар доираи яке аз ташаббусҳои пешбурди тиҷорат – Ташаббуси вокуниши фаврӣ, ки ба дастгирии кишварҳои узви Созмони Ҳамкории Исломӣ равона шудааст, ба имзо расонид. Дар якҷоягӣ, ин барномаҳо ба баланд бардоштани устувории аҳолӣ ва қобилияти кормандони соҳаи тиб дар мубориза бар зидди COVID-19 нигаронида шудаанд. Ин грант як ҷузъи ваколати «Respond – Вокуниш»-и Барномаи «3 Rs»-и Гурӯҳи Бонки Исломии Рушд оид ба COVID-19: «Вокуниш, барқарорсозӣ ва дубора ба корандозӣ» мебошад.

Директори генералии Корпоратсия Ҳани Салем Сонболтак ҷудо намудани грантро ба Тоҷикистон чунин шарҳ дод: «Таъмини лавозимоти муҳофизатии инфиродӣ ба кормандони соҳаи тиб дар Тоҷикистон ба пешгирии интиқоли дохилибемористонӣ ва ҳифзи саломатии кормандони соҳа, ки дар сафи пеш қарор доранд ва беист бо COVID-19 мубориза мебаранд, мусоидат мекунад. Он инчунин барои пешгирии паҳншавии вирус дар байни аҳолӣ ва ба ин васила коҳиш додани таъсири иҷтимоию иқтисодии он кумак хоҳад кард».

Ҳадафи Хазинаи навтаъсиси рушди тиҷорат дар назди Корпоратсия дастгирии лоиҳаҳои рушди тиҷорат дар кишварҳои узви СҲИ ва ҷомеаҳои мусулмонон дар кишварҳои ғайриузви ин созмон мебошад. Ин як қисми ҷудонашавандаи стратегияи Корпоратсия барои густариши тиҷорат дар ҷаҳони ислом ба ҳисоб меравад.

Июль 26, 2020 09:37

Хабарҳои дигари ин бахш

Имрӯз дар Душанбе ҳаво 28 дараҷа гарм мешавад
Дар Файзобод оид ба пешгирӣ ва рафъи оқибатҳои ҳолатҳои фавқулода машқи зернизомӣ гузаронида шуд
РӮЗИ ДАРҲОИ КУШОД. Маркази кӯдакон ва наврасони шаҳри Душанбе хонандагонро ба машғулияти гуногун фаро мегирад
Шарҳи матбуоти даврӣ аз АМИТ «Ховар»
«Нобаробарии рақамӣ» дар гузашта мемонад
Имрӯз дар Тоҷикистон ҳавои тағйирёбанда дар назар аст
Соҳаҳои маорифу тандурустии шаҳри Турсунзода ба давраи тирамоҳу зимистони солҳои 2023-2024 пурра омода мебошанд
Бахшида ба Рӯзи байналмилалии коҳиши офатҳои табиӣ озмун эълон мешавад
Имрӯз дар Тоҷикистон ҳарорати рӯзонаи ҳаво рӯ ба пастшавӣ меорад
ОМОДАГӢ БА ЗИМИСТОН. Соҳаҳои иқтисодию иҷтимоии шаҳри Ваҳдат бо ангишти хушсифат таъмин мегарданд
Имрӯз дар Тоҷикистон борони кӯтоҳмуддат ба амал меояд
ОМОДАГӢ БА ЗИМИСТОН. Дар Суғд ҷаласаи навбатии ситоди вилоятӣ баргузор шуд