Помпео бо вазирони корҳои хориҷии кишварҳои Осиёи Марказӣ масъалаи амнияти озуқавориро муҳокима намуд
ДУШАНБЕ, 01.07.2020 /АМИТ «Ховар»/. Котиби давлатии ИМА Майкл Помпео рӯзи сешанбе бо вазирони корҳои хориҷии кишварҳои Осиёи Марказӣ масъалаи таъминоти амнияти озуқавории минтақаро дар заминаи пандемия баррасӣ намуд. Дар ин бора дар иттилоияи хадамоти матбуоти Департаменти давлатии ИМА зикр шудааст, хабар медиҳад АМИТ «Ховар».
«Котиби давлатии ИМА дар муколамаи виртуалии сатҳи баланд дар чаҳорчӯбаи «C5 + 1» муштаракан бо вазирони корҳои хориҷии Қазоқистон, Қирғизистон, Тоҷикистон, Туркманистон ва Ӯзбекистон ширкат варзид. Котиби давлатии ИМА ҷонибдории кишварашро аз ин платформаи дипломатӣ барои манфиатҳои умумӣ дар соҳаи амният, ба шумули сулҳ дар Афғонистон, инчунин ҷиҳати тавсеаи робитаҳои минтақавӣ ва савдо, тасдиқ намуд», — омадааст дар иттилоияи Департаменти давлатии ИМА.
Помпео изҳор намуд, ки «ИМА дастгирии бемайлонашро аз истиқлолият, соҳибихтиёрӣ ва тамомияти арзии кишварҳои Осиёи Марказӣ идома медиҳад».
«Котиби давлатӣ инчунин аз кӯшишҳои Иёлоти Муттаҳида дар самти таҳким ва тавсеаи суботи иқтисодӣ ва равобити кишварҳои Осиёи Марказӣ ҷиҳати таъмини амнияти озуқаворӣ дар заминаи пандемия ёдовар шуд,» — гуфта мешавад дар иттилоия.
Тавре чанде пеш АМИТ «Ховар» хабар дод, дар конфронси видеоии сатҳи баланд дар чаҳорчӯбаи «C5 + 1» бо иштироки вазирони корҳои хориҷии кишварҳои Осиёи Марказӣ ва Котиби давлатии ИМА, ки 30 июн баргузор гардид, Вазири корҳои хориҷии Тоҷикистон Сироҷиддин Муҳридин ширкат ва суханронӣ намуд.
Исматулло Насредин ва Ҳамиш Фалконер оид ба масъалаҳои марбут ба таҳкими ҳамкории сиёсӣ ва амниятӣ табодули афкор намуданд
Низоми бераводид байни Тоҷикистон ва Италия барои дорандагони шиносномаҳои дипломатӣ мавриди амал қарор мегирад
Дар Давҳа масъалаи содироти меваю хушкмеваҳои Тоҷикистон ба Қатар баррасӣ гардид
Тоҷикистон ва Британияи Кабир татбиқи лоиҳаҳои муштаракро дар бахши маориф матраҳ намуданд
Тоҷикистон ва Туркманистон масъалаҳои мубрами ҳамкории дуҷонибаро баррасӣ намуданд
Муовини якуми Сарвазири Тоҷикистон дар ҷаласаи Шурои иқтисодии Иттиҳоди Давлатҳои Мустақил иштирок намуд
Ҳайати Тоҷикистон дар ҷаласаи Шурои машваратии роҳбарони мақомоти интихобот ва раъйпурсии кишварҳои иштирокдори ИДМ иштирок намуд
Тоҷикистон ва Малайзия танзими сафарҳои расмии сатҳи олиро баррасӣ намуданд
Покистон талошҳои Тоҷикистонро дар таҳкими сулҳу субот дар минтақа самарабахш арзёбӣ менамояд
Дар Ашқобод Истиқлоли давлатии Тоҷикистонро таҷлил намуданд
Сафири Тоҷикистон бо директори генералии Агентии танзимкунандаи фаъолияти хайриявии Қатар мулоқот намуд
Исматулло Насредин ва Дэн Ҷарвис масъалаҳои минтақавӣ ва ҳамкориро баррасӣ намуданд
