Шаҳрвандони Тоҷикистон аз Беларус ва Украина 10 июл ба Ватан баргардонида мешаванд

ДУШАНБЕ, 04.07.2020 /АМИТ «Ховар»/. Ба мақсади баргардонидани шаҳрвандони мамлакт тибқи дастури Ҳукумати Ҷумҳурии Тоҷикистон 10 июли 2020 танзими парвози махсуси ширкати ҳавопаймоии «Сомон Эйр» дар масири Душанбе-Минск-Душанбе ба нақша гирифта шудааст, хабар доданд ба АМИТ «Ховар» дар Вазорати корҳои хориҷии Ҷумҳурии Тоҷикистон.

Дар ин росто Вазорати корҳои хориҷии Тоҷикистон ба таваҷҷуҳи ҳамватанони муқими Беларус ва Украина мерасонад, ки ҷиҳати бақайдгирӣ ба намояндагиҳои дипломатии кишвар дар Беларус ва Украина метавонанд муроҷиат кунанд.

«Шаҳрвандони кишварҳои хориҷӣ имкон доранд, бо ҳавопаймои мазкур ба Минск парвоз намоянд», — таъкид намуданд дар Вазорати корҳои хориҷии Ҷумҳурии Тоҷикистон. 

Мушаххасоти сафоратҳои Ҷумҳурии Тоҷикистон барои шаҳравандони Тоҷикистон:

Сафорати Тоҷикистон дар Беларус 

Тел: +375 17 549 01 83

Е-mail: tajembminsk@mfa.tj

Сафорати Тоҷикистон дар Украина 

Тел: +380950162777

E-mail: tajembkyiv@mfa.tj