Сироҷиддин Муҳриддин дар нишасти видеоии сатҳи баланд дар қолаби С5+1 иштирок намуд
ДУШАНБЕ, 01.07.2020 /АМИТ «Ховар»/. 30 июн нишасти видеоии сатҳи баланд дар қолаби С5+1 бо иштироки вазирони корҳои хориҷии кишварҳои Осиёи Марказӣ ва Котиби давлатии ИМА баргузор гардид, ки дар он Вазири корҳои хориҷии Ҷумҳурии Тоҷикистон Сироҷиддин Муҳриддин иштирок намуд, хабар медиҳад АМИТ «Ховар» бо истинод ба ВКХ Ҷумҳурии Тоҷикистон.
Ҷонибҳо дар мулоқоти мазкур масъалаҳои мубориза бо бемории COVID-19, паёмадҳои он ба соҳаҳои тандурустӣ ва иқтисодӣ, талошҳои кишварҳо дар бартараф кардани он, устувории иқтисодӣ, густариши ҳамкориҳои минтақавӣ ва таъмини амнияти минтақавиро мавриди баррасӣ қарор доданд.
Вазири корҳои хориҷии Ҷумҳурии Тоҷикистон Сироҷиддин Муҳриддин иқдомҳои Ҳукумати кишвар барои коҳиши густариши COVID-19, нақши ҳамкориҳои минтақавӣ ва мусоидати шарикон дар ин равандро муҳим арзёбӣ намуда, андешидани тадбирҳоро ба мақсади пешгирии мавҷи эҳтимолии навбатӣ зимни тадриҷан сабук кардани низоми карантин пешниҳод кард.
Вазири корҳои хориҷии Ҷумҳурии Тоҷикистон таъкид намуд, ки гурӯҳҳои кории иқтисодӣ ва муҳитизистӣ дар қолаби С5+1 низ метавонанд дар бартараф кардани мушкилиҳои соҳаҳои хеш нақш дошта бошанд.
Ҷониби америкоӣ омодагиро барои истифодаи имкониятҳои худ ба мақсади рушди иқтисодии минтақаи Осиёи Марказӣ ва тавсеаи савдо изҳор дошт.
Иштирокдорон зарурати ҳамгироии иқтисодӣ ва тиҷоратии бештарро таъкид дошта, ба пешбурди ҳамкориҳо барои таҳкими амният дар минтақа даъват намуданд.
АКСҲО аз ВКХ ҶТ
Дар Миср ду китоб оид ба Тоҷикистон ба забони арабӣ ба нашр расид
Дар Душанбе машваратҳои сиёсӣ байни вазорати корҳои хориҷии Тоҷикистон ва Умон баргузор гардид
Сафири Тоҷикистон бо ҳамватанони бурунмарзии муқими Русия вохӯрӣ намуд
35-СОЛАГИИ ИСТИҚЛОЛИ ДАВЛАТӢ. Шаршараи Ниагара бо рангҳои Парчами давлатии Тоҷикистон фурӯзон мешавад
Сарвазири Тоҷикистон бо муовини Вазири корҳои хориҷии Салтанати Умон мулоқот намуд
Сафири Тоҷикистон дар Туркманистон бо директори Дафтари лоиҳавии Маркази минтақавии экологӣ барои Осиёи Марказӣ мулоқот намуд
Дар Теҳрон таҳти унвони «Робиаи Балхӣ: чеҳраи дурахшони назми аҳди Сомониён» ҳамоиши илмӣ доир гардид
Ҳайати Тоҷикистон дар Ҳафтаи ҷаҳонии оби Стокголм иштирок намуд
Сафири Тоҷикистон бо ноиби Президенти Корпоратсияи байналмилалии молиявии рушди Амрико мулоқот намуд
Дар Қоҳира бахшида ба 35-солагии Истиқлоли давлатии Тоҷикистон конфронс баргузор гардид
Сафири Тоҷикистон бо муовини Директори генералии Вазорати федералии иқтисод ва энергетикаи Олмон мулоқот намуд
Дар Москва дар мавзуи саҳми Абуалӣ ибни Сино дар ташаккули соҳаи тиб конфронси байналмилалии илмӣ доир шуд
