«Сомон Эйр» 9 ва 10 июл ба Дубай ва Минск парвозҳои махсус анҷом медиҳад

Июль 7, 2020 14:45

ДУШАНБЕ, 07.07.2020 /АМИТ «Ховар»/. Бо мақсади таҳвили шаҳрвандони Ҷумҳурии Тоҷикистон аз Амороти Муттаҳидаи Араб 9 июли соли равон  дар хатсайри Душанбе-Дубай-Душанбе парвози махсус анҷом дода мешавад. Шаҳрвандони Тоҷикистон, ки хоҳиши парвоз ба ватанро доранд, барои сабти ном бояд ба Сафорати Ҷумҳурии Тоҷикистон дар АМА муроҷиат намоянд. Дар ин бора аз Хадамоти матбуоти ширкати ҳавопаймоии «Сомон Эйр» ба АМИТ «Ховар» иттилоъ доданд.

Ҳамзамон шаҳрвандони Ҷумҳурии Тоҷикистон, ки азми сафар ба қаламрави Амороти Муттаҳидаи Арабро доранд, бо пешниҳоди ҳуҷҷатҳои иҷозатдиҳандаи вуруд (раводиди корӣ, ҷавоби мусбати барномаи электронии Permit ва ID-корти Emirates), инчунин маълумотномаи гирифтор набудан ба COVID-19, ки на бештар аз 72 соат пеш аз парвоз дода шудааст, имкон доранд аз Душанбе ба Дубай парвоз намоянд. Шаҳрвандони кишварҳои хориҷӣ, ки асноди зарурӣ барои воридшавӣ ва иҷозаи убури транизитиро тавассути қаламрави АМА доранд, ҳамчунин ба Дубай интиқол дода мешаванд. Вақти парвоз аз Душанбе 18:00 ва аз Дубай 21:45 ба вақти маҳаллӣ мебошад.

Инчунин, 10 июл бо мақсади таҳвили шаҳрвандони Ҷумҳурии Тоҷикистон аз Ҷумҳуриҳои Беларус ва Украина дар масири Душанбе-Минск-Душанбе парвози махсус (чартерӣ) сурат мегирад. Шаҳрвандони кишварҳои хориҷӣ, ки асноди заруриро барои воридшавӣ ва иҷозаи убури транизитиро тавассути қаламрави Ҷумҳурии Беларус доранд, имкони парвоз аз Душанбе ба Минскро хоҳанд дошт. Вақти парвоз аз Душанбе  07:00 ба вақти маҳаллӣ мебошад. Барои парвоз аз Минск ба Душанбе шаҳрвандони хоҳишманди Ҷумҳурии Тоҷикистон метавонанд ҷиҳати бақайдгирӣ ба намояндагиҳои дипломатии Тоҷикистон дар Беларус ва Украина муроҷиат намоянд

Шаҳрвандон метавонанд барои хариди чипта ва гирифтани маълумоти иловагӣ ба марказӣ маълумотдиҳии ширкат — 44 640 40 49, 44 640 40 50, call-center@somonair.com муроҷиат намоянд.

 

Июль 7, 2020 14:45

Хабарҳои дигари ин бахш

ИМРӮЗ-РӮЗИ АДВОКАТҲО. Асоси ислоҳоти ниҳоди адвокатураи Тоҷикистонро Паёми Президенти Тоҷикистон ба Маҷлиси Олӣ ташкил медиҳад
«МАКТАБИ СИЁСИИ ПЕШВОИ МИЛЛАТ». Дар Кӯлоб Конференсияи IV байналмилалии илмӣ-назариявӣ баргузор гардид
Кумакҳои Пешвои миллат ба зарардидагони офати табиӣ дар ноҳияҳои Нуробод ва Рашт расиданд
Дар Душанбе бо иштироки беш аз 10 ҳазор ҷавони гуногункасб Рӯзи ҷавонони Тоҷикистон бошукуҳ таҷлил шуд
Дар Озарбойҷон оид ба масъалаҳои оила, занон ва кӯдакон дар самти баробарии гендерӣ Ёддошти тафоҳум оид ба ҳамкорӣ ба имзо расид
23 МАЙ — РӮЗИ ҶАВОНОНИ ТОҶИКИСТОН. Дар Бадахшон ҷаласаи Шурои кор бо ҷавонон доир шуд
Бахшида ба Рӯзи ҷавонони Тоҷикистон ҳамоиши занону духтарони шаҳри Душанбе баргузор гардид
ОГОҲӢ. Дар Тоҷикистон 24-25 май боронҳои пуршиддат, сел, жола ва раъду барқ дар назар аст
«ШАРОРАИ ҶАВОНӢ». Бахшида ба Рӯзи ҷавонони Тоҷикистон барномаи фарҳангӣ-фароғатӣ баргузор мегардад
СОЛИ МАЪРИФАТИ ҲУҚУҚӢ. Оид ба нақшии калидии ташаккули маърифати ҳуқуқии шаҳрвандон дар давлати ҳуқуқбунёд ҳамоиш доир гардид
БА ТАЪСИСИ РӮЗИ ҶАВОНОНИ ТОҶИКИСТОН 27 СОЛ ПУР ШУД. Назарпурсӣ оид ба фаъолияти ҷавонон дар ҷавоб ба дастгириҳои Президенти Тоҷикистон ва Ҳукумати мамлакат
Президенти Тоҷикистон Эмомалӣ Раҳмон: «Ҷавонон умеду ояндаи давлат ва халқи Тоҷикистон мебошанд»