«Тоҷикматлубот»: дар Душанбе сохтмони сардхона бо ғунҷоиши 1000 тонна ба нақша гирифта шудааст

Июль 21, 2020 13:50

ДУШАНБЕ, 21.07.2020 /АМИТ «Ховар»/. Айни замон  ҷиҳати захира намудани маҳсулоти хӯрокворӣ барои давраи тирамоҳу зимистони солҳои 2020-2021 дар шаҳри Душанбе 4 адад анбори нигоҳдории молу  маҳсулот дар масоҳати 3120 м2 бо ғунҷоиши 2000 тонна навсозӣ карда шуда, барои захираи маҳсулот омода мебошанд. Ҳамчунин  сохтмони боз як адад сардхона дар шаҳри Душанбе  бо ғунҷоиши 1000 тонна ба нақша гирифта шудааст. Бо мақсади пешгирӣ аз болоравии нархи маводи озуқа дар бозори истеъмолӣ ва таъмини аҳолии пойтахт бо маҳсулоти тару тоза дар давраи пандемия аз ҷониби Раёсати Иттифоқи «Тоҷикматлубот» дар шаҳри Душанбе ярмаркаҳои фурӯши маҳсулоти кишоварзӣ мунтазам гузаронида мешаванд.

Дар ин бора имрӯз зимни нишасти матбуотии Раёсати Иттифоқи «Тоҷикматлубот»  ба рӯзноманигорон хабар дода шуд.

Дар нишаст Раиси  Иттифоқи «Тоҷикматлубот» Ҳусайн Идиев гуфт, ки  бинобар таъсири манфии пандемияи Ковид-19 ба тамоми соҳаҳои мамлакат, аз ҷумла ба фаъолияти  Раёсати Иттифоқи «Тоҷикматлубот» даромади умумии он дар шашмоҳаи аввали имсол ба 44,7 млн сомонӣ  расонида шуд, ки ин нишондиҳанда дар муқоиса ба ҳамин давраи соли гузашта 4,3 миллион кам мебошад.

Дар нишаст зикр шуд, ки ҷиҳати  иҷрои супориши Ҳукумати Ҷумҳурии Тоҷикистон оид ба тайёрӣ ба давраи тирамоҳу зимистони  солҳои 2020-2021   дар Раёсати мазкур ситод таъсис ёфта, корхонаҳои коркарди маҳсулот, фурӯшгоҳҳо, муассисаҳои хӯроки умумӣ ва анбори соҳа таъмиру тармим ва ба маъракаи дарпешистода омода карда мешаванд. Инчунин барои фаъолияти доимӣ дар фасли сармо таҷҳизот, зарфу қуттиҳо ва дигар асбобу анҷом омода ва муҳайё карда шуда, то 1 сентябри соли равон  пойгоҳи моддию техникӣ ва имкониятҳои иқтисодию молиявии соҳа  муайян карда мешаванд.

Масъулин иттилоъ доданд, ки  айни замон  дар соҳаи кооператсияи матлубот 3 адад сардхона фаъолият доранд. Аз ҷумла, дар шаҳри Исфара бо ғунҷоиши 350 тонна, дар ноҳияи Бобоҷон Ғафуров бо ғунҷоиши 250 тонна ва дар ноҳияи Фирдавсии шаҳри Душанбе бо ғунҷоиши 1500 тонна.

Дар нишаст зикр гардид, ки дар шашмоҳаи якуми соли равон бахшида ба ҷашни 30-солагии Истиқолияти давлатии Ҷумҳурии Тоҷикистон аз  ҳисоби маблағҳои соҳа дар сохтмону навсозии иншооти таъйиноти гуногун 6,6 млн. сомонӣ сарф гардид.

Бояд тазаккур дод, ки Иттифоқи «Тоҷикматлубот» ё кооператсияи матлуботи ҷумҳурӣ ба пешравию мустаҳкамшавии иқтисодиёти мамлакат заминаи мусоид мегузорад. Инчунин ниҳоди мазкур дар сохтори худ шабакаҳои васеи савдо, хӯроки умумӣ, маҳсулоттайёркунӣ, харид ва захира кардани маҳсулот, коркарди маҳсулоти кишоварзӣ, занбӯри асалпарварӣ, хоҷагиҳои ёрирасонро доро мебошад. Дар навбати худ ташкилоти соҳа тавассути савдои деҳот сокинони шаҳру ноҳияҳо ва минтақаҳои ҷумҳуриро бо молу маводи мавриди  ниёзи аввал таъмин менамоянд.

Июль 21, 2020 13:50

Хабарҳои дигари ин бахш

Хайринисо Идрисова: «Дастарӣ ба маблағи гранти президентӣ имкон дод, ки фаъолияти ҳунармандиямро васеъ намоям»
Панҷакент — яке аз аввалин шаҳрҳои Тоҷикистон, ки дар солҳои соҳибистиқлолӣ аз шаҳри аграрӣ ба саноативу аграрӣ табдил ёфт
Дар Душанбе оғози Даҳсолаи байналмилалии амал оид ба илмҳои яхшиносӣ (криосферӣ), солҳои 2025-2034 баррасӣ гардид
Дастовардҳои Тоҷикистон дар Форуми иқтисоди рақамии Созмони ҳамкории Шанхай-2025 муаррифӣ гардид
Дар ноҳияи Данғара корхонаи истеҳсоли маҳсулоти саноатӣ сохта мешавад
Имсол дар Бадахшон 45 корхонаву коргоҳҳои саноатӣ ба фаъолият оғоз намуд
Ҳайати Тоҷикистон дар ҷаласаи маҳдуди сатҳи вазирони иқтисоди СҲШ дар Чин иштирок намуд
Иттиҳоди Аврупо дар Тоҷикистон лоиҳаҳои соҳаи энергетикаро амалӣ менамояд
Дар Вазорати рушди иқтисод ва савдои Тоҷикистон татбиқи ташаббуси ҷаҳонии «Global Gateway» баррасӣ гардид
ДАРАИ АЛМОСӢ. Аз ҷониби ҷомеаи ҷаҳонӣ ҳамчун мавзеи беназири таърихии кишоварзӣ этироф гардид
Дараи Алмосии шаҳри Ҳисор расман ба феҳристи «Низоми мероси кишоварзии дорои аҳамияти ҷаҳонӣ» ворид карда шуд
Дар Бонки миллӣ бо ҳайати Дафтари Швейтсария оид ба ҳамкорӣ дар Ҷумҳурии Тоҷикистон вохӯрӣ доир гардид