Барои муассисаҳои хизматрасонӣ роҳнамо оид ба пешгирӣ аз сироятшавӣ ва паҳншавии COVID-19 таҳия гардид
ДУШАНБЕ, 21.07.2020 /АМИТ «Ховар»/. Дар давраи эълон гардидани пандемияи коронавирус дар ҳудуди мамлакат бо мақсади пешгирӣ аз паҳншавии ин бемории сироятӣ Агентии «Тоҷикстандарт» ҳуҷҷатҳои меъёрии «Роҳнамо барои фаъолияти нуқтаҳои хизматрасонӣ оид ба пешгирӣ аз сироятшавӣ ва паҳншавии бемории коронавирус (COVID-19)» ва «Роҳнамо барои фаъолияти кошонаҳои ҳусн ва сартарошхонаҳо оид ба пешгирӣ аз сироятшавӣ ва паҳншавии бемории коронавирус (COVID-19)»-ро таҳия намуд. Ҳуҷҷатҳои мазкур барои истифода дар нуқтаҳои хӯроки умумӣ, савдо ва дигар хизматрасониҳое, ки ҳамарӯза ба аҳолӣ расонида мешавад, татбиқ мегардад ва дар заминаи риояи қоидаҳои беҳдоштӣ тавсияҳои мушаххасро дар бар мегирад, ки барои фаъолияти бонизоми муассисаҳои хизматрасонӣ дар ин давра мусоидат менамояд. Дар ин бора 20 июл зимни нишасти матбуотӣ директори Агентии «Тоҷикстандарт» Қудрат Давлатзода ба намояндагони воситаҳои ахбори омма иттилоъ дод.
«Аз ҷониби мутахассисони Агентӣ бо мақсади ба роҳ мондани корҳои фаҳмондадиҳӣ оид ба пешгирӣ аз сироятёбӣ ва паҳншавии бемории коронавирус (COVID-19) ҳуҷҷатҳои меъёрии зикршуда бо теъдоди 10000 нусха ба нуқтаҳои савдою хизматрасонии ҳудуди шаҳри Душанбе дастрас карда шуданд», — афзуд Қудрат Давлатзода.
Дар нишаст таъкид гардид, ки иқдоми ба роҳ мондани корҳои фаҳмондадиҳӣ оид ба пешгирӣ аз сироятшавӣ ва паҳншавии бемории коронавирус (COVID-19) дар байни субъектҳои хоҷагидор аз ҷониби мутахассисони марказҳои вилоятию минтақавии Агентӣ амалӣ карда мешавад.
СОЛИ ОБОДОНИЮ БУНЁДКОРӢ. 100 хоҷагии деҳаи Зарнисор-1-и ноҳияи Рӯдакӣ бо оби тозаи ошомиданӣ таъмин гардид
Шаҳри Душанбе соҳиби Шоҳҷоизаи Озмуни ҷумҳуриявии «Бонувони муваффақи шаҳру ноҳияҳои Тоҷикистон» гардид
Таъмини шаҳри Душанбе бо барқ ва гармӣ дар меҳвари таваҷҷуҳи масъулин қарор дорад
Ҳамкории Агентии суғуртаи иҷтимоӣ ва нафақа бо Бонки ҷаҳонӣ тақвият меёбад
Тоҷикистон ва Бонки ҷаҳонӣ татбиқи лоиҳаи ҳифзи иҷтимоӣ ва ҳамгироии иқтисодиро баррасӣ намуданд
Дар шаҳри Гулистон Форуми IV минтақавии ҷавонони ҳавзаи дарёи Сир – 2026 доир гардид
Дар Хадамоти гумруки Тоҷикистон Рӯзи забони давлатӣ таҷлил гардид
Дар Кӯлоб барои тарбиятгирандагони мактаб-интернати №1 хобгоҳи нави замонавӣ ифтитоҳ гардид
Бахшида ба Рӯзи забони давлатӣ дар Вазорати меҳнат, муҳоҷират ва шуғли аҳолии Тоҷикистон ҳамоиш доир шуд
Сахидод Раҳматуллозода: «Ташкили дарсҳои маҷозӣ барои омӯхтани забони давлатӣ тавассути шабакаҳои иҷтимоӣ ба манфиати кор мебошад»
МАСЛИҲАТИ МУТАХАССИС. Гул, бӯй ва меваи дарахти санҷид фоидаовар аст
Ширкати «IRS» ба мавсими зимистон омодагии ҷиддӣ дидааст
