Дар Бадахшон ғаввосон наҷот додани ғарқшудагонро амалан машқ карданд
ДУШАНБЕ, 28.08.2020 /АМИТ «Ховар»/. Дар Вилояти Мухтори Кӯҳистони Бадахшон барои ғаввосон ва наҷотдиҳандагони Раёсати Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон дарси амалӣ дар об баргузор шуд. Дар ин бора аз Кумитаи ҳолатҳои фавқулода ва мудофиаи гражданӣ ба АМИТ «Ховар» хабар доданд.
Дар ҷараёни тамрин ҳамаи зинаҳои баргузории корҳои садамавию наҷот, аз ҷумла расидани наҷотдиҳандагон ба макони ҳодиса, пӯшидани сару либоси ғаввосӣ, вориди об шудан ва талош барои наҷоти ғарқшудаи шартӣ машқ карда шуд.
Дар тамрин истгоҳи хурди ғаввосии вокуниши сареъ истифода шуд. Ин истгоҳи хурд алоқаи дуҷониба бо ғаввосонро ҳангоми кор таъмин мекунад ва имкон медиҳад, ки дар мавриди рӯйдодҳои зери об иттилои сареъ ва дақиқро сари вақт дарёфт кунанд ва дар ҳоли пеш омадани ҳодисаи пешгӯинашаванда ба ғаввос ёрии амалӣ расонанд.
Ғаввосони КҲФ ҳамзамон иҷрои амалиёти зиёди муҳандисиву техникӣ, наҷотдиҳиву интиқолӣ ва ғайраро тамрин карда, омӯхтанд.
Имрӯз дар ноҳияҳои алоҳидаи кӯҳии Тоҷикистон борон меборад
Муассисаҳои таълимии ноҳияи Муъминобод ба зимистонгузаронӣ омода карда мешаванд
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
