Дар Донишгоҳи давлатии Хуҷанд таҷҳизоти безараркунандаи худкор ихтироъ карданд

Август 28, 2020 14:22

ДУШАНБЕ, 28.08.2020 /АМИТ «Ховар»/. Устодони Донишгоҳи давлатии Хуҷанд ба номи академик Бобоҷон Ғафуров таҷҳизоти безараркунандаи худкоре ихтироъ намуданд, ки ҷиҳати пурзӯр намудани тадбирҳои зиддиэпидемиявӣ ва таъмини риояи қоидаҳои беҳдоштӣ дар давраи мубориза бо бемории сироятии COVID-19 равона карда шудааст. Дар ин бора ба мухбири АМИТ «Ховар» аз маркази иттилоот ва таҳлили донишгоҳи мазур хабар  доданд.

Ихтирои мазкур аз ҷониби чор нафар устодони ҷавони факултет — Хушбахт Нуриллоев, Ихтиёр Сабуров, Аъзам Саидвалиев ва Қурбон Халилов пешниҳод гардидааст. Ин таҷҳизот аллакай дар факултети телекоммуникатсия ва технологияи иттилооти Донишгоҳи давлатии Хуҷанд ба номи академик Бобоҷон Ғафуров насб ва мавриди истифода қарор гирифтааст.

Таҷҳизот тоза намудани дастонро бо истифода аз маҳлули  безараргардонӣ (антисептик) ба таври худкор таъмин намуда, барои пешгирӣ аз гирифторӣ ба бемориҳои сироятӣ аҳамияти муфид дорад.

Дар назар аст, ки ин дастгоҳи безараргардонии худкор мукаммал гардонида шуда, минбаъд дар даромадгоҳҳои тамоми биноҳои таълимии донишгоҳ насб гардад.

Таҷҳизоти мазкур нахустин ихтироъ дар донишгоҳ маҳсуб меёбад, ки дар самти таъмини беҳдошти солимӣ дар давраи мубориза бо бемории сироятии коронавирус мавриди татбиқ ва истифода қарор гирифтааст.

Дар асоси дастуру супориши Ситоди донишгоҳӣ оид ба пурзӯр намудани тадбирҳои зиддиэпидемиявӣ ва пешгирӣ аз паҳншавии бемории сироятии коронавирус ҷиҳати ҳифз ва беҳдошти саломатии устодон ва донишҷӯён тадбирҳои муҳим ва зарурӣ роҳандозӣ шуда, биноҳои таълимӣ бо ҳамшираи шафқат,  дастгоҳи ҳароратсанҷи электронӣ, маҳлулҳои безараргардонӣ, хлор, спирт, собун, ниқоби муҳофизатӣ ва дастпӯшак таъмин мебошанд.

Август 28, 2020 14:22

Хабарҳои дигари ин бахш

ЧАРО МАЙДОНИ КИШТИ ПАХТАИ МАҲИННАХ КАМ МЕШАВАД? Шарҳи хабарнигори АМИТ «Ховар» дар ин мавзӯъ
Дар Боғи «Ғалаба»-и шаҳраки Ёвон бо баргузории намоиши идона ҷашни Меҳргон таҷлил шуд
Барои фаъолияти соҳибкорӣ ва ҷалби сармоя дар Тоҷикистон 109 имтиёзу сабукиҳо фароҳам оварда шудаанд
Неругоҳҳои барқи обии Тоҷикистон ба истеҳсоли барқ дар фасли зимистон пурра тайёранд
Вазири рушди иқтисод ва савдо масъалаҳои баланд бардоштани некӯаҳволии мардуми деҳотро баррасӣ намуд
СИТРУСПАРВАРӢ. Тоҷикистон дар оянда метавонад ҳар сол 18-20 ҳазор тонна лимӯ истеҳсол намояд
Дар Шуғнон коргоҳи хурди истеҳсолӣ ба истифода дода шуд
Масъалаи беҳтарнамоии фазои сармоягузорӣ дар соҳаи ТИК дар ҷаласаи Шӯрои машваратии назди Президенти Тоҷикистон баррасӣ шуд
ТАВСИЯИ МУТАХАССИС: Моҳи октябрро кишоварзон бояд самаранок истифода баранд
РӮЗИ ҶАҲОНИИ СТАНДАРТҲО. «Тоҷикстандарт» бозори истеъмолиро аз воридоти молу маҳсулоти пастсифат ва ба саломатии инсон хатарнок ҳимоя мекунад
Дар Суғд беш аз 68 ҳазору 888 тонна пахта ҷамъоварӣ гардид
ХБА тағйирёбии иқлимро таҳдиди ҷиддӣ ба рушди иқтисоди ҷаҳонӣ мешуморад