Намояндагони Тоҷикистон дар Форуми дипломатҳои ҷавони кишварҳои СҲИ ширкат хоҳанд кард
ДУШАНБЕ, 27.08.2020 /АМИТ «Ховар»/. Дар соли 2020 дипломатҳои ҷавони кишварҳои Созмони Ҳамкории Исломӣ (СҲИ) бори аввал ҳамоиши худро дар шакли онлайнии дар заминаи фазои интеллектуалии кории «100% Тотористон» баргузор мекунанд. Бино ба иттилои АМИТ «Ховар» бо истинод ба ТАСС, дар ин бора раиси Шӯрои дипломатҳои ҷавони Вазорати корҳои хориҷии Россия Константин Колпаков ба рӯзноманигорон иттилоъ додааст.
«Дар доираи ин лоиҳа («100% Тотористон» — шарҳи ТАСС) мо форуми навбатии дипломатҳои ҷавони кишварҳои СҲИ-ро баргузор менамоем ва бори нахуст он дар шакли онлайн сурат хоҳад гирифт. Иштироки худро дар он ҳамкорони мо аз як қатор кишварҳо, аз ҷумла Аморати Муттаҳидаи Араб, Алҷазоир, Туркманистон, Тоҷикистон, Қазоқистон ва дигар ҳамкасбон тасдиқ кардаанд. Муҳокимаи пленарӣ зери унвони «Ҳамкории байналмилалии минтақаҳои Россия бо кишварҳои СҲИ» баргузор мешавад. Ин ҳам барои дипломатҳои ҷавони касбии мо ва ҳам барои касоне, ки алоқаманди рӯзномаи байналмилалӣ мебошанд бисёр ҷолиб ва муфид хоҳад буд», — гуфт ӯ.
Мақомоти Тотористон дар рӯзи таҷлили садсолагии ҷумҳурӣ, дар шакли онлайн фазои интеллектуалии тиҷоратӣ ва платформаи коммуникатсиониро барои ҳамкорӣ бо шарикон ва коршиносони «100% Тотористон» ифтитоҳ менамоянд. Аз 30 август то 10 сентябр дар платформа гузаронидани баҳсҳои панелӣ, дарсҳои маҳорат ва маърӯзаҳо оид ба соҳаҳое, ки ҷумҳурӣ дар онҳо муваффақият ба даст овардааст ва таҷрибаи муваффақ дорад, ба нақша гирифта шудааст. Барномаи форум зиёда аз 300 ҷаласаро дар 21 самт, аз ҷумла индустрияи IT, маориф, тиб, кишоварзӣ, сайёҳӣ, иқтисоди даврӣ, сармоягузорӣ ва соҳибкорӣ, биотехнология ва ғайра дар бар мегирад. Дар доираи чорабинӣ муоширати сатҳи баланд ва мусоҳибаҳо бо коршиносон дар шакли онлайн сурат хоҳанд гирифт.
Агентии иттилоотии ТАСС ҳамчун шарики генралии фазои интеллектуалии тиҷоратии «100% Тотористон» баромад мекунад.
Соли 2019 Форуми дипломатҳои ҷавони Созмони Ҳамкории Исломӣ дар заминаи Ҳамоиши XI байналмилалии иқтисодии «Россия — Ҷаҳони Ислом: KazanSummit» доир гардид. Ташкилкунандаи ин чорабинӣ, ки дар он 35 нафар иштирокчӣ аз 21 кишвар ҷамъ омада буданд, Шӯрои дипломатҳои ҷавони Вазорати корҳои хориҷии Россия буд.
АКС аз бойгонӣ
Дар Туркманистон бахшида ба Рӯзи ҷавонони Тоҷикистон вохӯрӣ баргузор гардид
Сафири Тоҷикистон бо муовини Вазири корҳои хориҷии Лаҳистон мулоқот намуд
Ҳамкории мутақобили судманди Тоҷикистон бо Созмони байналмилалии ҳуқуқи рушд баррасӣ гардид
РАВАНДИ ОБИ ДУШАНБЕ. Дар Конфронси чоруми Душанбе се санади муҳими ҷамъбастӣ қабул карда мешаванд
Аҳднома оид ба ҳамҷавории неку абадӣ, дӯстӣ ва ҳамкорӣ байни Ҷумҳурии Тоҷикистон ва Ҷумҳурии Мардумии Чин ба имзо расид
РАВАНДИ ОБИ ДУШАНБЕ. Зиёда аз 110 ҳайати расмии давлатҳои аъзои СММ иштироки худро дар конфронс тасдиқ намуданд
Дастовардҳо ва иқтидори Тоҷикистон дар соҳаи зеҳни сунъӣ дар Амрико муаррифӣ гардид
Ҳамкории иқтисодию тиҷоратии Тоҷикистон ва Лаҳистон баррасӣ гардид
Сафири Тоҷикистон ба намояндагони расонаҳои Покистон оид ба ташаббусҳои байналмилалии мамлакат маълумот дод
Раиси Ҷумҳурии Мардумии Чин Си Ҷинпин: «Таҳти роҳбарии Эмомалӣ Раҳмон Тоҷикистон дар бунёди давлатдорӣ ба дастовардҳои назаррас ноил гардид»
Сафири Тоҷикистон бо вазири Девони амирии Давлати Кувайт шайх Ҳамад Ҷобир Ал-Алӣ Ас-Сабоҳ мулоқот намуд
Масоили муҳими ҳамкории дуҷонибаи Тоҷикистон ва Қатар дар соҳаҳои ҳифзи муҳити зист баррасӣ гардид
