«Спитамен Бонк» ба муштариён хизматрасонии нав пешниҳод намуд
ДУШАНБЕ, 21.08.2020 /АМИТ «Ховар»/. «Спитамен Бонк» хизматрасонии наверо, ки барои интиқоли маблағ аз Россия ба Тоҷикистон пешбинӣ шудааст, манзури муштариён гардонид.
Ҳадафи асосии хизматрасонӣ- ин дастгирии ҳамватанони дар Россия қарордошта, ки зуд-зуд аз хизматрасониҳои интиқоли маблағ истифода мебаранд, осон намудани кори муштариён ва сарфаи вақт мебошад.
“Дар ҷараёни таҳияи хизматрасонӣ, бо назардошти эҳтиёҷоти аҳолӣ ва таваҷҷуҳи бароҳатии мизоҷон, нақша дорем, ки хизматрасонии мазкурро яке аз ҷузъҳои барномаи SpitamenPay гардонем»,- мегӯяд сардори департаменти технологияҳои иттилоотии «Бонки Эсхата» Азиз Ҷумаалиев. Барои пур кардани кортҳои «Спитамен Бонк» ҳатто аз хона баромадан, зеркунии барномаҳо ва номнависшавӣ низ лозим нест. Танҳо доштани яке аз кортҳои VISA, Master Card ё Мир- и Федератсияи Россия кофист.
Интиқоли маблағро аз ҳама кортҳои русӣ ба кортҳои Тоҷикистон метавон дар сомонаи c2c.spitamen.com (сайт инчунин барои телефонҳои мобилӣ низ мутобиқ карда шудааст) тавассути рақами телефони қабулкунанда ба анҷом расонид.
Интиқол бо рубли русӣ бо мубодилаи минбаъда ба пули миллии сомонӣ, дар вақти воқеӣ амалӣ мегардад. Ҳадди ниҳоии интиқоли яккарата 27 000 рубли русиро ташкил дода, дар шумораи интиқолҳо маҳдудият нест.
Дар Остона Конфронси байналмилалии иқтисодии Фонди авруосиёии субот ва рушд баргузор гардид
ҚУРБИ АСЪОР: 1 доллари ИМА аз 9.1500 то 9.2174 сомонӣ муқаррар шудааст
Тоҷикистон ва Бонки аврупоии таҷдид ва рушд ҳамкориро дар самти таҳкими низоми молиявию бонкӣ густариш медиҳанд
Дар Душанбе оид ба ташхиси макроиқтисодӣ ҳамоиш баргузор шуд
Намояндаи Тоҷикистон дар ҳамоиши минтақавии Бонки осиёии сармоягузориҳои инфрасохторӣ иштирок намуд
Маттео Патроне: «Бонки аврупоии таҷдид ва рушд дар Тоҷикистон лоиҳаҳои гуногунро дар соҳаи энергетика ва бахши хусусӣ амалӣ менамояд»
Президенти Ҷумҳурии Тоҷикистон Эмомалӣ Раҳмон бо Ноиби Президенти Бонки аврупоии таҷдид ва рушд Маттео Патроне мулоқот намуданд
Рушди инфрасохтори пардохтӣ дар вохӯрии минтақавии роҳбарияти бонкҳои миллии кишварҳои Осиёи Марказӣ ва Озарбойҷон баррасӣ шуд
