Вохӯрии фосилавии давлатҳои иштирокчии Намоишгоҳи байналмилалии «EXPO-2020 DUBAI» доир шуд
ДУШАНБЕ, 27.08.2020/АМИТ «Ховар»/. Дар вохӯрии намояндагони кишварҳои иштироккунандаи «EXPO-2020 DUBAI», ки ба таври фосилавӣ зарфи чор рӯз — аз 24 то 27 август идома ёфт, 500 нафар намояндагони 180 давлати ҷаҳон ширкат намуданд, ки он як навъ нуқтаи назоратӣ барои ташкилкунандагони бузургтарин лоиҳаи намоишгоҳи «EXPO-2020 DUBAI» дар ҷаҳон мебошад.
Дар 5-умин вохӯрии фосилавии иштирокчиёни байналмилалии «EXPO-2020» Вазири корҳои хориҷии Аморати Муттаҳидаи Араб /АМА/ Шайх Абдулло бин Зайд Ал Наҳаён, котиби генералии Бюрои байналмилалии намоишҳо Дмитрий Керкентзес, инчунин Вазири таҳаммул ва хамзистии АМА, Комиссари генералии «EXPO 2020» Дубай, Президенти Департаменти авиатсияи граждании Амороти Дубай, Раиси Фурудгоҳи Дубай, директори иҷроия ва президенти «The Emirates Group», Раиси Олии кумитаи «EXPO 2020» Дубай, Вазири Давлатӣ оид ба ҳамкории байналмилалии АМА, Директори генералии «EXPO 2020» Дубай ва дигар намояндагони баландпояи АМА иштирок ва сухан карданд.
Ҳамзамон дар ин вохӯрӣ Раиси палатаи савдо ва саноати Ҷумҳурии Тоҷикистон, Комиссари генералии экспозитсияи Ҷумҳурии Тоҷикистон дар Намоишгоҳи байналмиллалии «EXPO 2020» Ҷамшед Ҷумъахонзода иштирок намуд.
Ин мулоқот яке аз марҳилаҳои асосӣ оид ба омодагӣ ба гузаронидани Намоишгоҳи байналмилалии «EXPO 2020 DUBAI» маҳсуб меёбад.
Дар вохӯрӣ иштирокчиёни байналмилалии Намоишгоҳи «EXPO-2020» масъалаҳои сохтмон ва иҷораи павилйонҳо, таҷҳиз ва ҷобаҷогузории нигораҳои намоишгоҳ, навсозии сомонаҳо ва асоси кори онҳо, амният, бақайдгирии кормандон ва меҳмонон, идоракунии павилйонҳо, барномаҳои фарҳангӣ ва тиҷоратӣ, гузаронидани Рӯзҳои миллӣ, фаъолияти гӯшаҳои тиҷоратӣ, гузаронидани намоишгоҳҳои виртуалӣ, масъалаҳои вобаста ба такдими туҳфаҳои хотиравӣ ва армуғонҳо, муарифии хӯрокҳои миллӣ, нӯшокиҳо ва дигар масъалаҳои ташкилиро матраҳ намуданд.
ЧАРО НАРХИ СӮЗИШВОРӢ ДАР ТОҶИКИСТОН БОЛО РАФТ? Хабарннигори АМИТ «Ховар» бо ин савол ба Хадамоти зиддиинҳисорӣ муроҷиат намуд
16 ОКТЯБР — РӮЗИ ҶАҲОНИИ ҒИЗО. Таъмини амнияти озуқаворӣ аз ҷумлаи ҳадафҳои афзалиятноки стратегии Тоҷикистон ба ҳисоб меравад
Томас Ҷордан ба иқдомҳои Бонки миллии Тоҷикистон дар шароити душвори иқтисоди ҷаҳонӣ баҳои баланд дод
Тоҷикистон дар самти муосиргардонии хизматрасонӣ ба соҳибкорону сармоягузорон муваффақ аст
Гардиши савдои хориҷии Тоҷикистон бо кишварҳои СҲШ 59 фоизро ташкил дод
Доктори илмҳои кишоварзӣ Нуралӣ Асозода: «Меҳргони аҷдодӣ тавонист аз гузаштаҳои дур то имрӯз эътибору манзалати иҷтимоии хешро ҳифз намояд»
Президенти Тоҷикистон: Меҳргон пайванди моро бо решаҳои бостонии миллиамон тақвият бахшид
МЕҲРГОН — МЕРОСИ МАЪНАВИИ НИЁГОН. Дар ноҳияи Рӯшон ҷашни аҷдодӣ бо шукӯҳу шаҳомати хосса таҷлил гардид
Дар Турсунзода бахшида ба Рӯзи соҳибкор ҳамоиш баргузор шуд
Дар Душанбе таҳти унвони «Ҷалби диаспораҳои тоҷикон ва ҳамватанони бурунмарзӣ баҳри рушди кишвар дар давраи баъд аз COVID – 19» конференсияи миллӣ доир гардид
Тоҷикистон ва Туркия ҳаҷми гардиши савдоро ба 1 миллиард $ мерасонанд
ТАЪМИНОТИ БАРҚ МАҲДУД НАШУДААСТ. Шарҳи маркази матбуоти «Барқи тоҷик»
