Ҷамшед Нурмаҳмадзода: «Низоми бонкии мамлакат ҳамқадами Истиқлолияти давлатии Тоҷикистон пеш меравад»

Сентябрь 8, 2020 11:16

ДУШАНБЕ, 08.09.2020. /АМИТ «Ховар»/. Қадрдонии роҳбарият ва кормандони Бонки миллии Тоҷикистон дар арафаи 29-умин солгарди Истиқлолияти давлатии Ҷумҳурии Тоҷикистон бо мукофотҳои давлатӣ аз таваҷҷуҳи пайвастаи роҳбарияти Давлату Ҳукумат, махсусан Президенти Ҷумҳурии Тоҷикистон муҳтарам Эмомалӣ Раҳмон шаҳодат медиҳад.

Ин нуктаро Раиси Бонки миллии Тоҷикистон Ҷамшед Нурмаҳмазода дар ҷамъомаде, ки  бахшида ба таҷлили 29-умин солгарди Истиқлолияти давлатии Ҷумҳурии Тоҷикистон дар Бонки миллии Тоҷикистон доир гардид, зикр намуд.

Дар ҷамъомад ба муносибати 29-умин солгарди Истиқлолияти давлатӣ  ва меҳнати софдилонаю пурсамари  тӯлонӣ, саҳми арзанда гузоштан дар рушду инкишофи низоми бонкӣ 8 нафар кормандони фаъоли Бонки миллии Тоҷикистон ва шуъбаҳои минтақавии он бо нишони сарисинагии «Аълочии Бонки миллии Тоҷикистон» ва 14 нафар бо Ифтихорномаи Бонки миллии Тоҷикистон сарфароз гардонида шуданд.

Ҷамшед Нурмаҳмадзода ҳайати кормандони Бонки миллии Тоҷикистонро бо 29 –умин  солгарди ҷашни Истиқлолияти давлатии Ҷумҳурии Тоҷикистон табрик намуда, зикр кард, ки  Истиқлолияти давлатии Ҷумҳурии Тоҷикистон барои мардуми мамлакат арзиши олӣ ба шумор меравад ва дар баробари дигар муқаддасоти миллӣ мақом ва манзалати хосса дорад. Зеро маҳз ба шарофати он давлати моро   ҷомеаи ҷаҳонӣ шинохт ва Тоҷикистон узви комилҳуқуқи созмонҳои бонуфузи байналмилалӣ гардид. “Бузургтарини дастовардҳои ҷумҳурӣ дар даврони истиқлолият барои мардуми тоҷик давлатсозӣ ва давлатдории муосири миллӣ, таъмини сулҳу суботи комил ва пойдории ваҳдати миллӣ, рушди устувори иқтисодиву иҷтимоӣ, таҳкими худшиносиву худогоҳӣ, болоравии ҳисси ватандӯстиву ватандорист. Ин ҳама бо азму ирода ва заҳматҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба амал  омад. Соли 2020 дар таърихи мамлакат ҳамчун соли рӯйдодҳои муҳими сиёсӣ сабт хоҳад шуд, зеро 11  октябр интихоботи Президенти Ҷумҳурии Тоҷикистон баргузор мегардад. Аз ин рӯ ҳар кадоми мо вазифадорем, ки ба хотири фардои дурахшони Тоҷикистон дар ин маъракаи муҳими сиёсӣ фаъолона ва огоҳона ширкат варзида,  онро дар рӯҳияи баланди ватандӯстиву муттаҳидӣ ва бо риояи меъёрҳои байналмилалӣ баргузор намоем», — изҳор дошт РаиситБонки миллӣ.

Ҷамшед Нурмаҳмадзода ҳамзамон тазаккур дод, ки низоми бонкии мамлакат ҳамқадами Истиқлолият пеш меравад ва бо вуҷуди душвориҳо вобаста ба вазъи буҳронии замони муосир ба дастовардҳои назаррас ноил мегардад.

«Мардуми меҳнатқарини мо зери роҳбарии хирадмандонаи Пешвои муаззами миллат тавонист 29-солагии Истиқлолияти  давлатиро дар ҳамаи соҳаҳои ҳаёти ҷомеа бо дастовардҳои намоён истиқбол менамояд. Айни замон  мо ҳама шоҳидем, ки чор ҳадафи стратегии мамлакат – раҳоӣ  аз бунбасти коммуникатсионӣ, таъмини амнияти озуқаворӣ, таъмини истиқлолияти энергетикӣ ва саноатикунонии босуръати мамлакат  бо роҳбариву раҳнамоии Пешвои миллат амалӣ шуда истодаанд ва вазифаи ҷомеаи шаҳрвандии мо ҳамчунин иштироки фаъолона дар иҷрои муваффақонаи ин ҳадафҳои стратегӣ мебошад»,- гуфт Ҷамшед Нурмаҳмадзода.

Сентябрь 8, 2020 11:16

Хабарҳои дигари ин бахш

«Электроторгмаш»-и Украина пешниҳод намуд, ки дар Суғд Маркази барқу гармидиҳӣ созад
Пахтакорони Турсунзода то имрӯз зиёда аз 1000 тонна пахта ҷамъоварӣ намудаанд
ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Соҳибкорони шаҳри Левакант 11 километр роҳро навсозӣ ва мумфарш намуданд
Вазирони молияи кишварҳои узви Бонки ҷаҳонӣ масъалаи сармоягузорӣ ба захираҳои инсониро баррасӣ намуданд
ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Дар Ҳисор 375 иншооти ҷашнӣ мавриди истифода қарор гирифтанд
ИМРӮЗ – РӮЗИ КИШОВАРЗОН. Беш аз 60 фисади аҳолии Тоҷикистон ба ин соҳа машғул буда, дар таъмини амнияти озуқаворӣ саҳми босазо мегузоранд
Пешвои миллат Эмомалӣ Раҳмон бинои 10-ошёнаи истиқоматиро бо коргоҳи дӯзандагӣ ва маркази савдою хизматрасонӣ дар шаҳри Ваҳдат ифтитоҳ намуданд
ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Дар Ёвон бо дарозии 64 метр ва иқтидори 80 тонна пули дорои аҳамияти стратегӣ ба истифода дода мешавад
СММ ҷиҳати беҳбуди зерсохтори нақлиёти автомобилии Тоҷикистон кумак мекунад
ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Дар Парки миллии мамлакат, воқеъ дар ноҳияи Сангвор 102 иншоот бунёд мешаванд
Кишоварзони Левакант 2411,2 тонна пахта ҷамъоварӣ намуданд
Пагоҳ «Сомон Эйр» дар масири Душанбе-Истанбул парвозҳои мунтазам оғоз менамояд