Дар қисми низомии Гвардияи миллӣ дар шаҳри Бӯстон ҳамоиш доир шуд
ДУШАНБЕ, 03.09.2020 /АМИТ «Ховар»/. Имрӯз ба ифтихори 25-солагии Гвардияи миллии Ҷумҳурии Тоҷикистон дар қисми низомии Гвардияи миллии шаҳри Бӯстон ҳамоиш доир шуд. Дар он муовини Раиси вилояти Суғд Баҳоваддин Баҳодурзода, сардорони мақомоти ҳифзи ҳуқуқ ва сохторҳои қудратии вилоят ва раиси шаҳри Бӯстон Раъно Ҳошимзода иштирок намуданд. Дар ин бора аз Хадамоти матбуоти Раиси вилояти Суғд ба АМИТ «Ховар» иттилоъ доданд.
Муовини Раиси вилояти Суғд Баҳоваддин Баҳодурзода номаи табрикии Раиси вилоят Раҷаббой Аҳмадзодаро ба ифтихори 25-солагии Рӯзи Гвардияи миллии Ҷумҳурии Тоҷикистон ба самъи сарбозону афсарон расонида, ба онҳо хизмати хубу бобарор таманно намуд.
Раиси шаҳри Бӯстон Раъно Ҳошимзода низ хизматчиёни ин ниҳодро бо ҷашни касбияшон таҳният гуфта, ба як гурӯҳ сарбозону афсарони пешсаф туҳфа ва сипосномаҳои Раиси вилоятро тақдим намуд.
Ёдовар мешавем, ки 3 сентябри соли 2020 аз таъсиси Гвардияи миллии Ҷумҳурии Тоҷикистон 25 сол сипарӣ гардид. Ин сохтори низомӣ зодаи даврони Истиқлол буда, ташкил ва такмили он бевосита бо дастгирии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо марҳилаҳои мустаҳкамшавии Истиқлолияти давлатии Ҷумҳурии Тоҷикистон робитаи ногусастанӣ дорад.
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар Донишгоҳи давлатии молия ва иқтисод нишасти матбуотӣ доир мегардад
Дар шаҳри Душанбе шумораи электробусҳо қариб ба 200 адад мерасад
Имрӯз дар доманакӯҳҳо ҳаво то 38 дараҷа гарм мешавад
НИШАСТИ МАТБУОТӢ. Дар шаҳру ноҳияҳои минтақаи Кӯлоб нақшаи қисми даромади буҷети маҳаллӣ 109 фоиз таъмин гардид
ОГОҲӢ! Дар Тоҷикистон баландшавии ҳарорати ҳаво пешгӯӣ мешавад
НИШАСТИ МАТБУОТӢ. Барои вайрон намудани муҳити зист нисбат ба 1972 нафар санади маъмурӣ тартиб дода шуд
Тарзи амали маҷмуӣ: чӣ тавр МегаФон Тоҷикистон шабакаро инкишоф медиҳад
Дар Тоҷикистон шумораи занони соҳибкор афзудааст
