Дар Маҷлиси намояндагон конференсияи онлайнии Гурӯҳи дӯстӣ ва ҳамкорӣ баргузор гардид

Сентябрь 15, 2020 14:30

ДУШАНБЕ, 15.09.2020 /АМИТ «Ховар»/. Имрӯз конференсияи онлайнии Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо ҳамтоёнашон аз  Палатаи қонунгузории Олий Маҷлиси Ҷумҳурии Ӯзбекистон баргузор гардид. Дар ин бора котиби матбуоти Маҷлиси намояндагон Муҳаммадато Султонов ба хабарнигори АМИТ «Ховар» София Шоик иттилоъ дод.

Дар мулоқоти маҷозӣ тарафҳо доир ба равобити мутақобилан судманди Тоҷикистон ва Ӯзбекистон суҳбат намуда, зикр карданд, ки муносибатҳои ду давлати ба ҳам дӯст дар марҳилаи навин аз рушди иқтисоду тиҷорат то шарикии стратегӣ расида, дар беҳтар гардидани сатҳи муносибатҳои тарафайн ва зиндагии шоистаи мардумони кишварҳо нақши созгор гузоштаанд.

Муовини Раиси Палатаи қонунгузории Олий Маҷлиси Ҷумҳурии Ӯзбекистон Улуғбек Иноятов ва ҳамзамон роҳбари Гурӯҳи дӯстии парламенти Ӯзбекистон аз ҳамкории давлатҳои Ӯзбекистон ва  Тоҷикистон дар марҳилаи навин ситоиш намуда, зикр кард, ки “ин шакли муносибат аз мо, вакилони мардумӣ тақозо менамояд дар раванди кори худ ба дӯстии давлатҳоямон равнақ бахшем”.

Муовини Раиси Маҷлиси намояндагони Маҷлиси Олии Ҷумҳурии Тоҷикистон ва роҳбари Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Палатаи қонунгузории Олий Маҷлиси Ҷумҳурии Ӯзбекистон Дилрабо Мансурӣ изҳор намуд, ки “рушди муносибатҳои тарафайн аз муносибатҳои неку дурбинонаи Сарварони ду давлати ба ҳам дӯст- Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Ӯзбекистон Шавкат Мирзиёев сарчашма гирифта, дар тамоми самтҳои муносибатҳои давлатдориямон дастовардҳо ба бор овардааст”.

Мавсуф таъкид намуд, ки “мо ба муносибатҳои неки ҳамсоядориямон ҳамеша арҷ гузошта, талош менамоем ба таҳкими муносибатҳои байнидавлатӣ мусоидат намоем”.

Ҳамзамон доир ба табодули таҷрибаи тарафайн дар рушди қонунгузорӣ ва парламентаризм суҳбатҳо доир гардид.

Сентябрь 15, 2020 14:30

Хабарҳои дигари ин бахш

Маҳмадтоир Зокирзода бо Акмал Саидов мулоқот намуд
Аъзои Шӯрои Маҷлиси намояндагон масъалаи нақшаи ҳудудии МОИ-и «Кўлоб»-ро баррасӣ намуданд
Дар Душанбе ҷаласаи кории назди Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ доир гардид
НАМУНАИ ИБРАТ. Вакили Маҷлиси намояндагон Ҳаёт Одинаев ба тарбиятгирандагони №3-и ноҳияи Восеъ кумак намуд
Парлумони Тоҷикистон бо парлумонҳои Осиё ва Аврупо гурӯҳҳои дӯстӣ таъсис дод
Вакилони Маҷлиси намояндагони Маҷлиси Олии Ҷумҳурии Тоҷикистон ба кори худ шурӯъ намуданд
Дар Душанбе ҷаласаи Шӯрои Маҷлиси намояндагон баргузор гардид
Маҳмадтоҳир Зокирзода бо Сафири Ҳиндустон дар Тоҷикистон мулоқот намуд
Дар Душанбе ҷаласаи дуюми якҷояи Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон, даъвати шашум баргузор гардид. Гузориши АМИТ «Ховар»
Рӯзи Интихоботи Президенти Ҷумҳурии Тоҷикистон таъин карда шуд
Дар Душанбе иҷлосияи сеюми Маҷлиси миллии Маҷлиси Олии Ҷумҳурии Тоҷикистон, даъвати шашум баргузор гардид
Ҷаласаи Шўрои Маҷлиси миллии Маҷлиси Олии Ҷумҳурии Тоҷикистон, даъвати шашум баргузор гардид