Дар Рӯшон неругоҳи хурди барқии «Хатфат» ба истифода дода мешавад

Сентябрь 11, 2020 09:41

ХОРУҒ, 11.09.2020 /АМИТ «Ховар»/. Пас аз ду ҳафта дар деҳаи Рошорви Ҷамоати деҳоти Савноби ноҳияи Рӯшони Вилояти Мухтори Кӯҳистони Бадахшон неругоҳи хурди барқии «Хатфат» бо тавоноии 450 киловатт/соат мавриди баҳрабардорӣ қарор мегирад ва сокинони он бо нерӯи барқ таъмин мешаванд. Деҳаи Рошворв дар баландии беш аз 3 ҳазор метр аз сатҳи баҳр ҷойгир буда, назар ба дигар деҳоти вилоят фасли  зимистон дар ин деҳа зудтар фаро мерасад. Дар ин ҷо 193 хонавода зиндагӣ мекунанд.

Ба гуфтаи раиси Ҷамоати деҳоти Савноб Малабек Малабеков, «дар деҳаи Рошорв то солҳои 90-уми асри гузашта неругоҳҳои хурди барқӣ бо иқтидори аз 2 то 5 киловатт/соат вуҷуд доштанд, аммо баъдан ин неругоҳҳо бо сабаби истифодаи зиёд фарсуда шуда, аз кор монданд. Соли 2000-ум сокинони деҳа барои ҳалли ин мушкил ба Пешвои миллат муроҷиат намуданд ва худи ҳамон сол бо дастури Сарвари давлат дар марҳилаи аввал ҳамаи сокинони деҳа бо батарейкаҳои офтобӣ ройгон таъмин гардиданд. Ҳамзамон мутахассисони Вазорати энергетика ва захираҳои оби Ҷумҳурии Тоҷикистон бо мақсади бунёди неругоҳи хурди барқӣ ба омӯзиши захираҳои обии рӯдхонаҳои кӯҳӣ, тарҳи канали обгузар ва макони ҷойгиркунии агрегатҳо машғул шуданд. Баъди омӯзишу таҳқиқоти ҳамаҷониба як сол пеш таҳкурсии неругоҳи хурди барқии «Хатфат» гузошта шуд».

Бунёди ин неругоҳро Ҷамъияти масъулияташ маҳдуди «Мадад» ба уҳда гирифтааст. Сардори ҷамъияти мазкур Иван Ҳайдармамадов гуфт, ки  сохтмони неругоҳ пурра аз тарафи ширкати «Помирэнерҷӣ» маблағгузорӣ мешавад ва лоиҳаи бунёди сарбанд, ҳавзи танзими об, канали обпарто дар масофаи як километр, васли қубурҳои қутраш 700 мм, васлу насби агрегат ва хатҳои барқиро низ муҳандисони маҳаллӣ амалӣ месозанд. Айни ҳол тамоми ин корҳо ба итимом расида, баъди анҷоми баъзе корҳои ҷузъӣ неругоҳи барқии «Хатфат» ба тавлиди неруи барқ оғоз мекунад.

Ҳоло сокинони деҳаи Рошорв бо  хати барқ таъмин шудаанд. То моҳи декабри имсол зиёда аз 300 хонаводаи деҳоти атроф низ ба ин неругоҳ пайваст мешаванд.

Сентябрь 11, 2020 09:41

Хабарҳои дигари ин бахш

Бо волонтёрони участкаҳои ҳавзаи №3-и ноҳияи Шоҳмансур мулоқот доир гардид
ИМРӮЗ ВА ПАГОҲ ДАР ТОҶИКИСТОН ҲАВО ЯКБОРА САРД МЕШАВАД. Дар ин бора ба АМИТ «Ховар» аз Агентии обуҳавошиносии мамлакат хабар доданд
ОБ ЗАХИРА НАМОЕД! Аз рӯи ҷадвал дар баъзе шаҳраку маҳаллаҳои Душанбе интиқоли оби нӯшоки қатъ мегардад
«Асолати давлатдорӣ», «Интихобот ҳокимияти халқро дар идоракунии давлат таъмин месозад»,- шарҳи матбуоти даврии Тоҷикистон
Паҳлавонони тоҷик ба мусобиқаи Тоскулоҳи бузурги Венгрия омодагӣ мебинанд
ОБУ ҲАВО: Имрӯз дар Тоҷикистон ҳаво камабр ва тағйирёбанда шуда, ҳарорат дар вилояти Суғд ба 16+21 дараҷа мерасад
Дар Донишгоҳи омӯзгории Тоҷикистон доир ба баланд бардоштани ҳувияти миллӣ ҳамоиш доир шуд
ОБУ ҲАВО: Имрӯз дар Тоҷикистон ҳавои камабр ва тағйирёбанда дар назар аст
Дар Бохтар масъалаи пешгирии ҳуқуқвайронкунии ноболиғон ва ҷавононро баррасӣ карданд
ОБУ ҲАВО: Имрӯз дар Тоҷикистон ҳаво тағйирёбанда шуда, бориши нисбатан сусти марҳилавӣ дар назар аст
Дар Бадахшон барқарорсозии 17 адад пул ба нақша гирифта шудааст
Муҳриддин Низомӣ: Забони тоҷикӣ нуфузу шуҳрати Тоҷикистонро дар арсаи байналмилалӣ баланд мебардорад