Дар Тоҷикистон ба кормандоне, ки ба корҳои дорои хусусияти сайёр ва усули вахтавӣ машғуланд, иловапулӣ пардохта мешавад

Сентябрь 4, 2020 09:05

ДУШАНБЕ, 04.09.2020 /АМИТ «Ховар»/. Минбаъд дар Тоҷикистон ба кормандоне, ки ба корҳои дорои хусусияти сайёр ва усули вахтавӣ дар сохтмон, саноати коркарди маъданҳои кӯҳӣ ва металҳои қиматбаҳо,  ангишт, истеҳсоли барқ, коркард ва истеҳсоли нафту газ, алоқа, хоҷагии ҷангалу об, нақлиёти автомобилию  роҳи оҳан, роҳҳои мошингард ва иншооти он, корҳои кофтуковӣ, иктишофи геологӣ, топографӣ-геодезӣ ва харитасозӣ, экспедитсияҳои илмӣ, инчунин ҳамлу нақли нафту газ, корҳои доимӣ дар роҳ, кор берун аз ҷои истиқомати доимӣ ва корҳои дигари ҳаммонанд машғул мебошанд, иловапулӣ пардохт карда мешавад. Дар ин хусус Қарори Ҳукумати Ҷумҳурии Тоҷикистон аз 27 августи соли 2020 «Дар бораи шароит, тартиб ва андозаи пардохти иловапулӣ барои корҳои дорои хусусияти сайёр ва усули вахтавӣ» ба тасвиб расид.

Дар қарори мазкур омадааст, ки «иловапулӣ барои корҳои дорои хусусияти сайёр ба кормандон бо мақсади ҷуброни хароҷоти афзоянда вобаста  ба ҳар замон кӯчонидани ташкилот ё ҷудо будани кормандон аз ҷои зист муқаррар карда мешавад».

«Агар ба корманд берун аз макони истеҳсолӣ хонаи истиқоматӣ дода нашавад ва ӯ имкони ҳар рӯз  ба ҷои истиқоматии доимӣ баргаштан надошта бошад, хароҷоти кирояи манзил мувофиқи меъёрҳои муқаррарнамудаи санадҳои меъёрии ҳуқуқӣ оид ба ҷуброни хароҷот ҳангоми сафари хизматӣ ҷуброн карда мешавад»,-омадааст дар санади мазкур.

Дар қарори зикршуда омадааст, ки «барои кори доимӣ дар роҳ иловапулӣ барои он коре муқаррар карда мешавад, ки  тибқи ҷадвалҳои махсус амалӣ мегардад ва вақти истироҳатии роҳи сафарро низ пешбинӣ менамояд».

Иловапулии мазкур ба кормандон дар ҷойи иҷрои кор пардохт карда мешавад. Иловапулӣ барои корҳое, ки дорои хусусияти сайёр ва усули вахтавӣ мебошанд, мумкин аст ба тариқи кортҳои бонкӣ пардохт карда шавад. Барои чунин хизматрасонӣ аз корманд маблағ ситонида намешавад.

Сентябрь 4, 2020 09:05

Хабарҳои дигари ин бахш

«Электроторгмаш»-и Украина пешниҳод намуд, ки дар Суғд Маркази барқу гармидиҳӣ созад
Пахтакорони Турсунзода то имрӯз зиёда аз 1000 тонна пахта ҷамъоварӣ намудаанд
Вазирони молияи кишварҳои узви Бонки ҷаҳонӣ масъалаи сармоягузорӣ ба захираҳои инсониро баррасӣ намуданд
ИМРӮЗ – РӮЗИ КИШОВАРЗОН. Беш аз 60 фисади аҳолии Тоҷикистон ба ин соҳа машғул буда, дар таъмини амнияти озуқаворӣ саҳми босазо мегузоранд
ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Дар Ёвон бо дарозии 64 метр ва иқтидори 80 тонна пули дорои аҳамияти стратегӣ ба истифода дода мешавад
СММ ҷиҳати беҳбуди зерсохтори нақлиёти автомобилии Тоҷикистон кумак мекунад
ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Дар Парки миллии мамлакат, воқеъ дар ноҳияи Сангвор 102 иншоот бунёд мешаванд
Кишоварзони Левакант 2411,2 тонна пахта ҷамъоварӣ намуданд
Пагоҳ «Сомон Эйр» дар масири Душанбе-Истанбул парвозҳои мунтазам оғоз менамояд
Тоҷикистон бо Чин ва Туркия парвозҳои мустақим барқарор менамояд
Панҷакенти бостонӣ имкон дорад дар як сол то 200 ҳазор сайёҳ қабул намояд,- бардошт аз ҳамоиши ҷумҳуриявӣ
Дилрабо Мансурӣ, муовини Раиси Маҷлиси намояндагони Маҷлиси Олӣ: «Рушди соҳаи саноати сабук имкон медиҳад, ки бонувон бештар бо ҷойи кор таъмин шаванд»