Доираҳои тиҷоратии Тоҷикистон ва Туркия масъалаҳои тавсеаи ҳамкориро баррасӣ намуданд

Сентябрь 17, 2020 15:00

ДУШАНБЕ, 17.09.2020 /АМИТ «Ховар»/. Муҳимтарин масъалаҳои тақвияти ҳамкории иқтисодию тиҷоратӣ ва сармоягузорӣ байни Тоҷикистон ва Туркия зимни баргузории ҳамоиши видеоӣ бо намояндагони вазорату идораҳои марбута ва доираҳои тиҷоратии ҳарду давлат баррасӣ гардиданд. Дар  ҳамоиши фосилавӣ  180 нафар соҳибкорони Тоҷикистон ва Туркия иштирок намуда, молу маҳсулоти корхонаю ширкатҳои худро, ки ба содирот нигаронида шудаанд, муарифӣ намуданд ва барои содироти молу маҳсулот ва технология  дархостҳои тиҷоратӣ ирсол доштанд.

Палатаи савдо ва саноати Ҷумҳурии Тоҷикистон, Сафорати Ҷумҳурии Тоҷикистон  дар Ҷумҳурии Туркия, Шӯрои соҳибкорони Туркия – Тоҷикистон, Шӯрои робитаҳои иқтисодии хориҷии Туркия (DEIK)  аз созмондиҳандагони ин  ҳамоиши видеоӣ буданд.

Аз Палатаи савдо ва саноати ҷумҳурӣ ба АМИТ «Ховар» иттилоъ доданд, ки дар ҳамоиши видеоӣ Сафири Фавқулода ва Мухтори Ҷумҳурии Тоҷикистон  дар Ҷумҳурии Туркия Маҳмадалӣ Раҷабиён, муовини Вазири рушди иқтисод ва савдои ҷумҳурӣ Абдураҳмон Абдураҳмонзода, муовини аввали Раиси Кумитаи давлатии сармоягузорӣ ва идораи амволи давлатии ҷумҳурӣ  Шарафҷон Шерализода, муовини Раиси Палатаи савдо ва саноати мамлакат Одил Сангов  ва  намояндаи  КВД «Тоҷинвест» Сахӣ  Диловаров, инчунин аз ҷониби  Туркия  муовини  Вазири тиҷорати Ҷумҳурии Туркия Гонҷа Йилмаз Батур, Раиси Шӯрои робитаҳои иқтисодии хориҷии Туркия (DEIK) Наил Олпак, Раиси Шӯрои соҳибкории Туркия – Тоҷикистон Ҷаҳонгир Саатчиоғлу   иштирок ва сухан карданд.

Иштирокдорони ҳамоиш муҳимтарин масъалаҳои тавсеаи ҳамкории иқтисодию тиҷоратии Тоҷикистон ва Туркияро дар шароити пандемия,  хусусан ҷалби сармоя ва соҳибкорони  Туркия ба иқтисодиёти Тоҷикистон, воридоти технологияҳои наву муосир, табодули таҷрибаи соҳибкорони ҳарду давлат ва рушди содиротро баррасӣ намуданд.

Ҳамзамон дар ҳамоиши видеоӣ доираҳои соҳибкорони Тоҷикистон ва  Туркия доир ба таҳкими ҳамкорӣ дар соҳаҳои кишоварзӣ ва саноати хӯрокворӣ, нассоҷӣ,  сохтмон ва энергетика табодули назар намуданд. Иштирокдорони ҳамоиши видеоӣ дар бахшҳои алоҳидаи В2В тавсеаи ҳамкориро дар соҳаҳои кишоварзӣ, хӯрокӣ, нассоҷӣ,  сохтмон  ва энергетика матраҳ намуданд.

Сентябрь 17, 2020 15:00

Хабарҳои дигари ин бахш

Пахтакорони ноҳияи Ҷаббор Расулов дар майдони зиёда аз 5 ҳазор гектар кишти чигит мегузаронанд
Вазири кишоварзии Тоҷикистон вобаста ба тақвияти корҳои саҳроӣ бо деҳқонони шаҳри Конибодом суҳбат намуд
Дар шаҳри Хоруғ корхонаи истеҳсоли ҳасиб бунёд мегардад
Дар Суғд барои дарёфти грантҳои раиси вилоят озмун баргузор мешавад
Дар Эстония Хонаи савдои Тоҷикистон таъсис дода мешавад
Намояндагони Тоҷикистон дар «Аirspace world 2024» дар Женева иштирок намуданд
Роҳбари хоҷагии деҳқонии «Бобои Носир»: «Истифодаи оқилонаи 7,5 гектар замин ва даромад аз он дар баланд гардидани сатҳи зиндагии 5 оила мусоидат намуд»
Деҳқонони ноҳияи Мастчоҳ имсол дар майдони зиёда аз 23 ҳазор гектар кишту парвариши зироати кишоварзиро ба нақша гирифтаанд
Дар шаҳри Хуҷанд Намоишгоҳи X байналмилалии савдо «Суғд-2024» доир мегардад
«РОҲ БА СӮИ ТИЁНШОН». Душанбе охири моҳи май мизбони конфронси байналмилалӣ мегардад
Соли 2023 ба буҷети шаҳри Гулистон аз ҳисоби хизматрасонии сайёҳӣ ва табобатӣ зиёда аз 40 миллион сомонӣ ворид шуд
Ҳоҷагидорони Кооперативи истеҳсолии «Сомон-Бохтар»-и ноҳияи Кӯшониён майдони парвариши лимӯро васеъ менамоянд