Нашриёти «Адиб» «Гулбонги бӯи ҷӯи Мӯлиён»-ро ба чоп расонд
ДУШАНБЕ, 07.09.2020 /АМИТ «Ховар»/. Нашриёти «Адиб» ба ифтихори 30-солагии Истиқлоли давлатии Ҷумҳурии Тоҷикистон китоби Раҷабалӣ Қудратзодаро таҳти унвони «Гулбонги бӯи ҷӯи Мӯлиён» бо теъдоди 1000 нусха аз ҳисоби Фонди захиравии Президенти Ҷумҳурии Тоҷикистон ба чоп расонд. Дар ин бора директори Нашриёти «Адиб» Давлат Сафар ба АМИТ «Ховар» хабар дод.
Китоб зери назари доктори илмҳои филологӣ, профессор Абдунабӣ Сатторзода ва бо таҳрири Шоири халқии Тоҷикистон устод Муҳаммад Ғоиб таълиф шуда, аз рӯзгор ва осори Одамушшуаро, устод Абӯабдулоҳи Рӯдакӣ ҳикоят мекунад.
Муқаддимаи китобро, ки «Ҷӯе, ки оғози дарёҳои мост» номгузорӣ шудааст, Шоири халқии Тоҷикистон шодравон Гулназар Келдӣ навиштааст. Дар тавсифи китоб устод Гулназар гуфтааст: «Бӯи ҷӯи Мӯлиён» нишонаи навоварӣ, тозагӯӣ, эъҷозу қудрати қалами Одамушшуарост. «Бӯи ҷӯи Мӯлиён» тимсоли бегазанди фарҳанги оламгири мо, муҷассамаи фанонопазири давлати бузурги Сомониён ва ҳамаи фарзандони фарзонаи миллати мост»
Ёдовар мешавем, ки чанде пеш ба ифтихори ҷашни миллӣ китоби дигари Раҷабалӣ Қудратзода таҳти унвони «Бар фазои қуллаҳо» ба табъ расида буд.
К
итоби мазкур маҷмӯи мақолаҳои адабӣ-публитсистиро дар бораи Истиқлолият, Ваҳдати миллӣ, шукӯҳу азамати Неругоҳи барқи обии «Роғун», Наврӯзи Аҷам, инчунин қаҳрамониҳои ниёгони мо, аз ҷумла давлати Сомониёнро дар роҳи озодиву соҳибдавлатӣ фаро гирифтааст.
Инчунин дар китоб як силсила мақолаҳо зери унвони «Ёдҳо ва хотираҳо» чоп шудаанд, ки хонандагон бо рӯзгори ибратомӯз ва осори безаволи Қаҳрамонони Тоҷикистон Устод Айнӣ, Бобоҷон Ғафуров, Мирзо Турсунзода шинос мегарданд. Лаҳзаҳои ҷолиби ҳаёт ва эҷодиёти адибону донишмандон, мисли устод Лоҳутӣ, Саид Нафисӣ, Саҳбо, Туғрал, Ҳайрат, Академик Зариф Раҷабов, Абдусалом Деҳотӣ, Боқӣ Раҳимзода, Раҳимӣ, Зеҳнӣ, Ҳабибулло Назаров мавриди тасвир қарор гирифтаанд.
Академики Академияи таҳсилоти Тоҷикистон Маҳмадулло Лутфуллозода ва Нависандаи халқии Тоҷикистон устод Ӯрун Кӯҳзод дар сарсухани асар нигоштаанд, ки ин китоб армуғони сазовор ба ҷашни 30-солагии Истиқлолияти давлатӣ мебошад. Номбурдагон дар бораи китоб ҳамчунин гуфтаанд: «Китоби Раҷабалӣ Қудратзода «Бар фазои қуллаҳо» асари таърихӣ, фарҳангию адабӣ, илмию оммавӣ буда, аҳамияти муҳими тарбиявӣ дорад. Он ба торҳои нозуки эҳсос нохун зада, хотираи таърихиро меафзояд, дар қалбҳо ҳисси ватандӯстӣ, хештаншиносӣ, ваҳдату ифтихори миллиро бедор менамояд».
34 нафар аз Донишгоҳи техникии Тоҷикистон ба даври сеюми Озмуни ҷумҳуриявии «Илм фурӯғи маърифат» роҳхат гирифтанд
Инна Блюшенко аз Швейтсария: «Мақсад дорам забони ширину шевои тоҷикиро омӯзам»
Даври дуввуми Озмуни ҷумҳуриявии «Тоҷикистон-Ватани азизи ман» 10 июн оғоз мешавад
Президенти Академияи миллии илмҳои Тоҷикистон дар Конференсияи байналмилалии «Илм барои бехатарии ҷаҳон» иштирок намуд
35-СОЛАГИИ ИСТИҚЛОЛИЯТИ ДАВЛАТӢ. Дар Чойхонаи миллӣ барои дар як шабонарӯз қабули 5000 мизоҷ шароит фароҳам оварда мешавад
Ба пешвози 700-солагии Ҳофизи Шерозӣ дар Тоҷикистон барномаҳои фарҳангию маърифатӣ доир мешаванд
ШАҲРИСТОНИ ҲУЛБУК. Бозёфтҳои аз ин ёдгорӣ пайдогардида намунаи санъати олии ҳунармандӣ буда, нотакрор мебошанд
«КОРВОНИ КИТОБ». Ба китобхонаҳои шаҳру ноҳияҳои Бадахшон беш аз 6 ҳазор нусха китоб дастрас мегардад
АМИТ «Ховар» ва ҶСП «Ширкати байнидавлатии телевизион ва радиои «Мир»» Ёддошти тафоҳум ба имзо расониданд
Дар Душанбе мубодилаи барномаҳои фарҳангӣ ва намоиши филмҳо байни Тоҷикистон ва Чин баргузор гардид
Дар мавзуи ташаккул ва рушди синошиносӣ дар Тоҷикистон конфронси илмӣ доир гардид
Рӯзҳои фарҳанги Ҷумҳурии Тоҷикистон дар Ҷумҳурии Тотористони Федератсияи Русия доир гардид
